Сағаттың деңгейі – 2сағат.
11.1 Өндірістік санитария
Өндірістік санитария – жұмысшыларға өндіріс ортасының қолайсыз шарттарының әсер ету деңгейін төмендетуге бағытталған іс-шаралар жүйесін айтады. Өндіріс ортасының қолайсыз шарттары жұмысшылардың еңбекке қабілеттілігін төмендетіп қана қоймай, сонымен қатар жұмысшылардың жарақаттануына және шығаратын өнімдерінің сапасын төмендетуге әкеп соқтырады.Өндіріс ортасының қолайсыз шарттары жұмысшының денсаулығын бұзуы және әртүрлі ауруларға душар етуі мүмкін. Міне осындай қолайсыз жағдайлардың туындамауы үшін өндірісте өндірістік санитария енгізіледі.
Жұмысшылардың еңбек гигиенасы саласынан хабардар болуы, кәсіби ауруларды тудыратын себептерді білуі, сондықтан олардың алдын ала білу аурудың және өндірістегі жарақат алу санын едәуір азайтуға мүмкіндік береді.
Санитариялық-тұрмыстық бөлмелер. Санитариялық-тұрмыстык; бөлмелердің саны мен өлшемі бір мезгілде жұмыс істейтін адамдардың санына және жобаланған санитариялық нормаларға сәйкес белгіленеді.
Санитарлық-тұрмыстық бөлмелер жалпы және арнайы бөлмелерге бөлінеді. Алғашқыға гардероб, әжетхана, жуынатын, тынығу бөлмелері және ауыз сумен қамтамасыздау құрылғысы жатады.
Арнайы санитариялық-тұрмыстық бөлмелерге темекі тарту, фотарии, респираторлар, душ, әйелдердің жеке бас гигиенасы бөлмелері, емшектегі балаларды емізуге арналған бөлме, сондай-ақ кір жуу, химиялық тазарту, кептіру, шаң тозаңнан арылту, залалсыздандыру және жұмыс киімдерін, аяқ киімдерді жөндеу, жұмыс істеушілердің жылынатын және басқа бөлмелері жатады.
Достарыңызбен бөлісу: |
