«Данышпан Сүлейменнің нақыл сөздері», Стамбул, «Жаңа өмір» баспасы, 2001ж. кітабынан
Сүлеймен патшаның нақыл сөздері ( 8-24-б)
Тәлім алып, Тәңірге мойынсұнудың зор пайдасы
Балам берген нұсқауларымды ұмытпа,
Өсиеттерімді менің жүректе сақта!
Өйткені олар ғұмырыңды үзартар,
Амандық пен тыныштық молынан дарытар
Мейірім мен шындықтан ешқашан безбе,
Мойныңа байлап, жазып қойғандай жүрекке.
Сонда ұнамды болып Құдай мен адамға,
Ие боласың зор құрмет-абыройға.
Өз ақыл-санаңа сүйеніп жүрме,
Сенім арт шын жүректен Жаратқан Иеңе.
Бар жағдайда да мойында Тәңір Иеңді,
Сонда Ол тура жолмен жетелер сені.
Паңданып өзіңді «данышпанмын» деп ойлама,
Құдайды шын қастерле, зұлымдыққа жолама,
Тұла бойың сергіп, сауығатын болар сонда.
Тэңірді қүрметтеп сыйға бер мал-мүлкіңнен,
Алған бар өніміңнің алғашқы түсімінен.
Сонда астыққа кенелер қамбаларың,
Ернеулеп толар шырынға ыдыстарың...
Достарыңызбен бөлісу: |
