2. Оқу пəнінің 7-сыныптағы базалық білім мазмұны
27. Геометрияның алғашқы ұғымдары (13 сағат):
1) геометрияның негізгі ұғымдары;
2) геометриялық фигура ұғымы;
3) нүкте, түзу, сəуле (жартытүзу), кесінді, жазықтық жəне олардың өзара орналасуы;
4) геометриялық фигураларға мысалдар: көпбұрыштар, көпжақтар (куб, тікбұрышты параллелепипед, пирамида);
5) фигуралардың теңдігі;
6) кесінділерді өлшеу;
7), бұрыштың градустық өлшемі жəне оның қасиеттері;
8) геометрияның аксиомалары; 9) бұрыштың биссектрисасы; 10) теорема жəне теореманы дəлелдеу; 11) сыбайлас жəне вертикаль бұрыштар жəне олардың қасиеттері.
28. Үшбұрыштар (19 сағат):
1) үшбұрыш жəне оның түрлері; 2) бізді қоршаған əлемдегі үшбұрыштар;
3) үшбұрыштың медианалары, биссектрисалары жəне биіктіктері; 4) үшбұрыштың сыртқы бұрышы; 5) үшбұрыштардың теңдігі, үшбұрыштар теңдігінің белгілері;
6) теңбүйірлі үшбұрыштың қасиеттері мен белгілері;
7) перпендикуляр түзулер;8) перпендикуляр жəне көлбеу; 9) нүктеден түзуге дейінгі қашықтық;10) тікбұрышты үшбұрыш, тікбұрышты үшбұрыштар теңдігінің белгілері;
11) сүйір бұрышы 30º жəне 45º болатын тікбұрышты үшбұрыштардың қасиеттері;
12) үшбұрыштың қабырғалары мен бұрыштарының арасындағы қатыстар;
13) үшбұрыштың теңсіздігі.
29. Түзулердің өзара орналасуы (12 сағат):
1) қиылысқан түзулер; 2) параллель түзулер, түзулердің параллельдік белгілері;
3)бізді қоршаған əлемдегі параллель түзулер; 4) үшбұрыштың бұрыштарының қосындысы; 5) параллель түзулердің қасиеттері; 6) параллель түзулердің арақашықтығы.
30. «Шеңбер. Геометриялық салулар (18 сағат)»:
1) шеңбер жəне оның элементтері (хорда, диаметр, радиус, доға); 2) диаметр мен хорданың перпендикулярлығы туралы теоремалар; 3) шеңберге жанама жəне оның қасиеттері; 4) түзу мен шеңбердің өзара орналасуы; 5) екі шеңбердің өзара орналасуы;
6) центрлік бұрыштар, доғаның градустық өлшемі; 7)жазықтықтағы нүктелердің геометриялық орны: орта перпендикуляр жəне бұрыштың биссектрисасы;
8) үшбұрышқа сырттай сызылған шеңбер; 9) үшбұрышқа іштей сызылған шеңбер;
10) салу есептері, салу есептерін шешу кезеңдері.
31. «Қайталау. Есептер шығару (6 сағат)».
3. Оқу пəнінің 8-сыныптағы базалық білім мазмұны
32. 7-сынып геометрия курсын қайталау (4 сағат):
1) нүкте, түзу, сəуле (жартытүзу), кесінді, жазықтық жəне олардың өзара орналасуы;
2) фигуралардың теңдігі; 3) геометрия аксиомалары; 4) теорема жəне теореманы дəлелдеу;
5) сыбайлас жəне вертикаль бұрыштар жəне олардың қасиеттері; 6) үшбұрыштар теңдігінің белгілері; 7) теңбүйірлі үшбұрыш; 8) тікбұрышты үшбұрыштар теңдігінің белгілері мен қасиеттері; 9) үшбұрыштың қабырғалары мен бұрыштарының арасындағы қатыстар; 10) параллель түзулердің белгілері мен қасиеттері; 11) үшбұрыштың бұрыштарының қосындысы; 12) шеңбер; 13) түзу мен шеңбердің, екі шеңбердің өзара орналасуы; 14) центрлік бұрыш, доғаның градустық өлшемі; 15) салу есептері.
33. Төртбұрыштар (18 сағат):
1) төртбұрыштың анықтамасы, дөңес төртбұрыштар, төртбұрыштың ішкі бұрыштарының қосындысы; 2) параллелограмм жəне оның қасиеттері; 3) параллелограммның белгілері;
4) тіктөртбұрыш, ромб, квадрат жəне олардың қасиеттері мен белгілері; 5) Фалес теоремасы, пропорционал кесінділер; 6) трапеция; 7)бізді қоршаған əлемдегі төртбұрыштар (параллелограммдар, тіктөртбұрыштар, ромбтар, квадраттар, трапециялар);
8) үшбұрыштың орта сызығы, трапецияның орта сызығы; 9) үшбұрыштың тамаша нүктелері.
