Білім – адамзаттың жинақтаған тәжірибесі, заттар мен құбылыстарды,
табиғат пен қоғам заңдарын тану нәтижесі.
Білім беру – оқыту мен тәрбие жұмысын біріктіретін және жеке бастың
дамуына ықпал жасайтын процесс.
Гимназия – негізгі және қосымша жалпы білім беру бағдарламаларын іске
асыратын, оқушыларды олардың бейімділігі мен қабілетіне сәйкес тереңдетіп,
салаға бөліп, саралап оқытуды көздейтін, жалпы орта білім беретін оқу орны.
Даму – жеке тұлға дамуының сандық және сапалық өзгерістерінің желісі
мен нәтижесі; бір күйден екінші күйге өту процесі, ескі сапалық күйден жаңа
сапалық күйге өту, қарапайымнан күрделіге өту, төменнен жоғарыға өту.
Еңбек тәрбиесі – еңбекке деген қатынасты, рухани және материалдық
игілікті жасауға деген жеке тұлғаның әрекетін мақсатты қалыптастыру процесі.
