Мағынаны тану
|
-Балалар, бүгінгі сабағымызды мына мақалмен бастап, осы мақалды өзімізге ұран етіп алсақ деп отырмын.
"Жақсыдан үйрен,
Жаманнан жирен".
-Трактор, әтеш, көбелек, ай, піл, парта, алма, радио суреттерін көрсетіп,(тақтаға жазып) бас әріптерінен жаңа сабақтың тақырыбын шығарып аламыз: "Тәкаппар"
-Ой шақыру.
Адам бойындағы жақсы мінез, қасиет: мейірімділік, қайрымдылық, ақылдылық, қамқорлық, көпшілдік, еңбекқорлық
Адам бойындағы жаман мінез, қасиет: қызғаншақтық, мейірімсіздік, жалқаулық, қатыгездік, өркөкіректік, менменшілдік, тәкаппарлық
-Олай болса, адам бойында жаман және жақсы қасиеттер болады екен. Жақсыға әркез жақын болып, жаманнан бойымызды аулақ ұстауымыз керек. Осы мақсатта Ш.Смаханұлының «Тәкаппар» деген мысал өлеңімен танысамыз.
-Мысал деген не?
1. Мысал- қызықты да, қысқа шығарма . Әр мысалда түйінді ой болады. Мысал- өнеге айту сипатында шығарған шығарма. Адамға бойындағы кемшілікті, мінді күлкіге айналдырады.
2. Шона Смаханұлының өмірімен таныстыру.
-Шона Смаханұлы 1924-1988 ж. Жамбыл облысы, Талас ауданында, Ойық деген ауылда дүниеге келген. Анасынан ерте айырылып, балалар үйінде, интернатта тәрбиеленеді. Ұлы Отан соғысына қатысқан. "Қазақстан мұғалімі", "Қазақстан пионері", "Ұлан" газетінде қызмет істеген. Баспада редактор, кейін редакция меңгерушісі болған. Бірнеше ән мәтіндерінің авторы. Орыс тілінде бірнеше кітабы жарық көрген. Белгілі сатирик, әзіл-сықақ жанырының шебері. «Қу түлкінің сыбағасы», «Қоңыраулы шеңгел» мысалдарының авторы. Алматы қаласында оның есімінде мектеп бар.
3. Өлеңді үнтаспадан тыңдау.
4. Сөздік жұмысын жүргізу.
Тәкаппар-мақтаншақ, өзімшіл, паң.
Даттанып-мақтанып, сөгіп.
4. Топпен жұмыс.
1 топ-мәнерлеп оқиды.
2 топ-мазмұнын айтады.
3 топ-Балықтың 1, 2 сөзін тауып оқиды.
Сергіту сәті.
5. Сұрақ-жауап тәсілі:
1) Шығарманы өлеңнің қай түріне жатқызуға болады?
2) Автор ненің басынан өткен жағдайды суреттейді?
3) Балық не деп мақтанды?
4) Ол құрлыққа қалай тап болды?
5) Құрлықта балық қандай күйге душар болды?
6) Ол қателігін қай кезде түсінді?
2. Мағынаны тану.
- «Тәкаппар» сөзінің мағынасын қалай түсінеміз?
(өзімшіл, мақтаншақ, паң)
- Осылай болу дұрыс па?
3. 1қатар: Балықтың адам үшін қандай пайдасы бар?
2 қатар: Балық түрлерін ата.
(шортан, алабұға, сазан, бекіре).
(дәптермен жұмыс) кестеге жазу:
Балықтың 1-ші сөзі: Балыктың 2-ші сөзі;
Жөнімді өзім білемін, Мөлдір суым мекенім,
Сусыз-ақ өмір сүремін. Енді қайтсем жетемін?
Қадіріңді білмедім
Неге шалқып жүрмедім.
7. Ой қозғау.
8. Мысалдағы қорытынды ой не?
1 қатар: Мақтаншақ- жаман әдет.
2 қатар: Мақтанғаннан не пайда
Өндірмесе дәнеме.
-Мысалдан өзіңе қандай сабақ алдың?
|