34. Тікбұрышты үшбұрыштың қабырғалары мен бұрыштары арасындағы қатыстар (15 сағат):
1) тікбұрышты үшбұрыштың сүйір бұрышының синусы, косинусы, тангенсі жəне котангенсі;2) Пифагор теоремасы; 3) негізгі тригонометриялық тепе-теңдік жəне оның салдары; 4) 30º, 45º, 60º бұрыштардың синус, косинус, тангенс жəне котангенс тригонометриялық функцияларының мəндері; 5)тікбұрышты үшбұрыштарды шешу;
6) тікбұрышты үшбұрыштарды салу
35. Жазықтықтағы тікбұрышты координаталар жүйесі (10 сағат):
1) жазықтықтағы нүктенің координаталары, кесінді ортасының координаталары, екі нүктенің арақашықтығы; 2) шеңбердің теңдеуі, түзудің теңдеуі;
3) есептерді шешуде координаталарды қолдану.
36. Аудан (14 сағат):
1) фигураның ауданы туралы түсінік;2) фигуралардың теңшамалылығы жəне теңқұралғандығы; 3) тіктөртбұрыштың, параллелограммның, үшбұрыштың жəне трапецияның аудандары.
37. «Қайталау. Есептер шығару (7 сағат)».
4. Оқу пəнінің 9-сыныптағы базалық білім мазмұны
38.8-сынып геометрия курсын қайталау (4 сағат):
1) төртбұрыш, дөңес төртбұрыштар; 2) параллелограмм, тіктөртбұрыш, ромб, квадрат, трапеция жəне олардың қасиеттері мен белгілері; 3) пропорционал кесінділер туралы теоремалар;4) үшбұрыштың тамаша нүктелері; 5) Пифагор теоремасы;
6) сүйір жəне доғал бұрыштардың тригонометриялық функциялары;7) жазықтықтағы координаталар əдісі; 8) үшбұрыштың жəне кейбір төртбұрыштардың аудандары.
39. Векторлар (16 сағат):
1) вектор ұғымы; 2) коллинеар векторлар; 3) вектордың ұзындығы (модулі) жəне бағыты; 4)векторлардың теңдігі, векторларды қосу жəне оның қасиеттері, векторларды азайту, векторды санға көбейту;5) векторлардың коллинеарлық критерийі; 6) векторды санға көбейтудің қасиеттері; 7) жазықтықтағы векторды екі коллинеар емес векторлар бойынша жіктеу; 8) тікбұрышты координаталар жүйесіндегі векторлар, вектордың координаталары;
9) векторлардың арасындағы бұрыш; 10) вектордың координаталық осьтердегі проекциялары; 11) векторлардың скалярлық көбейтіндісі; 12) тікбұрышты координаталар жүйесінде түзудің берілуінің əртүрлі тəсілдері (екі нүктемен, нүкте жəне бұрыштық коэффициентімен берілген түзудің теңдеулері);
13) есептерді шешуде векторларды қолдану.
40. Жазықтықтағы түрлендірулер (10 сағат):
1)жазықтықты түрлендіру, қозғалыс жəне оның қасиеттері; 2) фигуралардың теңдігі жəне оның қасиеттері; 3) жазықтықтағы қозғалыстар – осьтік жəне центрлік симметриялар, параллель көшіру, бұру; 4) гомотетия, ұқсастық түрлендіру жəне оның қасиеттері;
5) ұқсас фигуралар; 6) үшбұрыштар ұқсастығының белгілері, тікбұрышты үшбұрыштардың ұқсастығы.
41. Көпбұрыштар (13 сағат):
1) сынық сызық; 2) дөңес көпбұрыштар, дөңес көпбұрыштың бұрыштарының қосындысы;
3) шеңберге іштей сызылған бұрыштар жəне олардың қасиеттері;
4) шеңбердің хордалары мен қиюшы кесінділерінің пропорционалдығы туралы теорема;
5) шеңберге іштей жəне сырттай сызылған төртбұрыштар; 6) дұрыс көпбұрыштар;
7) іштей жəне сырттай сызылған шеңберлердің радиустарын, қабырғаларды, периметрді жəне ауданды байланыстыратын формулалар; 8) дұрыс көпбұрыштарды салу;
9) бізді қоршаған əлемдегі көпбұрыштар.
42. Үшбұрыштарды шешу (7 сағат):
1) синустар жəне косинустар теоремалары; 2) үшбұрыштарды шешу;
3) геометриялық есептерді жəне практикалық мазмұнды есептерді шешуде тригонометрияны қолдану.
43. Шеңбердің ұзындығы жəне дөңгелектің ауданы (6 сағат):
1) шеңбердің ұзындығы, π саны; 2) шеңбердің доғасының ұзындығы;
3) бұрыштың радиандық өлшемі;4) дөңгелектің жəне оның бөліктерінің (сегменттің жəне сектордың) ауданы.
