М. А. Молдашева
АУДАРЫЛҒАН ЖОЛДАҒЫ АҚШАЛАЙ
жүктеу/скачать 1,44 Mb. Pdf көрінісі
|
Молдашева
| 5.4. АУДАРЫЛҒАН ЖОЛДАҒЫ АҚШАЛАЙ
ҚАРЖЫЛАР ЕСЕБІ Аударылған, бірақ әлі кәсіпорынның шотына келіп түспеген, яғни кіріске алынбаған ақша қаражаттары жолдағы ақшалай қаржылар болып саналып, ал олардың есебі 1020-«Аударылған жолдағы ақшалай қаражаттар» - деп аталатын шотта жүргізіледі. Бұл шот ай соңында кәсіпорынға немесе фирмаға басқа кәсіпорын, ұйым немесе фирмалардан аударылған, бірақ әзірге келіп түспеген, яғни кіріске алынбаған жолдағы ақшалай қаржылар жайлы ақпараттарды қорытындылауға арналған. Бұл шотта кәсіпорындар, фирмалар немесе ұйымдар өздерінің қарамағандағы филиал- дардың, бөлімшелердің, сондай-ақ сатып алушылардың банктерге, сақтық кассаларына, почта бөлімшелеріне салған, бірақ тиісті шотқа әлі түспеген, аударылғандығы туралы тиісті құжаттармен дәлелденген ақшалай қаржыларды есептейді. №1020 «Жолдағы ақшалай қаражаттар» шотында ақша қаражаттарын есептеу үшін мынадай құжаттар болуға тиіс: 62 1. Саудадан немесе басқа да операциялардан түскен түсімді банкінің қабылдағанын дәлелдейтін құжат. 2. Почта бөлімінің ақшаны қабыдағаны жайлы квитанциясы. 3. Басқа кәсіпорындардан олардың ақша аударғаны жайлы берген авизасы (бұл авизада ақшаны аударған күні, сомасы, оны қабылдаған банк немесе почта аты көрсетіледі). Мысалы: 2009 жылы 28 желтоқсанда А кәсіпорны қараша айында сатқан тауарлары үшін осы тауарларды сатып алған Б кәсіпорнынан 450000 теңге аударғаны туралы авиза (құжат) алды делік. Бірақ бұл ақша А кәсіпорнының есеп айырысу шотына 2010 жылы 4 қаңтарда ғана келіп түсті, яғни кіріске алынды. Осы операциялар бойынша А кәсіпорнының бухгалтерлік есебінде мынадай жазу жазылады: Дебет Кредит 28.12.09 1020 2110 450000 тг. 05.10.10 1030 1020 450000тг. Кәсіпорынның, ұйымның және фирманың бухгалтериясы аударылған жолдағы ақшалардың банктердегі есеп айырысу немесе басқа да тиісті шоттарға уақытылы да, дер кезінде түсіп есепке алынуына бақылау жасап отыруы керек. Кәсіпорындар, ұйымдар, фирмалар арасында жолдағы аударылған шетел валютасы да осы 1020 – «Жолдағы аударылған ақшалай қаражаттар» шотында есептелініп, бірақ бөлек көрсетіледі. жүктеу/скачать 1,44 Mb. Достарыңызбен бөлісу:
|