Мамай орта мектебі 2015-2016 оқу жылы бойынша тәрбие жұмысының сараптамасы

2015-2016 оқу жылына арналған тәрбие жұмысына төмендегідей мақсат қойылды:

«Дені сау, ұлттық сана-сезімі оянған, мәдениетті, іскер, жаңашыл, шығармашылық деңгейде қызмет атқара алатын, дүниетанымы жоғары, жан-жақты қалыптасқан жеке тұлға тәрбиелеу»

Мектептің шұғылданатын өзекті мәселесі:

«Оқушылардың жеке қабілеттерін ескере отырып, өз білімін жүзеге асыра алатын жан-жақты дамыған тұлғаны тәрбиелеу»

5 қыркүйек күні мектептептің барлық оқушылары мен мұғалімдер ұжымы толықтай «Салаутты өмір салтын таңда!» ұранымен өткізілген Денсаулық Фестиваліне қатысты. Денсаулық Фестивалі сағат 9.00-де салтанатты жиынмен басталды. Салтанатты жиында еліміздің әнұраны орындалып, мектеп директоры Біржанов Д.Б. салауатты өмір салтын дәріптеу шарасына байланысты өзінің құттықтау сөзін сөйледі. Мектептің тәрбие ісінің меңгерушісі Мусабаева Г.К. денсаулық тақырыбында шағын әңгіме өткізді. Сынып оқушылары денсаулық пен салауатты өмір сүру салтына байланысты мақал-мәтелдер мен қанатты сөздер жазылған плакаттармен, денсаулыққа байланысты өлеңдермен Фестивальдің ажарын айшықтай түсті. Фестивальдің салтанатты ашылуының соңында мектептің дене шынықтыру пәнінің мұғалімдері Бржанов Т.Ж. мен Тоқыбаев А.М. Денсаулық күнінің күн тәртібімен таныстырып өтті.

Мамай орта мектебі бойынша Жаппай біліммен қамту айлығы мен «Мектепке жол» акциясы өткізілсін деген №21 /02.09.2015/ бұйрығы шығарылып, айлық пен акцияның жүргізілу жоспары жасалып, бекітілді. Ауыл көшелері 4 мөлтекке бөлініп, көшелерге жауапты мұғалімдер бекітілді.

Жаңа оқу жылына дайындық кезінде оқумен қамтылмаған балаларды айқындау, жетім, ата-анасының қамқорлығынсыз қалған, аз қамтылған және көп балалы отбасындағы оқушыларға қолдау көрсету және әлеуметтік себептермен балалардың мектепке келмей қалудың алдын алу мақсатында Мамай орта мектебінде 01 тамыз – 30 қыркүйек аралығында «Мектепке жол» акциясы өткізілді. Туғанынан 19 жасқа дейінгі балалардың тізімін анықтап, тізімі жасалынды. 0-18 жасқа дейінгі балалар саны - 77 бала.

Жоспарға сай оқу жасындағы балалар мен жасөспірімдердің толық оқумен қамтылуын тексеру мақсатында мұғалімдер, ата-аналар және ауыл әкімшілік қызметкерлерімен бірігіп ауыл көшелеріне рейд жүргізілді, 9-сынып аяқтаған оқушылардың оқумен қамтылуын тексеріліп, басқа оқу орнына кеткендердің анықтамалары жинақталды.

Мектепте көп балалы отбасынан 12 оқушы мен жетім 1 оқушы, рейд барысында осы оқушылардың киіммен, аяқ-киіммен, оқу - құралдарымен толық қамтылған.

1-сыныпқа 8 оқушы барды.

2014-2015 оқу жылы бойынша 9-сыныпты 6 оқушы аяқтап, оның ішінде 4-уі 10-сыныпқа барды. 2 оқушы колледжге оқуға түсті. Дәуіт Диана– Көкшетау қаласы Ж. Мусин атындағы педегогикалық колледжіне /бастауыш сынып мұғалімі/, Айтқожа Жанат- Көкшетау қаласы Мусин атындағы педегогикалық колледжіне /дене шынықтыру мұғалімі/, Картабаев Асылхан – Астана қаласы Көлік және коммуникация колледжіне/ жол құрылысы көліктері мен жабдықтарының механигі/, Кеңшілік Бақтілек –Шучье қаласы педагогикалық колледж /бастауыш сынып мұғалімі/ , Тауекел Диана –Шучье қаласы педагогикалық колледж /қазақ тілі және әдебиет мұғалімі/.

Акция барысында мұғалімдер ұжымынан 3000 теңге жиналып 1-сынып оқушыларына /8 оқушы/ оқу құралдары әперілді.

Мамай ауылдық округі жерінде орналасқан «KazBeef LTD» ЖШС-нің директорының орынбасары Өмірзақов Ермек Рысбекұлы жетім бала Мамай орта мектебінің 4-сынып оқушысы Бұлғамия Хайрлысқа мектеп формасын (костюм, аяқ киім, оқу құралдары) алып берді.

Ермек Рысбекұлы бұл сыйлықтарды «Сыныптастар тобы» атты өз сыныптастарынан құралған қайырымдылық қордың атынан табыс ететінін жеткізді.