44. Стереометрия элементтері (6 сағат):
1) стереометрия аксиомалары жəне олардың қарапайым салдарлары;
2) кеңістіктегі екі түзудің, түзу мен жазықтықтың, екі жазықтықтың өзара орналасуы;
3) түзу мен жазықтықтың арасындағы бұрыш; 4)түзулердің, түзу мен жазықтықтың перпендикулярлығы; 5) параллелепипед, тік жəне көлбеу призмалар, пирамида, олардың қырларының өзара орналасуы, биіктік;6) цилиндр, конус, шар жəне олардың кескіндері;
7) бізді қоршаған əлемдегі кеңістіктік геометриялық фигуралар.
45. «Қайталау. Есептер шығару (6 сағат)».
5. Оқушылардың дайындық деңгейiне қойылатын талаптар
46. Оқушылардың дайындық деңгейі пəндік, тұлғалық, жүйелі-əрекеттік нəтижелері бойынша бағаланады.
47. Пəндік нəтижелер «білуі тиіс» жəне «меңгеруі тиіс» аспектілерімен көрсетілген.
48. 7-сынып геометрия курсын оқу нəтижесінде, оқушылар білуі тиіс:
1) геометрия нені оқытатынын; 2) геометрия аксиомаларын; 3) кесіндінің анықтамасын;
4) сəуленің (жартытүзудің) анықтамасын; 5) бұрыштың анықтамасын;6)кесінділердің теңдігінің анықтамасын; 7) бұрыштардың теңдігінің анықтамасын;
8) фигуралардың теңдігінің анықтамасын; 9) бұрыштың биссектрисасының жəне кесіндінің ортасының анықтамаларын; 10) кесінділерді жəне бұрыштарды салыстыруды;
11) теореманы, теореманың шарты мен қорытындысын, теореманы дəлелдеуді, теоремалардың түрлерін; 12) сыбайлас бұрыштардың анықтамасын;
13) сыбайлас бұрыштардың қасиеттерін; 14) вертикаль бұрыштардың анықтамасын;
15) вертикаль бұрыштардың қасиеттерін; 16) үшбұрыштың анықтамасын, үшбұрыштардың түрлерін; 17) үшбұрыштың медианасының, биссектрисасының жəне биіктігінің анықтамаларын; 18) үшбұрыштың сыртқы бұрышы туралы теореманы;
19) үшбұрыштар теңдігінің белгілерін; 20) теңбүйірлі үшбұрыштың қасиеттері мен белгілерін;21) перпендикуляр түзулердің анықтамасын; 22) берілген түзуге перпендикуляр мен көлбеудің анықтамасын; 23) перпендикуляр түзулердің қасиеттерін;
24) тікбұрышты үшбұрыштың анықтамасын; 25) тікбұрышты үшбұрыштар теңдігінің белгілерін; 26) үшбұрыштың қабырғалары мен бұрыштарының арасындағы қатыстарды;
27) үшбұрыштың теңсіздігін; 28) сүйір бұрышы 30º жəне 45º болатын тікбұрышты үшбұрыштардың қасиеттерін; 29) параллель түзулердің анықтамасын;
30) параллельдік аксиомасын; 31) екі түзуді үшінші түзу қиғанда пайда болған бұрыштардың анықтамаларын; 32) түзулердің параллельдік белгілерін;
33) параллель түзулердің қасиеттерін; 34) үшбұрыш бұрыштарының қосындысы туралы теореманы; 35) шеңбердің анықтамасын; 36) радиустың, диаметрдің, доғаның жəне хорданың анықтамаларын; 37)шеңберге жүргізілген жанаманың анықтамасын;
38) диаметр мен хорданың перпендикулярлығы туралы теореманы жəне оған кері теореманы; 39)шеңберді қиюшының анықтамасын; 40) шеңберге одан тыс жатқан нүктеден жүргізілген жанамалардың қасиетін;
41) центрлік бұрыш пен доғаның градустық өлшемінің анықтамасын;
42) екі шеңбердің өзара орналасуын;
43) үшбұрышқа сырттай сызылған шеңбердің анықтамасын;
44) үшбұрышқа іштей сызылған шеңбердің анықтамасын;
45) нүктелердің геометриялық орны ұғымын; 46) кесінділердің ұштарынан жəне бұрыштың қабырғаларынан бірдей қашықтықта жатқан нүктелердің жиынын;
47) «геометриялық салу» ұғымының мəнін; 48) салу есептерін шешу кезеңдерін;
49) салудағы талдаудың мəнін; 50) салу есептерін шешудегі дəлелдеуді жəне зерттеуді;
51) сызбаларды орындаудың қарапайым ережелерін.
