Мерзiмі: 07. 09. 2016ж Мұғалім: Демиханова Акнур Урунбаевна Сынып



Дата05.06.2017
өлшемі61,68 Kb.
#17980
түріСабақ
«Өзін-өзі тану» сабағының жоспары №1

Мектеп: Жаңаөзен қаласындағы №8 Қашаған Құржыманұлы атындағы орта мектеп

Мерзiмі: 07.09.2016ж

Мұғалім: Демиханова Акнур Урунбаевна

Сынып: 10 «В»

Оқушылар саны: 24

Тақырып: Таным белестері

Құндылық: Ішкі тыныштық

Қасиеттер: өзіне-өзі сенімділік, ұстамдылық, өзін-өзі құрметтеу



Мақсаты: оқушылардың бойында адам туралы, оның дүниетанымдық көзқарасын қалыптастыра отырып, ішкі тыныштық құндылығының мәнін ашу.

Міндеттері: 

- оқушыларға адамның танымдық қабілетінің өмірлік ұстаным, өзіне-өзі сенімділік, өзін-өзі құрметтеу қасиеттерін ұғындыру.

- оқушыларға адамның танымдық қабілетінің өмірлік ұстаным, өзіне-өзі сенімділік, өзін-өзі құрметтеу қасиеттерін дамыту

- оқушыларға адамның танымдық қабілетінің өмірлік ұстаным, өзіне-өзі сенімділік, өзін-өзі құрметтеу қасиеттерін екендігін ұғындыру.



Ресурстар: (инструментарии, мағлұматтар)

оқулық, инт.тақта, «Өміріңе немқұрайлы қарама» әні



Сабақ барысы:

Ұйымдастырушылық кезең



1.Тыныштық сәті. «Нұрға бөлену»

Ыңғайланып отырыңыздар, денелеріңізді дұрыс ұстаңыздар. Аяқ- қолыңызды айқастырмаңыз. Қолдарыңызды тізеңізге немесе үстелге қоюға болады. Көздеріңізді жұмып, елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоциаңыз бен тілек- қалауыңызды шайып, жүрегіңіздің көзін ашады.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Енді, нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды. Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек сәулелі ой келеді.

Нұр бірте-бірте күшейе бастайды, сіздің денеңізден тарап, жан- жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардың да жүрегі нұрға толсын. Осы нұр бүкіл әлемге: барлық адамдарға , жан- жануарларға, өсімдіктерге, барлық тірі жанға таралсын... Ғаламның барлық түкпір-түкпіріне нұр бағыттаңыз. Ойша айтыңыз: « Мен нұрлымын... Нұр менің ішімде... Мен Нұрмын». Осындай Нұр, Махаббат және Тыныштық күйінде отыра тұрыңыз...

Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.

Жаймен көзді ашуға болады.



2. Үй жұмысын тексеру

«Жаз» тақырыбына әңгімелесу



Сабақ барысын талдау:



3. Дәйексөз

Адам әлемді қаншалықты таныса, соншалық өзін де тани түседі. Өзін-өзі қалай тануға болады? Борышыңды өтей бастаған сәттен бастап-ақ, өзіңді тани аласың.

Иоганн Гете

Қыз балаларға және ұл балаларға айтқызу. Дәйексөздің мағынасын ашу. Балалардың жауабын тыңдаған соң, мұғалім өзі толықтырып, қорытындылайды.




4.Әңгімелесу

Н.Р.Күнхожаевтың «Өмірлік бағыт» әңгімесі

Адамда саналы түрде қалыптасқан өмірлік бағыт оның әлемді, өмірді, өзін-өзі тұтас түсінуіне байланысты. Өмірлік бағыт адамның іс-әрекетінен, өмірге берген бағасынан көрінеді. Адамның өмірлік бағытының негізгі сипаты – оның белсенділік дәрежесі. Өзін-өзі тануда, өзін-өзін жетілдіруде, өмірде және қоғамда өзорныңды табуда әркімнің белсенділігі алға шығады. Жақсылық үшін, адам игілігі үшін жасалған белсенділік маңызды деп саналады.

Адамның өмірлік бағыты оның өмір бейнесінен көрінеді. Адамдардың өмір бейнесі, салты олар өмір сүріп отырған қоғамның материалдық, рухани және мәдени дәрежесімен анықталады. Сондықтан аадм өмірінің көп жағдайы өмірдің бағытына байланысты. Әр адам өз өмірінің бағытын анықтауға тиісті. Ол үшін мына ережелерді басшылыққа алсаңдар дұрыс болады:


  • Өмірде қандай жақсылық болса, соны көре біліңдер;

  • Өмірде кездесетін ұсақтыққа назар аудармаңдар;

  • Өмірдің ең құнды жақтарын алуға тырысыңдар;

  • Адамның әлсіздігіне шыдамдылықпен қараңыз;

  • Ондай жағдай сіздің де өміріңізде кездесуі мүмкін;

  • Өмірде жақсылық та, жамандық та болады, сондықтан оның жақсылығына рақаттаныңыз, алыңыз, ал жамандығына ренжімеңіз.

