| Назар аударыңыз! Май ерітінділерді және суспензияларды көк тамырдың ішіне енгізуге болмайды!
Инені тамыр ішіне енгізер алдында шприцтің ішінен ауаны тиянақтап шығару керек: шприцтің ішінде кішкентай көпіршіктер қалып қою мүмкіндігінен дәріні көк тамырдың ішіне түгелімен жібермей, шприцтің ішіне 1-2 мм қалдыру керек.
Трансфузияны өткізгенде көк тамырдың ішіне тамшылау жүйесінен ауа түсу қауіпі бар. Оның ішінде бірде-бір ауа көпіршігі қалып қоймау үшін жүйені тиянақтап ерітіндіге толтыру керек. Жүйені көк тамырға жалғастырғанда «ағынға-ағын» принципін сақтау керек.
Көк тамырға егулерді көбінесе, жедел көмек жасағанда қолданады. Көк тамырға енгізгенде ең тиімді әсер тигізетін дәрілерді және тек қана көк тамырға енгізуге болатын (кальций хлорид 10%) дәрілерді егеді.
Көк тамырға егу үшін сиымдылығы 10-20 мл, инесінің ұзындығы 40 мм, диаметрі 0,8 мм шприцтерді қолданады.Инъекция салатын анатомиялық жерлер: Шынтақтың ішкі аймағындағы көк тамырға,қолдың сыртқы бетіндегі көк тамырға,бұғана астындағы көк тамырға/катетер арқылы/.
Достарыңызбен бөлісу: | 