49. 7-сынып геометрия курсын оқу нəтижесінде, оқушылар келесі біліктерді меңгеруі тиіс:
1) сызу құралдарымен жұмыс істеу;
2) фигуралардың белгілеулерін дұрыс оқи білу жəне жаза білу;
3) геометриялық фигураларды кескіндеу; 4) есептің шарты бойынша сызбаларды орындау;
5) сызбалардан геометриялық фигураларды танып білу жəне олардың өзара орналасуын ажырата білу; 6) қоршаған əлемдегі геометриялық фигураларды танып білу;
7) фигуралардың оқып игерілген қасиеттеріне жəне олардың арасындағы қатынастарға сүйеніп жəне қосымша салуларды қолдана отырып, геометриялық есептерді шешу;
8) суретте нүктелерді, кесінділерді жəне түзулерді белгілеу, кесінділерді жəне транспортирдің көмегімен бұрыштарды салыстыру, бұрыштың биссектрисасын жүргізу;
9) нүктелердің, кесінділердің жəне түзулердің өзара орналасуын анықтау жəне сипаттау;
10) суретте аталған фигураларды өзара орналасуы бойынша кескіндеу;
11) кесінділерге амалдар орындау;12сүйір, тік, доғал жəне жазыңқы бұрыштарды ажырата білу; 13) сүйір, тік, доғал жəне жазыңқы бұрыштарды кескіндеу;
14) суреттен вертикаль жəне сыбайлас бұрыштарды табу; 15) берілген бұрышпен вертикаль немесе сыбайлас болатын бұрышты салу; 16) вертикаль немесе сыбайлас бұрыштардың біреуінің белгілі градустық өлшемі бойынша екіншісінің градустық өлшемін табу; 17) суреттен берілген үшбұрыштарды жəне олардың қабырғаларын, төбелері мен бұрыштарын табу; 18) үшбұрыштарды кескіндеу жəне олардың периметрін табу; 19) үшбұрыштың биссектрисасын, биіктігін жəне медианасын салу;
20) сүйірбұрышты, тікбұрышты жəне доғалбұрышты үшбұрыштарды ажырата білу жəне оларды суреттерде кескіндеу;
21) қабырғалары əртүрлі, теңбүйірлі жəне теңқабырғалы үшбұрыштарды ажырата білу жəне оларды суреттерде кескіндеу; 22) есептерді шешуде теңбүйірлі жəне теңқабырғалы үшбұрыштардың қасиеттерін пайдалану; 23)екі тең үшбұрыштардың сəйкес элементтерін табу; 24) есептерді шешуде үшбұрыштар теңдігінің белгілерін пайдалану;
25) берілген нүкте арқылы берілген түзуге перпендикуляр түзуді жүргізу;
26) перпендикуляр түзулердің қасиеттерін қолдануға есептер шешу;
27) ұзындығы берілген нүктеден берілген түзуге дейінгі қашықтыққа тең болатын кесіндіні анықтау;
28) есептерді шешуде тікбұрышты үшбұрыштардың белгілерін қолдану;
29) параллель екі түзуді үшінші түзу қиғанда пайда болған бұрыштардың теңдігін орнату;
30) суреттен айқыш, сəйкес жəне тұстас бұрыштардың жұптарын көрсету;
31) түзулердің параллельдігіне арналған есептерді шешу;
32) үшбұрыштың екі бұрышының белгілі шамалары бойынша үшінші бұрышының шамасын табу; 33) үшбұрыштың ішкі бұрыштарының қосындысын табу;
34) шеңберге жанама жүргізу; 35) үшбұрышқа іштей жəне сырттай сызылған шеңберлердің центрлерінің, радиустарының жəне жанасу нүктелерінің орналасуын көрсету; 36) есептерді шешуде жанаманың қасиеттерін пайдалану;
37) суретте үшбұрышқа іштей жəне сырттай сызылған шеңберлерді кескіндеу;
38) үшбұрышқа сырттай сызылған шеңбердің центрін табу; 39) үшбұрышқа іштей сызылған шеңбердің центрін табу; 40) кесінділердің ұзындықтарын жəне бұрыштардың шамасын өлшеуге, сыбайлас жəне вертикаль бұрыштардың қасиеттерін қолдануға, салуға арналған есептерді шешу; 41) сызу құралдарының көмегімен кесіндіні жəне бұрышты тең екі бөлікке бөлу; 42) бұрыштың биссектрисасын салу; 43) кесіндінің орта перпендикулярын жүргізу; 44) берілген түзуге перпендикуляр түзуді салу;
45) белгілі элементтері бойынша тікбұрышты үшбұрышты, үшбұрышты салу;
46) кесіндіні берілген қатынаста бөлу; 47) төртінші пропорционал кесіндіні салу.
