Топырақ өңдеуге күзде алғы дақылдарды жинап алғаннан кейін кіріседі. Күздік дәнді дақылдардан соң танаптағы аңызды ЛДГ-10 сыдыра жыртқыштармен 10-12 см тереңдікте өңдейді.Арам шөптер көктеп шыққаннан кейін жерді ПНЛ-8-40, ПЛН-6-35, ПЛН -35, ПЛН -4-35 түренді плугтарының бірімен 27- 30см тереңдікте сүдігер жыртады.
Отамалы және көкөніс алғы дақылдарынан кейін топырақты сыдыра өңдемей-ақ бірден терең жыртуға кіріседі. Қазақстанның солтүстік аймағында қыста СВУ-2,6 құралымен қар тоқтатады. Көктемгі топырақ өңдеу танапта БЗСС-1,0 тырмаларымен ылғал жабудан басталады. Содан кейін сүдігерді 20-22 см тереңдікке ПЛН-4-35 түренді плугымен БЗСС-1,0 тырмасынан тұратын құрама агрегатпен жыртады.
