Күрделі тыңайтқыштар – алғашқы компоненттерді (бөліктерді) өзара химиялық жолмен әрекеттестіру арқылы алынатын тыңайтқыштар. Олардың ерекшелігі бір химиялық қосылыс яғни әрбір молекуласында бірнеше қоректік элементтер болады, әрі бірынғай химиялық формуладан тұрады.
Күрделі-аралас тыңайтқыштар – бірыңғай технологиялық процесс жағдайында аммиак, азот, фосфор, күкірт қышқылдарын, фосфорит немесе апатитті, калий тұздарын және тағы басқа бастапқы заттарды өзара әрекеттестіру арқылы өндіретін тыңайтқыштар.
Аралас тыңайтқыштар – әр түрлі жай, күрделі тыңайтқыштардың майдаланған және түйіршіктелген түрлерін механикалық жолмен бір-бірімен араластыру арқылы алынатын тыңайтқыштар.
Аммофос – NH4H2PO4, күрделі тыңайтқыштардың бірі, стандартты аммофос құрамында 11-12 % N және 46-60 % P2O, тыңайтатын түрінде 12-13 % N және 36-39 % P2O бар. Ақшыл-сұр түсті, суда еритін түйіршікті тыңайтқыш.
Диаммофос – (NH4)2HPO4, ең жоғары концентрациялы күрделі тыңайтқыш, құрамында 19-21 % N және 50 % P2O бар. Ақшыл-сұр түсті, суда еритін түйіршікті тыңайтқыш.
Достарыңызбен бөлісу: |