50.8-сынып геометрия курсын оқу нəтижесінде, оқушылар білуі тиіс:
1) төртбұрыштың, дөңес төртбұрыштың анықтамаларын; 2) төртбұрыштың ішкі бұрыштарының қосындысы туралы теореманы; 3) параллелограмның анықтамасын жəне оның элементтерін; 4) параллелограмның қасиеттері мен белгілерін; 5) тіктөртбұрыштың, ромбтың жəне квадраттың анықтамаларын, белгілерін жəне қасиеттерін;
6) Фалес теоремасын; 7) пропорционал кесінділер туралы теореманы;8) трапецияның, теңбүйірлі жəне тікбұрышты трапециялардың анықтамаларын жəне олардың элементтерін; 9) үшбұрыштың орта сызығының анықтамасын жəне оның қасиеттерін;
10) трапецияның орта сызығының анықтамасын жəне оның қасиеттерін; 11)
үшбұрыштың төрт тамаша нүктелерінің атауларын; 12) үшбұрыштың медианаларының, биіктіктерінің, биссектрисаларының жəне қабырғаларына жүргізілген орта перпендикулярлардың қасиеттерін; 13) тікбұрышты үшбұрыштағы сүйір бұрыштң синусы, косинусы, тангенсі жəне котангенсінің анықтамаларын;
14) Пифагор теоремасын жəне оған кері теореманы; 15) негізгі тригонометриялық тепе-теңдікті жəне кейбір басқадай тепе-теңдіктерді; 16) 30º, 45º, 60º бұрыштардың тригонометриялық функцияларының мəндерін; 17) тікбұрышты үшбұрыштарды шешудің негізгі əдістерін; 18) кесінді ортасының координаталарының формуласын;
19) тікбұрышты координаталар жүйесіндегі екі нүктенің арақашықтығының формуласын;
20) түзу мен шеңбердің теңдеулерін;21)теңшамалы жəне теңқұралған фигуралардың анықтамаларын; 22) аудандарды өлшеу аксиомаларын, аудандардың өлшем бірліктерін;
23) тіктөртбұрыш, квадрат, үшбұрыш, параллелограмм жəне трапецияның аудандарын табу формулаларын.
51. 8-сынып геометрия курсын оқу нəтижесінде, оқушылар келесі біліктерді меңгеруі тиіс:
1) қоршаған əлемдегі заттарды суреттеуде геометриялық тілді пайдалану; 2) талдау жүргізу, салыстыру, жалпылау, нақтылау, аналогияны қолдану, ой қорыта білу;
3) сызу құралдарымен жұмыс істеу; 4) есептің шарты бойынша сызбаларды орындау;
5) қоршаған əлемдегі геометриялық фигураларды танып білу; 6) геометриялық шамалардың (ұзындықтар, бұрыштар, аудандар) мəндерін есептеу;
7) 0-ден 90°-қа дейінгі бұрыштардағы тригонометриялық функциялардың мəндерін анықтау, белгілі бір мəні бойынша тригонометриялық функциялардың мəндерін табу;
8) үшбұрыштардың, төртбұрыштардың қабырғаларын, бұрыштарын жəне аудандарын табу;9) фигуралардың оқып игерілген қасиеттеріне жəне олардың арасындағы қатынастарға сүйеніп, қосымша салуларды, алгебралық жəне тригонометриялық аппаратты қолдана отырып, геометриялық есептерді шешу;
10) параллелограмды, тіктөртбұрышты, квадратты, ромбты жəне трапецияны сипаттауды жəне ажырата білу; 11) суреттен төртбұрыштарды жəне олардың қабырғаларын, төбелері мен бұрыштарын табу; 12) суретте төртбұрышты, оның диагональдары мен биіктіктерін кескіндеу; 13) параллелограмның элементтерінің арасындағы қатыстарды бейнелейтін есептерді шешу;14) циркуль мен сызғыштың көмегімен кесіндіні тең n бөлікке бөлу;
15) пропорционал кесінділерді салу; 16) берілген екі кесіндінің қатынасындай етіп кесіндіні қатынасқа бөлу; 17) трапецияның белгісіз элементтерін табуға арналған есептерді шешу; 18) үшбұрыш пен трапецияның орта сызықтарының қасиеттерін қолдануға арналған есептерді шешу; 19)үшбұрыштың тамаша нүктелерін пайдаланып есептерді шешу; 20) сүйір бұрыштың синусы, косинусы, тангенсі жəне котангенсінің мəндерін табуға арналған есептерді шешу; 21) тікбұрышты үшбұрыштың элементтерін табу үшін сүйір бұрыштың тригонометриялық функцияларын қолдану;
22) тікбұрышты үшбұрыштың қабырғаларын табу үшін Пифагор теоремасын қолдану;
23) қабырғалары бойынша үшбұрыштың тікбұрышты болатынын тексеру;
24) геометриялық есептерді шешуде негізгі тригонометриялық тепе-теңдіктерді қолдану;
