Жетпісбай бекболатұЛЫ
Қоғаммен байланыс және медиарилейшнз. Медиажоспарлау
жүктеу/скачать 0,95 Mb. Pdf көрінісі
|
ПособиеПрессСлужба2019 Бекболатулы
| 2.4. Қоғаммен байланыс және медиарилейшнз. Медиажоспарлау
Қоғаммен байланыс практикасында бұқаралық ақпарат құралдарымен қарым-қатынастар (медиарилейшнз) айрықша рөл атқарады. Сондықтан да медиарилейшнздің мән-мағынасын ұғынудың болашақ PR маманы үшін маңызы зор. Кезкелген ұйым өз жұмысының жетістіктерін қалың көпшілікке жеткізу үшін толыққанды ақпараттық саясат жүргізуге тиіс. Осы мақсатты жүзеге асыру барысында ұйым сыртқы ортаға берілетін ақпаратты бағдарлап әрі жіті қадағалап отырады. Бұқаралық ақпарат құралдарымен қарым-қатынас саласы ретінде медиа-рилейшнз ұйымдағы ақпараттық процестерді басқарудың маңызды буыны ретінде көрінеді. Ұйым мен қалың көпшілік арасындағы әмбебап әрі қолжетімді делдал саналатын бұқаралық ақпарат құралдарымен ынтымақтаса жұмыс істеу арқылы ұйым өзіне қажетті ақпаратты жұртшылыққа жеткізе алады. Ұйымның бұқаралық ақпарат құралдары қалыптастырған образы медиалық образ деп аталады. Ол жағымды не жағымсыз болуы мүмкін. Жағымды образ қалыптастыру үшін БАҚ-пен арнайы жұмыс істеу талап етіледі. Себебі, ұйым есігі журналистер үшін жабық болған жағдайда ақпараттың өзге арналар арқылы тарауы ықтимал, ал ол ақпарат ұйымның қолайсыз бейнесін сомдауы да ғажап емес. Батыс елдерінде ұйым жөніндегі жария (жарнамалық емес- медиалық) ақпараттың болмауы қалыптан тыс ахуал саналады, тіпті мұндай ұйым құзіретті органдардың сезігін тудыруы да мүмкін. Сондықтан мөлдірлік (транспаренттік), ақпараттық ашықтық Батыс қоғамында үйреншікті ахуал саналады. Медиарилейшнз де осы ақпараттық ашықтықтан бастау алады. Қазіргі нарық заманында белді ұйымдардың қай-қайсысы да медиалық капитал-бедел жинауға ұмтылады, себебі бұл бедел түптің-түбінде қаржы капиталына айналатынын өмірдің өзі көрсетіп отыр. Осыған орай бұқаралық ақпарат құралдарымен жұмыс үзік-үзік емес, тұрақты түрде жүргізілуі тиіс. Сөйтіп, медиарилейшнзге «ұйымның медиалық образ-бейнесін жасауға бағытталған, бұқаралық ақпарат құралдарымен немесе олардың қызметкерлерімен арадағы тұрақты өзара байланыстар жүйесі» деген анықтама беруге болады. Медиалық образ жасау ұйымнан сыртқары ортаға, соның ішінде медиалық ортаға, кейіннен аудиторияға шығатын ақпаратты қадағалап, басқарып отырудан басталады. Медиаобраз жасау бұқаралық ақпарат құралдарынан аудиторияға берілетін ақпаратты басқарып, бақылап отырумен барабар ұғым. Ақпаратты бақылау дегеніміз ұйымнан сыртқы ортаға берілетін кезкелген хабар-ошарды қатаң тәртіппен қадағалап отыруды ғана білдірмейді, сондай-ақ осындай ақпаратқа жағымды сипат беруді, сөйтіп, ұйымның ұнасымды образын қалыптастыруды көздейді. Қоғаммен байланыс мамандары медиаға беретін материалдар нақ осы мақсатқа бағытталуы қажет. Қоғаммен байланыс жөніндегі белігілі ресейлік маман А.Н.Чумиков ақпаратты басқарудың өзіндік бағыт-бағдарын ұсынады. Біріншіден, өзіндік ақпараттық арна қалыптастыру қажет, ол билік органдарының, бәсекелес құрылымдардың ақпарат ағынына тәуелді болмауы керек. Бұл міндетті баспасөз релиздерін тарату, арнайы шаралар кезінде журналистерге материалдар беру жолымен бұқаралық ақпарат құралдарына ұдайы ақпарат жеткізіп тұру арқылы жүзеге асыруға болады. Сөйтіп, ұйым танымалдығына қол жеткізіледі. Екіншіден, ақпарат ағынын нақты арнаға бағыттау, берілетін хабар-ошарды түпкі мақсатқа орай құбылту керек. Ұйым жөнінде бұқаралық ақпарат құралдары да, жұртшылық та жақсы хабардар болған жағдайда ақпарат нақты мақсатқа, мәселен белгілі бір тауардың, қызметтің, болмаса жобаның танымалдығы мен өтімділігін артыруға бағытталады. Үшіншіден, ақпарат құралдарымен әріптестік қатынастар орнатқан жөн. Ұйым таратқан ақпарат бұқаралық ақпарат құралдары тарапынан кең қолданыс тауып жатса, беделді БАҚ редакцияларымен ақпарат алмасу жөнінде ынтымақтастық жасауға көшу қажет болады. Медиарилейшнзбен айналысатын қоғаммен байланыс мамандары бұқаралық ақпарат құралдарымен қарым-қатынаста журналистермен қоян- қолтық араласуға, арнайы ақпараттық оқиғалар жүктеу/скачать 0,95 Mb. Достарыңызбен бөлісу:
|