Материалдар: Төрт деңгейлі қиындықтан (А, В1, В2, С) тұратын тестке арналған суреттер мен сөйлемдердің тізімі бар матрицалар. А және В1 деңгейі сөйлеу тілінің даму деңгейі төмен балалармен жүргізіледі. С деңгейі сөйлеу тілінің даму деңгейінің жоғары болғанын талап етеді. Мүмкіндік болса, С деңгейін қолданған дұрыс.
А деңгейі: тігінен 2 сурет және көлденеңінен 3 сурет орналасқан төрт матрица (2x3), әр матрицада 3 сөзден тұратын 5 сөйлем бар. Бала сөйлемдегі таныған әр сөзіне сәйкес келетін суретті/сөзді көрсетеді. 60 сөзден тұратын тестте кездейсоқ тану немесе табу –50% –ға тең.
В1 деңгейі:екі матрица (3х3), әр матрицада 3 сөзден тұратын 15 сөйлем бар. Сөйлемдегі әр таныған сөзіне сәйкес суретті/сөзді көрсетеді. 90 сөзден тұратын тесттен кездейсоқ тану деңгейі –33% –ға тең.
В2 деңгейі:екі матрица (3х4), әр матрицада 4 сөзден тұратын 15 сөйлем бар. Сөйлемдегі әр таныған сөзіне сәйкес келетін суретті/сөзді көрсетеді. 120 сөзден тұратын тестте кездейсоқ тану деңгейі –33%-ға тең.
С деңгейі: (4х4) екі матрица, әр матрицада 4 сөзден тұратын 15 сөйлем бар. Сөйлемдегі әр таныған сөзіне сәйкес келетін суретті/сөзді көрсетеді. 120 сөзден тұратын тест үшін кездейсоқ тану деңгейі – 25%-ға тең.
Талаптары: Бала бұл тестті орындауы үшін, 2 немесе 3 сөзді есіне сақтай білуі қажет.