25) sinα, cosα, tgα жəне ctgα мəндерінің біреуінің белгілі мəні бойынша қалғандарының мəндерін табу; 26) үшбұрыш элементтерінің жуық сандық мəндерін табуға арналған есептерді шешу; 27) синус, косинус, тангенс жəне котангенстің белгілі мəндері бойынша бұрышты салу; 28) кесінді ортасының координаталарын оның ұштарының координаталары бойынша табу; 29) нүктелердің арақашықтығын (кесіндінің ұзындығын) осы нүктелердің координаталары бойынша табу;
30) тікбұрышты координаталар жүйесіндегі екі нүктенің арақашықтығын табу формуласын пайдаланып есептер шешу;31) центрінің координаталары мен радиусы бойынша шеңбердің теңдеуін жазу; 32) берілген теңдеуі бойынша шеңбердің центрінің координаталары мен радиусын табу; 33) екі нүкте арқылы өтетін немесе координаталық осьтердің біреуіне параллель болатын түзудің теңдеуін табу;
34) түзулердің, түзу мен шеңбердің, екі шеңбердің қиылысу нүктесін табу;
35) берілген элементтері бойынша квадраттың, тіктөртбұрыштың, параллелограммның, үшбұрыштың жəне трапецияның аудандарын есептеу;
36) тіктөртбұрыштың, квадраттың, үшбұрыштың, параллелограммның жəне трапецияның аудандарын табу формулаларын қолдану.
52. 9-сынып геометрия курсын оқу нəтижесінде, оқушылар білуі тиіс:
1) бағытталған кесіндінің жəне вектордың анықтамасын;
2) вектордың ұзындығының, нөлдік вектордың анықтамасын;
3) бірдей жəне қарама-қарсы бағытталған векторларды, бағытталған кесінділердің жəне векторлардың теңдігін; 4) нүктеден векторды салу туралы теореманы;
5) векторларды қосу мен азайту амалдарының анықтамаларын; 6) екі векторды қосудың үшбұрыш жəне параллелограмм ережелерін;
7) үшбұрыш, параллелограмм жəне көпбұрыш ережелерін қолдану аймағын;
8) векторлардың айырымын салудың əртүрлі тəсілдерін; 9) векторларды қосу амалының қасиеттерін; 10) векторды санға көбейтудің анықтамасын; 11) векторлардың коллинеарлық критерийін; 12) векторды санға көбейтудің қасиеттерін;
13) векторды екі коллинеар емес векторлар бойынша жіктеу туралы теореманы;
14) вектордың координаталарының анықтамасын; 15) вектордың координаталарын оның ұштарының координаталары бойынша табу ережесін; 16) координаталары берілген векторлардың теңдігін; 17) координаталары берілген векторларға амалдар қолдану туралы теореманы; 18) коллинеар векторлардың координаталары арасындағы байланысты;
19) вектордың ұзындығын есептеу формуласын; 20) екі вектордың арасындағы бұрыштың анықтамасын; 21)вектордың координаталарын оның ұзындығы жəне осы вектормен Ох осі арасындағы бұрышы арқылы өрнектелуін;
22) векторлардың скалярлық көбейтіндісінің анықтамасын жəне қасиеттерін; 23)координаталары берілген векторлардың скалярлық көбейтіндісін; 24)векторлардың арасындағы бұрыштың косинусының формуласын; 25) векторлардың перпендикулярлық шартын; 26) тікбұрышты координаталар жүйесінде түзудің əртүрлі берілу тəсілдерін;
27) түзудің бұрыштық коэффициентінің анықтамасын; 28) түзудің бұрыштық коэффициентінің геометриялық мағынасын; 29) түзулердің параллельдік жəне перпендикулярлық шарттарын; 30) екі нүктемен, нүкте жəне бұрыштық коэффициентімен берілген түзудің теңдеулерін; 31) жазықтықтағы қозғалыстың жəне оның дербес түрлерінің параллель (көшіру, осьтік жəне центрлік симметриялар, бұру) анықтамаларын;
32) фигуралардың теңдігі туралы теореманың тұжырымдамасын;
33) гомотетияның анықтамасын жəне оның қасиеттерін;34) ұқсастық түрлендірудің жəне ұқсас фигуралардың анықтамасын; 35) ұқсас фигуралардың қасиеттерін;
36) ұқсастық түрлендірудің қасиеттерінің тұжырымдамасын; 37)үшбұрыштар ұқсастығының белгілерін; 38)ұқсас фигуралардың аудандарының арасындағы байланысты; 39) дөңес көпбұрыштың анықтамасын; 40)дөңес n-бұрыштың бұрыштарының қосындысы туралы теореманы; 41) іштей сызылған бұрыштың өлшемі туралы теореманы; 42) шеңберге іштей жəне сырттай сызылған төртбұрыштардың қасиеттерін жəне белгілерін;43)дұрыс көпбұрыштың анықтамасын;
