Педагог қызметкерлер мен оларға теңестірілген тұлғалардың лауазымдарының үлгілік біліктілік сипаттамаларын бекіту туралы

1-параграф. Әдістемелік (оқу-әдістемелік, ғылыми-әдістемелік) кабинеттің(орталықтын) (директоры, меңгерушісі) басшысы

      216. Лауазымдық міндеттері: Қазақстан Республикасының нормативтік құқықтық актілеріне сәйкес кабинет (орталық) қызметінің барлық бағыттарына жалпы басшылық жасауды жүзеге асырады. Штаттық кестені белгілеп және бекітеді.

      Кабинеттің стратегиясын, даму мақсаты мен міндеттерін белгілейді, даму бағдарламаларының, ішкі тәртіп ережелерінің әзірленуін, бекітілуін және орындалуын ұйымдастырады.

      Бюджет қаражатын ұтымды пайдалануды қамтамасыз етеді.

      Заңнамада белгіленген шекте кабинеттің (орталықтың) мүлкі мен құралдарына иелік етеді.

      Оқу-материалдық базаны есепке алуды, сақтауды және толықтыруды қамтамасыз етеді.

      Республикада және шетелде қоғамдық ұйымдармен (қауымдастықтармен, кеңестермен) өзара әрекеттесуін ұйымдастырады.

      Ғылыми-педагогикалық және тәрбие процесінің қажетті деңгейін қамтамасыз ететін кадрларды іріктеу мен орналастыруды жүзеге асырады.

      Қызметкерлердің лауазымдық міндеттерін анықтайды, олардың кәсіби шеберлігін арттыру үшін жағдай жасайды.

      Қызметкерлердің шығармашылық бастамасын марапаттайды және ынталандырады.

      Кабинеттің (орталықтың) оқу-әдістемелік (ғылыми-әдістемелік кеңесінің) жұмысын басқарады.

      Қажетті есептілікті дайындауды және ұсынуды қамтамасыз етеді.

      217. Білуге міндетті:

      Қазақстан Республикасының Конституциясын, Қазақстан Республикасының Еңбек Кодексін, Қазақстан Республикасының "Білім туралы", "Педагог мәртебесі туралы", "Қазақстан Республикасындағы тіл туралы", "Қазақстан Республикасындағы баланың құқықтары туралы", "Ғылым туралы", "Сыбайлас жемқорлыққа қарсы іс-қимыл туралы" Заңдарын және білім беруді дамытудың бағыттары мен перспективаларын айқындайтын басқа да нормативтік құқықтық актілерді,

      педагогика және психология негіздерін,

      мемлекеттік жалпыға міндетті білім беру стандарттарын,

      педагогикалық ғылым мен практиканың жетістіктерін,

      қаржы-шаруашылық, қауіпсіздік техникасы мен өртке қарсы қорғау ережелері, санитарлық ережелер мен нормалар.

      218. Біліктілікке қойылатын талаптар:

      облыс, республикалық маңызы бар қалалар деңгейінде:

      жоғары білім және (немесе) жоғары оқу орнынан кейінгі педагогикалық білім, немесе тиісті бейіні бойынша өзге де кәсіби білімі, сондай-ақ қайта даярлау курстарынан өткен, ғылыми немесе академиялық дәрежесі, үздіксіз педагогикалық жұмыс өтілі кемінде соңғы 10 жыл.

      қалалар/аудандар деңгейінде:

      жоғары білім және (немесе) жоғары оқу орнынан кейінгі педагогикалық білім, немесе тиісті бейіні бойынша өзге де кәсіби білімі, сондай-ақ қайта даярлау курстарынан өткен, педагогикалық жұмыс өтілі кемінде соңғы 5 жыл.