Физикалық диктант алу
Математикалық маятник деп нені айтады?
Математикалық маятниктің тербеліс периоды неге тең?
Маятник қай жерлерде пайдаланады?
Серпімділік күші әрекет ететін дененің тербеліс периоды неге тәуелді болады?
Еркін және еріксіз тербеліс деген не?
Оқушылар берілген сұрақтарға жауап беру арқылы сабаққа деген қызығушылығы оянады.
Мадақтама
смайликтер
Кеспе
Смайликтер
15 мин
Жаңа сабақты ашу
-Оқыту мен оқудағы жаңа тәсілдер
-топтық жұмыс
Еркін тербелістер деп дене тепе-теңдік күйінен шығарылғаннан соң сыртқы күштің әрекетінсіз болатын тербелістерді айтады.
Еркін тербелістердің жиілігін жүйенің меншікті тербеліс жиілігі деп атайды.
Еріксіз тербелістер дегеніміз – сыртқы периодты күштің әрекетінен болатын тербелістер.
Мәжбүр етуші күштің тербеліс жиілігі мен тербелмелі жүйенің меншікті жиілігі дәл келген кездегі еріксіз тербелістер амплитудаларының кенет арту құбылысы резонанс деп аталады.
Тәжірибе:
Зарядтың, ток күшінің, кернеудің периодты түрде өзгеруін электромагниттік тербелістер деп атаймыз.Электромагниттік тербелістерді тербелмелі контурда алуға болады.
«Джигсо» әдісі бойынша оқушылар мәтінді топқа бөлініп оқып, әрқайсысы өз тобына келгенде оқығанын айтып беруге тырысады.
Алдыңғы өтілген сабақта оқушылардан алынған рефлексия бойынша сабақ жоспарын құрдым, қандай кезеңдерден тұруы керек, нені қарастырамын сол бойынша жазба құрастырдым. Оқушыларды түгелдеп, сабаққа назарын аударып алған соң, үй тапсырмасын тексеруде физикалық диктант алдым. Бұл тәсіл мен үшін де оқушы үшін де өте тиімді болды. Себебі оқушылар түгел қамтылды, мен жекелеп сұрағанда барлық оқушыны түгел қамти алмас едім. Одан соң жаңа тақырыпты түсіндіріп өттім, сол бойынша оқушылардан кері байданыс ретінде Джигсо әдісі бойынша сабақтан түсінгенін сұрадым. Бұл кезеңде де оқушылар түгел қамтылды. Оқушылар топтасып, ынтымақта тамаша жүмыс жасады. Одан соң механикалық тербелістер мен электромагниттік тербелістердің ұқсастығы мен айырмашылығын сұрадым. Оқушылар сабақты жақсы түсініп екі тербелістің ұқсастығы мен айырмашылығын ажырата білді, негізгі формулаларды жаза білді. Одан соң тақырыпты бекіту мақсатында оқушыларға оқулықтан жаттығу жұмысы берілді. Оқушылар сол бойынша жеке жұмыс жасады. Бұл кезеңде мен барлық оқушыға бірдей тапсырма бергеніммен тек жақсы оқитын оқушылар ғана барлық есепті түгел қамтыды, ал қалған оқушылар өз деңгейіне байланысты есепті ғана шығарды. Келесі сабақта осы есептер шешу кезеңіне басқа әдіс пайдаланамын деп өзіме түртіп алдым. Есептерден соң оқушыларға «Блум таксономиясы» кестесін тарқаттым, бұл кезеңде де оқушылар жеке жұмыс орындады. Мен әр оқушының сабақты қаншалықты түсінгенін көре алдым. Одан соң сабаққа қатысқан оқушыларды бағаладым, үйге тапсырма бердім. Маған жалпы бұл сабақта және алдыңғы өтілген сабақтарымда бағалау тәсілі ұнамады. Оқушылардың рефлексиясына қарап, кейбір оқушыларға баға дұрыс қойылмағанын байқадым, бірінде сабаққа көп оқушы қатысқанымен, азғана оқушының бағалануы да мені қынжылтты. Келесі сабағымда осы бағалау әдісін жетілдіруім тиіс деп түртіп қойдым.