44) дұрыс көпбұрыштардың қасиеттерін; 45) дұрыс көпбұрышқа іштей жəне сырттай сызылған шеңберлердің бар болуы туралы теореманы; 46)іштей жəне сырттай сызылған шеңберлердің радиустарын дұрыс көпбұрыштың қабырғасы арқылы өрнектейтін формулаларды; 47) дұрыс көпбұрыштың ауданын оның периметрі мен оған іштей сызылған шеңбердің радиусы арқылы өрнектейтін формуланы;
48) дұрыс көпбұрыштың ауданын оған сырттай сызылған шеңбердің радиусы арқылы өрнектейтін формуланы;
49) кейбір дұрыс көпбұрыштарды салуды; 50) косинустар теоремасын; 51)
синустар теоремасын; 52) үшбұрыштың бұрыштарының косинустарын оның қабырғалары арқылы өрнектейтін формуланы;53)бұрыштың (доғаның) градустық жəне радиандық өлшемдерінің арасындағы байланысты; 54) доға ұзындығының оның градустық жəне радиандық өлшемдері арқылы өрнектелуін; 55) π санының үтірден кейін екі таңбаға дейінгі дəлдікпен алынған жуық мəнін; 56) шеңбердің ұзындығын оның радиусы жəне диаметрі арқылы өрнектейтін формулаларды;57) доға ұзындығының формуласын; 58)бұрыштың градустық өлшемін радианға көшіру ережесін; 59) бұрыштың радиандық өлшемін градусқа көшіру ережесін; 60) дөңгелектің жəне сектордың аудандарының формулаларын; 61) сегменттің ауданын есептеу ережесін; 62) стереометрия аксиомаларын жəне олардың қарапайым салдарларын; 63) түзулердің, түзу мен жазықтықтың, екі жазықтықтың өзара орналасуының түрлерін; 64) кеңістіктегі параллель түзулердің қасиеттерін; 65) параллель жазықтықтардың анықтамасын; 66) түзу мен жазықтықтың параллельдігінің анықтамасын; 67) түзу мен жазықтықтың арасындағы бұрыштың анықтамасын; 68) түзулердің, түзу мен жазықтықтың перпендикулярлығының анықтамасын.
53. 9-сынып геометрия курсын оқу нəтижесінде, оқушылар келесі біліктерді меңгеруі тиіс:
1) қоршаған əлемдегі заттарды суреттеуде геометриялық тілді пайдалану;
2) талдау жүргізу, салыстыру, жалпылау, нақтылау, аналогияны қолдану, ой қорыта білу;
3) сызу құралдарымен жұмыс істеу; 4) жазық жəне кеңістіктік геометриялық фигураларды кескіндеу; 5) есептің шарты бойынша сызбаларды орындау; 6) фигураларды түрлендіру;
7) сызбалардан геометриялық фигураларды танып білу, олардың өзара орналасуын ажырата білу; 8) қоршаған əлемдегі геометриялық фигураларды танып білу;
9) дөңес жəне дөңес емес көпбұрыштарды ажырата білу; 10) векторларға амалдар қолдану, вектордың ұзындығын жəне координаталарын, векторлардың арасындағы бұрышты есептеу; 11)геометриялық шамалардың (ұзындықтар, бұрыштар, аудандар) мəндерін есептеу; 12)фигуралардың оқып игерілген қасиеттеріне жəне олардың арасындағы қатынастарға сүйеніп жəне қосымша салуларды, алгебралық жəне тригонометриялық аппаратты, симметрия түсінігін қолдана отырып, геометриялық есептерді шешу;
13) жазық жəне кеңістіктік фигураларды ажырата білу; 14) векторларды суретте кескіндеу жəне белгілеу немесе жазылудан вектордың басы мен ұшын ажырата білу;
15) жазықтықтағы екі жəне бірнеше векторлардың қосындысын табу;16)суретте екі вектордың қосындысы мен айырымын геометриялық түрде кескіндей білу;
17) векторлардың қосындысын табу үшін үшбұрыш, параллелограм жəне көпбұрыштар ережелерін қолдану; 18) вектордың санға көбейтіндісін табу; 19)коллинеар векторларды ажырата білу; 20) векторды екі коллинеар емес векторлар бойынша жіктеу;
21) векторлардың жіктелуін суретте кескіндеу; 22) векторды екі коллинеар емес векторлар бойынша жіктеуге арналған есептерді шешу; 23) вектордың координаталарын оның басы мен ұшының координаталары бойынша табу;24) бірнеше векторлардың қосындысының (айырымының) жəне вектордың санға көбейтіндісінің координаталарын табу;
