-параграф. Біліктілікті арттыру институтының (филиалының) Бөлім басшысы

      213. Лауазымдық міндеттері: Нормативтік, құқықтық актілер мен біліктілікті арттыру институты туралы ережеге сәйкес бөлім қызметіне басшылық жасайды.

      Бөлімнің даму стратегиясын әзірлейді.

      Бөлімнің жұмыс жоспарын және бөлім мамандарының жеке жұмыс жоспарларын бекітеді.

      Бөлім мамандарының арасында функционалдық міндеттерін бөлуді, олардың олардың уақытылы және сапалы орындалуын бақылайды.

      Бөлім қызметінің нәтижесін талдайды. Бөлім мамандарының кәсіби құзыреттілігін арттыруға көмек көрсетеді.

      Ақпараттық-коммуникациялық технологияларды меңгереді.

      Ішкі тәртіп ережесін сақтайды және бөлімнің жұмыс регламентіне сәйкес құжаттардың орындалуын қамтамасыз етеді.

      Бөлімнің барлық түрлердегі құжаттамаларын, есебін жасауды және сақтауды қамтамасыз етеді.

      Институттың іс-шараларына қатысады, бөлімнің барлық түрдегі қызметін жоспарлайды мен талдайды. Қажетті есепті, бөлім қызметі туралы ақпаратты дайындауды және ұсынуды қамтамасыз етеді.

      214. Білуге міндетті:

      Қазақстан Республикасының Конституциясын, Қазақстан Республикасының Еңбек Кодексін, Қазақстан Республикасының "Білім туралы", "Педагог мәртебесі туралы", "Қазақстан Республикасындағы баланың құқықтары туралы", "Сыбайлас жемқорлыққа қарсы іс-қимыл туралы", "Қазақстан Республикасындағы тіл туралы" Заңдарын және білім беру ұйымдары қызметінің мәселелері бойынша басқа да нормативтік құқықтық актілерді,

      педагогика және психология негіздерін,

      басқарудың инновациялық әдістерін,

      баспалармен жұмыс істеу негіздерін, оқу-бағдарламалық құжаттарды әзірлеу тәртібін;

      пән бойынша жаңа және балама оқулықтардың мазмұны,

      инновациялық жұмыс тәжірибесін жалпылау және тарату әдістемесі, ғылыми-зерттеу және эксперименттік жұмыстар,

      еңбекті қорғау, қауіпсіздік техникасы мен өрт қауіпсіздігі ережелері мен нормалары, санитарлық ережелер мен нормалар.

      215. Біліктілікке қойылатын талаптар:

      Жоғары және (немесе) жоғары оқу орнынан кейін педагогикалық білім немесе тиісті бейіні бойынша кәсіптік білім, педагогикалық қайта даярлаудан өткенін растайтын құжат, педагогикалық жұмысының еңбек өтілі кемінде 7 жыл