Сөйтіп, өмірлік бағыт дегеніміз әркімнің өз өмірлік жолын таңдауға әкеледі.

Мәтін бойынша сұрақтар:

  1. Мәтін не туралы?

  2. Адамға өмірлік бағыт не үшін керек деп ойлайсыңдар?

  3. Сіз өмірлік жолыңызды қалай таңдар едіңіз?

  4. Өмірлік мақсат-мұраттарыңа жету үшін адам бойында қандай қасиеттер болуы керек деп ойлайсың?

  5. Қай кезде адамда ішкі тыныштық орнайды деп ойлайсың?







5. Шығармашылық жұмыс.

Төменде берілген ой-тұжырымды жалғастырыңыздар.



  • Біздің танымымыз артқан сайын орындайтын міндетіміз де көбейе береді.




6. Топпен ән айту.

«Өміріңе немқұрайлы қарама»

Сөзі: Серік СЕЙІТМАН

Әні: Сәкен ДӘРІБАЕВ

Тыңда, досым, мен айтайын от тілек,

Дүниеден кетті бай да, өтті бек.

Өміріңе немқұрайлы қарама

Дәулетіңмен тұрсаң-дағы көк тіреп.

Әр күн сайын тек сен үшін атып таң,

Зерлі шапан киінсең де жақұттан.

Өміріңе немқұрайлы қарама

Шақша басың айналса да бақыттан.

Қайырмасы:

Бақ құсыңды қонған кезде бағала,

Қолда мәңгі тұрмайтын ол шағала.

Кенелсең де, досым, қанша шаттыққа,

Өміріңе немқұрайлы қарама.

Бақ құсыңды қонған кезде бағала,

Қолда мәңгі тұрмайтын ол шағала.

Қанша азап көрсең дағы бауырым,

Өміріңе немқұрайлы қарама.

2. Тұсау салып, бастатқызбай көш дара,

Етсе-дағы дұшпан күлкі, дос таба.

Өміріңе немқұрайлы қарама,

Тағдыр желі қарсы алдыңнан соқса да.
Сын сағатта сақтау үшін өз басын

Сатып кетіп сеніп жүрген жолдасың.

Өміріңе немқұрайлы қарама

Айдын көлге айналса да көз жасың.


Қайырмасы: (екі рет)

Бақ құсыңды қонған кезде бағала,

Қолда мәңгі тұрмайтын ол шағала.

Кенелсең де, досым, қанша шаттыққа,

Өміріңе немқұрайлы қарама.

Бақ құсыңды қонған кезде бағала,

Қолда мәңгі тұрмайтын ол шағала.

Қанша азап көрсең дағы бауырым,



Өміріңе немқұрайлы қарама.




  1. Үй жұмысы.

«Менің өмірлік ұстанымым» тақырыбында эсс жазып келу





  1. Соңғы тыныштық сәті. ♪ 
    Бүгінгі айтылған барлық жақсы қасиеттерді жүрегімізге сақтап алайық.

Сабақ аяқталды. Рахмет!




Каталог: uploads -> doc -> 082a
doc -> Ғарыш әлеміне саяхат
doc -> Сабақ тақырыбы: Шерхан Мұртаза «Ай мен Айша» романы Сабақ мақсаты: ҚР «Білім туралы»
doc -> Сабақтың тақырыбы Бала Мәншүк ( Мәриям Хакімжанова) Сілтеме
doc -> Ана тілі №2. Тақырыбы: Кел, балалар, оқылық Мақсаты
doc -> Сабақ жоспары «Сәулет және дизайн» кафедрасының арнаулы пән оқытушысы, ҚР «Еуразиялық Дизайнерлер Одағының» мүшесі: Досжанова Галия Есенгелдиевна Пәні: Сурет және сұңғат өнері
doc -> Сабақ Сабақтың тақырыбы : Кіріспе Сабақтың мақсаты : «Алаштану» курсының мектеп бағдарламасында алатын орны, Алаш қозғалысы мен Алашорда үкіметі тарихының тарихнамасы мен дерекнамасына қысқаша шолу
doc -> Тәрбие сағаттың тақырыбы: Желтоқсан жаңғырығы
doc -> Сабақтың тақырыбы : Әбунасыр Әл- фараби Сабақтың мақсаты
doc -> Сабақ жоспары Тақырыбы: Үкілі Ыбырай Мектеп:№21ом мерзімі
082a -> Түсінік хат Бұл бағдарлама қоғам құбылыстарының тығыз байланысын меңгертеді. Жан – жақты дамыған жеке тұлға тәрбиеленуінде барлық білім салаларымен тығыз байланысады


Достарыңызбен бөлісу:




©engime.org 2024
әкімшілігінің қараңыз

    Басты бет