25) есептерді шешуде координаталары берілген векторлардың теңдігі мен коллинеарлық шарттарын пайдалану; 26) координаталары бойынша вектордың ұзындығын табу;
27) векторлардың скалярлық көбейтіндісін табу; 28) координаталары берілген векторлардың скалярлық көбейтіндісін табу; 29) векторлардың арасындағы бұрыштың косинусын табу; 30) есептеуге жəне дəлелдеуге арналған есептерді шешуде векторлардың скалярлық көбейтіндісін пайдалану; 31) екі нүктемен, нүкте жəне бұрыштық коэффициентімен берілген түзудің теңдеулерін табу; 32) түзудің бұрыштық коэффициентін табу; 33) геометриялық есептерді шешуде түзулердің параллельдік жəне перпендикулярлық шарттарын пайдалану; 34) осьтік жəне центрлік симметриялар, параллель көшіру, бұру кезіндегі фигуралардың бейнелерін салу;
35) гомотетия кезіндегі əртүрлі фигуралардың бейнелерін салу;
36) ұқсас үшбұрыштардың сəйкес элементтерін табу; 37) үшбұрыштардың ұқсастық коэффициентін табу; 38) есептерді шешуде үшбұрыштар ұқсастығының белгілерін пайдалану; 39) ұқсас фигуралардың аудандарының арасындағы қатынасты қолдану;
40) дұрыс көпбұрыштың төбесіндегі бұрыштарды табу; 41) дөңес n-бұрыштың бұрыштарының қосындысын жəне дұрыс n-бұрыштың бұрыштарын, бұрыштарының қосындысы бойынша дұрыс көпбұрыштың қабырғаларының санын табу; 42)
центрлік жəне іштей сызылған бұрыштарды суретте кескіндей жəне таба білу;
43) есептерді шешуде центрлік жəне іштей сызылған бұрыштардың қасиеттерін қолдану;
44) дұрыс көпбұрыштың қабырғасын жəне ауданын оған іштей жəне сырттай сызылған шеңберлердің радиустары арқылы өрнектеу;
45) үшбұрыштың элементтерін табу үшін синустар жəне косинустар теоремаларын қолдану; 46) геометриялық есептерді шешуде тригонометрияны қолдану;
47) шеңбердің ұзындығын жəне доғаның ұзындығын табу; 48) доғаның жəне бұрыштың градустық өлшемін радианға жəне керісінше көшіруді орындау;
49) дөңгелектің ауданын радиусы жəне диаметрі бойынша табу; 50) центрлік бұрышы градуспен немесе радианмен өлшенген сектордың ауданын, сегменттің ауданын табу;
51) негізгі кеңістіктік фигураларды кескіндеу; 52) түзулердің жəне жазықтықтардың өзара орналасуын сызбаларда көрнекі түрде бейнелеу; 53) призманың, пирмиданың, цилиндрдің, конустың, шардың кескіндерін салу.
54. Тұлғалық нəтижелер:
1) мемлекеттік тілді жəне өз ана тілін білуі, қазақ халқының жəне Қазақстанда өмір сүріп жатқан басқа да ұлыстардың тарихына, мəдениетіне, салт-дəстүріне жəне басқа құндылықтарына құрметпен қарауы тиіс;
2) адамдармен қарым-қатынаста жоғары мəдениеттілік танытуы, этикалық нормаларды сақтай білуі тиіс; 3) өздігінен білім алу, өзін-өзі дамыту жəне өз мүмкіндігін жүзеге асыру қабілеттілігі болуы тиіс; 4) оқу жəне танып білу ынтасының қалыптасуы тиіс;
5) математикалық оқу қызметінің үдерісіне жəне нəтижесіне бақылау жасай білуі тиіс;
6) білім беру, қоғамдық пайдалы, оқу-зерттеушілік, шығармашылық жəне басқа да қызмет түрлерінде құрдастарымен, үлкен жəне кіші жастағылармен қарым-қатынас жасау мен ынтымақтастықта болуда коммуникативтік дағдыларды меңгеруі тиіс.
55. Жүйелі-əрекеттік нəтижелер:
1) индукциялық жəне дедукциялық ойлау тəсілдерін қолдануы, геометриялық есептерді шешудің əртүрлі жолдарын көре білуі тиіс;
2) геометриялық шамаларды табуға байланысты (қажеттілігіне қарай анықтамалықтарды жəне техникалық құралдарды пайдаланып) практикалық есептерді құрастыра жəне шығара білуі тиіс;
3) жазық геометриялық фигуралардың қасиеттері туралы ғылыми ақпараттарды жинақтай, талдай, өңдей жəне пайдалана білуі тиіс;
4) компьютерлік программалардың көмегімен жазық жəне кеңістіктік фигуралардың қасиеттерін зерттеуде тəжірибе жинақтауы тиіс.
Достарыңызбен бөлісу: |