19-сурет. Peronospora
Peronospora туысының конидия тасушылары екіге бөлініп (ди- хотомиялық) бұтақтанады, үшінші, төртінші реттегі бұтақтары сəл иіліп, ұштанған (19-сурет). Конидиялар жалғыздан жеке орналас- қан, пішіні сопақ, кейін жіпшеге өнеді. Олар нағыз конидиялар. Бұл саңырауқұлақтар пероноспороз (жалған ақ ұнтақ) ауруын туғызады.
Pseudoperonospora туысының сипаттамасы жоғарыдағыдай, тек конидиялары зооспораға өнеді (20-сурет).
20-сурет. Pseudoperonospora
Bremia туысының саңырауқұлақтары конидия тасушыларының соңғы бұтақ тармағы алақан тəрізді кеңіп, тармақ ұшында шар тəріз- ді конидиялар түзіліп, соңғылар жіпшеге өнеді (21-сурет). Негізінде гүлді шөптерді залалдайды.
21-сурет. Bremia
Альбуго тұқымдасы – Albuginaceae жоғарғы сатыдағы өсім- діктердің облигатты паразиттері. Жіпшумағы жақсы дамып, клетка аралығына таралып, гаусторийлары клетка ішіне енеді. Залалданған ұлпа қарқынды өсіп, эпидермис астында зооспорангийлері тізбек- теліп түзіліп, оның ішінде зооспоралар болады. Зооспоралар бүйрек тəрізді, екі талшығы бар. Ооспоралары шар тəрізді, қалың қабықты, өнгенде зооспора береді.
Albugo туысының саңырауқұлақтары өсімдіктің түрлі мүшеле- рін залалдап, ақ тат ауруын қоздырады. A.candida түрі крестгүл- ділерді залалдайды.
Достарыңызбен бөлісу: |
