Сабақтың тақырыбы: «Ё» дыбысы және әрпі» Сабақтың мақсаты

Арайлап таң атты

Алтын сәуле таратты

Жарқырайды даламыз

Біз қонақжай баламыз!

-Балалар бүгін бізде ерекше күн. Біздің тобымызға көптеген қонақтар келіпті.Балалар бүгін ерекше күн болғандықтан , сабағымызда ерекше болмақ. Көңілді отырып сабағымызды бастайық.

-Жылдың қай мезгілі? (көктем)

-Көктем екенін қайдан білдік?

-Өткен сабақта қандай әріппіен танысып едік?

-Кім айтады ф әріпі дауысты ма, дауыссыз ба?

-Ф әріпі бар сөздерді кім атап береді?

Осы кезде топқа бақа кіріп келеді.

-Көмектесіңдер, көмектесіңдер мені мыстан әжей қуып келеді. Мен сұлу ханшайым едім, мені мыстан әжей сиқырлап бақаға айналдырып қойды. Менің қайтадан ханшайымға айналғым келеді.

Соңынан мыстан қуып кіріп келеді.

-Ә, сен мында кіріп кеттің бе? Сені бәрі бір ханшайымға айналдырмаймын, мәңгіге бақа болып қаласың.

-Тоқтаңыз әжей, бізге мүмкіндік беріңіз, біз бақаға көмектескіміз келеді.

-Ә, мен таптым сендерге басым қатып орындай алмаған тапсырмаларды берейін. Осы тапсырмаларды орындасаңдар , мына сыйқырланған ханшайымды қайта қалпына келтіремін. Мен сендерді сыйқырлы айнаммен орманнан бақылап отырамын. Ал бақа әзірше менің қасымда болады. (екеуі шығып кетеді)

-Ал, балалар бақаға көмектесеміз бе ?

-Йә !

-Жарайды, олай болса мыстан әжейдің бірінші тапсырмасын орындайық.

1. «Ойлан, тап» ойыны

а) Жұмбақ шешу.

Қысы – жазы бүр түсте.

Ол не?

- Шырша

- Ёлка

- Ё дыбысы. (Хормен айту)

2. Ё дыбысы және әрпі туралы мағлұмат беру.

- Ё дыбысы дауысты дыбыс. Ол қосарланған екі дыбыстан жасалған (й+о), орыс тілінен енген сөздерде кездеседі.

Мысалы: Монтёр, шахтёр, актёр, т. б.

- Монтёр сөзіне дыбыстық талдау жасату.

Монтёр - 2 буын, 7 дыбыс, 6 әріп.

3. Мәтінмен жұмыс:

Монтёр

Монтёрдің жұмысы қиын. Күннің жаңбырлы, боранды болғанына қарамай жұмыс істейді. Биік бағаналарға өрмелеп шығуға да тура келеді. Монтёр болу үшін епті, сабырлы болу керек.

4. «Сөйлем құра» тапсырмасын орындату.

Шахтёр – құрметті маман.

Монтёр бізге жарық береді.

7. Бекіту.

- Біз бүгінгі қандай әріппен таныстық?

- Ё ё дыбысы қандай дыбыс?

Сабаққа қатысып белсенділік көрсетіп отырған балаларды мадақтау.

-Міне, балалар, біз мыстан әжейдің барлық тапсырмаларын орындап шықтық. Қалай ойлайсыңдар мыстан әжей өз сөзінде тұрып бақаны қайта ханшайымға айналдырады ма екен? (осы кезде топқа жүгіріп, қуана басып ханшайым кіріп келеді)-Ой балалар, жарайсыңдар! Сендерге көп рахмет!Мені мыстан әжейдің сиқырынан құтқардыңдар! (осыдан кейін ханшайым шығып кетеді)

Сабақты қортындылау.
№9 Т.Рысқұлов атындағы мектепке дейінгі шағын орталығы бар жалпы білім беретін орта мектептебінің мектеп алды даярлық сыныбы
Ашық сабақ

Сауат ашу. «Ё дыбысы және әрпі»