Эндокриндік жүйе - бұл ішкі органдардың қызметін эндокриндік жасушалардан бөлінетін гормондар арқылы тікелей қанға немесе жасушааралық кеңістік арқылы көрші жасушаларға таралатын жүйе. Бұл бездер тек секрет бөлетін соңғы бөлімдерден тұрады, шығару өзектері болмайды және қан тамырларына өте бай келеді. Эндокринді бездердің өнімдері жалпылама инкреттер немесе гормондар деп аталады. Секрет ретінде шығарған зат ағза мен тінге арнаулы әсер етеді. Эндокринді бездер бөлетін басқа заттар организмнің өсуі мен дамуына әсер етеді. Қанда аз мөлшерде болатынына қарамастан, гормондардың физиологиялық әсері өте күшті.
