Егісте зиянды жәндіктермен зақымдалмаған, сапалы тұқым отырғызылуы керек. Ол үшін тұқымдық түйнектерді картоп сорттайтын КСП-25 пункттерінде іріктеп, үш фракцияға бөледі. Майда фракцияға салмағы 30-50г, орташаға 50-80г және ірі -80г-нан ауыр түйнектерді кесіп отырғызады. Бүтін және кесілген түйнектердің ара қатынасын 1:3 есебімен араластырып отырғызған дұрыс. Картоп түйнкетерін отырғызуға 5 -7 күн қалғанда ТГ-1А двигателін пайдаланып, ауа қыздырғыш қондырғымен “25-27 ОС шамасында қыздырады. Отығызар алдында жуылып және іріктелген түйнектерді концентрациясы 0,002%-дық амин тұзы %1,0%-дық бор қышқылы қосындысынан тұратын қоректік-дезинфекциялық ерітіндісімен дәрілейді. Бұл ерітінді 1 тонна тұқымға 30-50л мөлшерінде жұмсалады.
