Гипергликемиялық кетоацидоздық кома–инсулин жеткіліксіздігі салдарынан көмірсу алмасуының бұзылуымен жүретін комалық жағдай: дезаминирленген амин қышқылы және май қышқылдарының алмасуының бұзылуы нәтижесінде қанда глюкозаның және кетонды денелердің концентрациясы жоғарылайды.
Кома–науқас ес түссіз жағдайда. Физикальді тексеру кезінде дегидратация симптомдары анықталады: - ауыз қуысының және тері жамылғылары құрғайды - көз алмасы және тері тургоры төмендейді; - жалпы бозару және төменгі жақ бұрышының, иектің, мандайдың шектелген гиперемиясы; - терісі салқындайды (бірақ субфебрилді лихорадка болуы мүмкін, команың себебі инфекция болса); - бұлшықеттің гипотониясы; - артериалды гипотензия; - Куссмаул тынысы; - тынысында ацетон иісі; - біртіндеп анурия дамиды. Синусты тахикардия немесе жүрекшелер тахифибрилляциясы, қарыншалар экстрасистолиясы; ЭКГ да гипокалиемия белгілері (барлық жағдайда емес), жедел миокард инфарктісін жоққа шығару үшін ЭКГ бақылау керек. Қандағы қант деңгейі – көбінесе 16ммоль/л – жоғары, глюкометр көмегімен анықталады. Олигурия, зәрдің тығыздығы жоғары болады, глюкозурия, кетонурия (++++). Ауыр диабет кезіңде бүйрек зақымдалғанда глюкозурия және кетонурия болмауы мүмкін.
