Сабақ №23 Құндылық: Дұрыс әрекет Қасиеттер: тәртіп,еңбексүйгіштік, тілалғыш болу Сабақтың мақсаты

1.Ұйымдастыру кезеңi. Тыныштық сәті.

Қазір біз орманға дем алуға барамыз. Елестетіңіз, біз сыныптан шығып, дәлізден өтіп, далаға бет алдыңыз.

Таза ауаны сеземіз, самал ескен жылы жел мен күннің нұры ақырын ғана бетімізден өбеді, шашымызды сипайды.

Біз ақырын орманға қарай бет аламыз. Абай болайық, жердегі жәндіктерді аяғымызбен басып кетпеуге тырысайық. Бір минутқа тоқтап, айналамыздағы әсемдікке көз салайық. Құлпырып өскен гүлдердің иісі мұрынды жарады, қандай керемет иіс! Айналамыздағы әрбір әсемдікті көзімізден таса қылмай, ары қарай бет аламыз.

Орманның ішіне де келдік. Құстардың әсем әуені, шөптердің сыбдыры жан дүниемізді жаулап алғандай. Айналамызда түрлі ағаштар. Сол ағаштың ішінен бір қайыңды таңдап алыңыз. Бауырында отырып, біраз тыныстап алыңыз.

Мен бақыттымын, менің жан дүнием тыныш. Табиғат қандай тамаша! Мен табиғаттың бір бөлшегімін, менің табиғатқа зияным тимеуі керек, кез- келген уақытта мен осы ағаштың түбіне келіп дем аламын.

Енді орнымыздан ақырын тұрып, айналамызға тағы көз жібереміз. Келген ізімізбен, мектепке қарай аяңдаймыз. Сыныбымызға келіп өз орнымызға отырайық.

Тыныштық пен разылықты жүрегімізде сақтап, көзімізді ашамыз, бір-бірімізге қарап күлімсірейміз.

Еңбектің наны тәтті,

Жалқаудың жаны тәтті   

Халық мақалы

Хамит атасымен әңгімелескенді ұнатады.Балабек қария көп жыл бойы сушы болған. Қазір құрметті демалыста. Сонда да үйде отырғанын көрмейсің. Хамитті ертіп, үй жанындағы бақ ішіне жеміс егіп жүргені.Ешқашан шаршамайды.

-Ата, «Маңдай тер» деген не?-деп сұрады бірде Хамит.

Атасы ойға шомды. Көзін бір нүктеге қадады. Әжімдері тереңдеді.Сонан соң Хамитті жетектеп, өзі көшет алып жүрген тоғайға келді. Қолына күрек ұстатты:

-Қане, екі-үш рет қазып ал!

Өзі шеткерірек барып, ағаш көлеңкесіне жайғасты.Хамит пора-пора боп терледі. Үйге келген соң да атасы жақ ашпады.

...Жылдар өтіп жатты. Көшеттер үлкен ағашқа айналды. Алма мен жүзім мол жеміс салды.Қоңыр күзде атасы Хамитті ертіп бақ ішіне келді.Қып-қызыл алманың біреуін үзіп қолына ұстатты. Сондай дәмді!...

-Маңдай тер деген осы, Хамитжан. Өзіңнің маңдай теріңнің жемісі!

Хамит атасын құшақтай алды.

.

Сұрақтар

1.Атасы Хамитке «Маңдай тер» дегенді қалай түсіндірді?

2 Хамиттің бойында қандай қасиеттер бар?

3..Өз еңбектеріңнің жемісін көрген кездерің болды ма?

Оқушыларды 2-жұпқа бөлемін

1-жұп эссе жазады

Жақсы бала еңбекшіл

Ер азамат болады.

Қиындықтыжеңіп кіл,

Құшағы гүлге толады.

Қайырмасы:

Еңбекшіл осындай,

Болайықшы досым-ай.

Таза бала мұнтаздай,

Сүйсінеді қараған,

Ұқыпты деп бұл қандай

Жақсы көрер бар адам.

Қайырмасы:

Ұқыпты осындай,

Болайықшы досым-ай

1. Еңбек туралы мақал-мәтелдер жаттау.(4 мақал)

2.И.Хасенұлы Алтын мүйіз ертегісін оқу, мазмұндау

Музыка баяу жүріп тұрады.

-Балалар бүгінгі сабақтан не үйрендік, есімізге түсірейік Бүгін сабақта еңбек, оның адам үшін пайдасы туралы айттық.Қазіргі кезде еңбек етпейтін адам жоқ. Балалар сендер де күнделікті сабақтарыңды жақсы оқысаңдар осының өзі еңбек.Сондықтан бәріміз жұмыла еңбектенейік.

Сабақ аяқталды.