Сабақтың тақырыбы: Қамқорлық. Әли Ысқабай Сабақтың мақсаты

Бастауыш сынып мұғалімі

Лебяжі жалпы орта мектебі

Павлодар облысы, Лебяжі ауданы, Аққу ауылы

Пәні: Әдебиеттік оқу

Сыныбы: 2 «б»

Сабақтың тақырыбы: Қамқорлық. Әли Ысқабай

Сабақтың мақсаты:

Мәтіндегі басты кейіпкерге талдау жасай отырып, мәтіннің тақырыбын, идеясын ашуға жағдай туғызу.

Күтілетін нәтижелер:

Пәндік нәтиже:  Мәтін мазмұнын түсіне отырып, өз ойларын нақты айта алуға, қорытынды жасай білуге дағдыландыру.

Жүйелі іс-әрекет нәтижесі: шығармашылық жұмыс арқылы ойын сауатты, әдеби тілмен жеткізу дағдысын дамыту.

Тұлғалық нәтиже:  кітап оқуға деген қызығушылықтарын арттыру; қайырымдылыққа, үлкендерді сыйлауға, адал достыққа тәрбиелеу; халқымыздың нақыл, ақыл сөздеріне мән беруге, жадында сақтауға үйрету.

Сабақ көрнекілігі: сабақтың мазмұнына сай кестелер мен суреттер,интерактивтік тақта, Қазақстан Республикасы картасы, қабырға газеті, кітап көрмесі.

-Сенің өміріңде осындай оқиға болды ма?

-Арманды қалай қорғауға болады?

Өткен сабақтан білгенім

Сурет арқылы өткен сабақты еске түсіру. Шығарма желісінен қойылым көрсету. Сұрақтар :

--Әңгіме кімдер туралы?

--Олардың істерінде айырмашылық бар ма? Салыстыру . 
Аян Арман

Әжейге орын берді көрмегенсіді

Әдепті әдепсіздік танытты

көңілді көңілсіз

-Мәтіннің соңғы екі сөйлемінен нені аңғардың?

-Неліктен Аян алманы опыра асап,төңірегіне жарқылдай қарайды?

- Ал, Арман қолындағы алмасын бірер тістегені болмаса, тұтас жеп қоюға қысылып келеді. Неге?

«Пікірталас» әдісі бойынша Арманды жақтау,даттау.

Әдептілік туралы мақал-мәтелдер айту арқылы қорытындылау. 

IІ. Қызығушылықты ояту.

-Балалар, мен сендерге шағын әңгіме оқып берейін.

Балапан мен мысық

Наурыз айы келді. Балалар қараторғайға ұя жасады. Асан да құстарға ұя дайындады.

Бір күні ұяда үш балапан пайда болды. Шешелері тамақ әкелуге кеткенде балапанның іреуі жерге құлап түсті. Оны көріп ала мысық балапанға жақындай түсті. Қараторғайлар балапанын айнала шырылдай ұшып, Асаннан көмек сұрағандай болды. Асан балапандарды құтқармақ болып мысыққа қарай ұмтылғанда, мысық қаша жөнелді. Асан жерде жатқан балапанды апарып ұясына салды. Қараторғайлар шат-шадыман әсем әуенге басты.

• 
  Оның істегенін бір сөзбен қалай атуға болады?
  

-Сабақтың тақырыбы: «Қамқорлық» Әли Әпекұлы Ысқабаев.

Әли Ысқабаев 1939 жылы 6-мамырда Алматы облысы Балқаш ауданы

Күйген ауылында дүниеге келген.Балаларға арналған «Менің інім», «Еңбекқор құмырсқа», «777 жұмбақ» «Бесік жыры» атты өлеңдер жинағы бар.(Тақтадан көрсету, картадан көрсету )

Мәтінді түсіну кезеңі.

Мәтінді желісіне қарай оқушыларға бөліп оқыту. 
Сөздік жұмысын жүргізу.

Көкейінде- ойында

Қамқорлық- мейірімділік, көмектесу 
Жоспар құру

1.Сабақ 

3.Көше қиылысы

4. Жылаған бала

5.Үйіне апару

6. Аналық алғыс.

Құрылған жоспар бойынша пікірлерін айтып,ойларын тиянақтау.

Мәтіннен алған әсеріңді кестеге толтыр. 

Негізгі кейіпкер,ол туралы ойың	Шығарманы оқығанда сені не қызықтырды	Сен үшін шығарманың аянышты жері бар ма?

Осы тақырыпта тағы бір мәтінді оқып көрелік. Екі мәтінді «Шығарма кестесіне» салу.

Шығарманың аты	қамқорлық	қамқорлық
Басты кейіпкерлер	Алтынгүл	Нақысбек
Кімге көмек берді	Адасқан балаға	Құлаған балаға
Оқиға орны	көшеде	көшеде
Негізгі идеясы	Кішіге қамқор болу	Кішіге қамқор болу
Мәтіндегі түйін сөз	Қайырымды болу	Қайырымды болу

Дәптермен жұмыс. Мәтіннен Алтынгүлге байланысты зат есім сөздерді теріп жаз. Ойлан, жұптас, ортаға сал. Іштей мазмұндап көр. 

III. Ойтолғау.

«Қолымнан келетін қамқорлық» атты қысқаша шығарма жазу.

Жазба жұмысын «Автор орындығына» шығып оқу. 

Мақал – мәтелдерді жалғастырады.

1. Жақсы сөз – жан семіртер.

2. Жақсылық жан жадыратар.

3. Жақсылық суға батпас,

Бір шығар, тегін жатпас.

4.Жамандық пайда етпейді,

Жақсылық зая кетпейді. 

Жақынды, досты аяла,

Қанатың сонда талмайды.

Барыңды жұрттан аяма,

Жақсылық жерде қалмайды. 
Жайдары жүзбен жарқыра,

Қатыгез болсаң – сол қайғы.

Қайырымды бол халқыңа,

Жақсылық жерде қалмайды.

Психологиялық тренинг

Жақсы ,жаман қасиеттерді жазу, керексізін лақтыру