Қорытынды
Білім алу мен жұмысқа тұру кезінде түрлі кедергілер көрген әйелдер мен этникалық азшылық өкілдерінің проблемасын сөз еткенде мына бір жайтты да ескергеніміз өте маңызды: біз осы және басқа да кітаптарда психология саласына үлес қосқан әйелдер мен этникалық азшылық өкілдерінің аз да болса бар екенін мойындаймыз. Дегенмен осы саладағы алатын орнына сәйкес, ақ нәсілді азаматтардың бұл кітапта айрықша назарға алынғаны да өтірік емес. Алайда бұл біреуді әдейі кемсітуден туған дүние емес, тарихтың жазылу ретіне қарай болатын құбылыс.
«Психология тарихы осы саланың әр замандағы ең елеулі жетістіктерін сипаттап қана қоймай, маңызды мәселелерін ұғындырып, «ұлы тұлғаларын» танытады. Алайда күнделікті қара жұмыс істейтін қатардағы ғылыми қызметкерлердің аты кітаптарға көп кіре бермейді. Белгілі бір адамдар болмаса, жалпы дәрісті жақсы оқитын, емделушілерді дұрыс емдейтін, эксперименттерді сәтті өткізетін һәм маңызды деректерді әріптестерімен бөлісіп отыратын психологтер көпшілікке танымал емес» (Pate & Wertheimer, 1993, p. xv).
Шынтуайтында, нәсілі, жынысы немесе этникалық тегі әртүрлі психологтердің күнделікті жұмысын тарих елеп-ескере бермейді.
Пайдаланылған әдебиеттер:
Дәріс тезистері
Дуэйн Щульц., Сидни Эллен Щульц. Қазіргі психология тарихы. //Рухани жаңғыру жаңа гуманитарлық білім. Қазақ тіліндегі 100 жаңа оқулық– Астана, 2018
Роббинс С.П., Джадж Т.А. Ұйымдық мінез-құлық негіздері. //Рухани жаңғыру жаңа гуманитарлық білім. Қазақ тіліндегі 100 жаңа оқулық. – Астана, 2018.
https://kk.warbletoncouncil.org/encyclopedia/
https://creativecommons.org/licenses/by-sa/3.0/
Достарыңызбен бөлісу: |
