Көрнекілік принципі әдіс пен тәсілді оқытудың табыстылығын қарастырады. Оқытудың бастапқы сатысында бұл принципті қатаң сақтау оқушылардың үйренетін әдістік амалы мен тәсілдік іс-қимылы туралы ұғым қалыптастыру үшін өте маңызды. Жетілдіру кезеңінде көрнекілік принципі әдістік амалды немесе тәсілдік іс-қимылды мұқият талдап, қателерді анықтап, жетілдіру жолдарын айқындауға көмектеседі. Қазіргі кезде спортшының іс-қимылы туралы жедел ақпарат алу кең таралған (волейболшы үшін бұл – секіру биіктігі, допты ұру күші, доп тастаудың, шабуыл соққысының, спортшының тәсілдік іс-қимылының, доп берудің дәлдігі және т.б.). бұл жағдайда жаттықтырушыға түрлі құрылғылар мен арнайы жабдықтар көмектеседі: бейнемагнитофондар, кино түсіру және жобалау қондырғылары, көрсету тақталары, алаң макеті, кинограммалар, өлшеу қондырғылары және т.б. бұларсыз оқу-жаттығу жұмыстарын жоғары деңгейде өткізу мүмкін емес.
Достарыңызбен бөлісу: |
