Cұрастыру
Науқастың арыз шағымдары. Эндокриндік жүйе ауруларымен сырқаттанған адамдардың шағымдары әр түрлі болып келеді. Олардың ортақ симтомдары тез шаршау, ұйқының бұзылуы, арықтау, ашуланшақтық, т.б. жатады. Науқастар терінің қышынуына (қант диабет, гипертиреоз), шаштың түсуіне (тиреотидит), дене мүшелерінің үлкеюіне (акромегалия), сүйектердің сырқырауы мен сынуына (гиперпаратиреоз, Иценко-Кушинг синдромы), бұлшықеттердің әлсіздігіне (бүйрек үсті безінің созылмалы жеткіліксіздігі), жүрек тұсының ауруы мен ретсіз соғуына (гипертиреоз, феохромоцитома) ұйқышылдық және ұмытшақтықтың пайда болғаннан (гипотиреоз), шөлге және зәрдің көп бөлінуіне (қант және қантсыз диабет) шағымдануы мүмкін. Бір сөзбен айтқанда, эндокриндік аурулар тұсында зақымданбаған ағзаларды және жүйелерді атау қиынға соғады.
Науқастың даму тарихы мен өмір тарихы. Сұрастыру кезінде эндокриндік бұзылыстарға алып келетін, науқастың басынын кешірген ауруларына көңіл бөлу қажет. Мысалы, бүйрек үсті безінің қызметінің жеткіліксіздігі көп жағдайда туберкулез ауруынан кейін дамиды. Қалқанша бездің жедел қабынуы (тиреоидит) пневмония, жедел тонзилит немесе синусит сияқты аурулардың асқынуы болып табылады. Сондай-ақ тұқым қуалайтын бірқатар ауруларды (қантты және қантсыз диабет, жайылған токсиндік зоб, семіздік) байқалатындықтан, отбасылық анамнезін толық сұрастыру керек.Кейбір жағдайларда науқастың тұратын жеріне байланысты пайда болатын, мысалы, қоршаған ортада йод жетіспегендіктен эндемиялық зоб дамиды.
Достарыңызбен бөлісу: |
