Сабақтың тақырыбы: Интернет. Интернет маған не үшін керек? Сабақтың мақсаттары: Білімділік: 1

 Сабақтың тақырыбы: Интернет. Интернет маған не үшін керек?

Психологиялық тұрғыдан сабаққа дайындық, яғни, оқушылардың көңіл-күйін сабаққа икемдеу. «Сәлеметсіңдер ме,балалар, бір-біріңе қараңдаршы.Қандай әдемісіңдер! Ал,енді бір-бірімізге күлімдей, мейірімді көзбен қарайық.Сабақты бастамас бұрын алдарыңдағы суреттердің бірін қазіргі көңіл күйлеріңе сәйкес таңдап алыңдар. Сабақтың соңындағы суреттеріңмен салыстырып қандай өзгерістер болғанын анықтаймыз»

(балалар өздеріне смайликтің бір суретін таңдап алады)

2.Өткенді пысықтау.

Өткен тақырып бойынша дұрыс\бұрыс тәсілі арқылы жауап беру. 

-Бүгін сабақта біз сендермен бірге интернетпен байланысты сөздерді сонымен қатар интернет туралы ақпарат оның зиянымен пайдасы туралы өтеміз. Жаңа сөздерді меңгеріп, тақырып бойынша әңгімелесеміз. Және де өткен сабақтарда өткенді еске түсіріп қайталаймыз. Бүгінгі сабағымыздың тақырыбы «Интернет. Интернет маған не үшін керек?», дәптерлеріңді ашып бүгінгі күнді және тақырыпты жазып қойыңдар.

      Жаңа сабақты бастағанда оқушыларды тақырыптың ішіне ендіру мақсатында өтілетін тақырып бойынша «Ой шақыру» тәсілімен сұрақтар беріледі. Сұрақтар жалпы сыныпқа айтылады.

1. Сен интернет қолданасың ба?

2. Интернетті қайда (үйде/сабақта) қолданасың?

3. Сен интернеттен не іздейсің?

4. Интернет оқушы үшін пайдалы ма?

5. Интернетпен жұмыс істесең қанша сағат жұмыс істейсің?

6. Интернет қызметіне айына қанша теңге төлейді?

7. Интернеттің қандай пайдасы бар?

8. Интернеттің қандай зияны бар?

ІІІ.Жаңа сабақ.

Мұғалімнің кіріспе сөзі
-Жаңа тақырыпты меңгеру үшін бізге жаңа сөздер керек. Ендеше бүгінгі сабағымыздың жаңа сөздерімен танысып алайық. Тақтада жазылған сөздерге назар аударыңдар (бір оқушы сөздерді оқып шығады, балалар кезектесіп қазақша-орысша сөздерді айтады, сөздермен сөз тіркес немесе сөйлемдер құрастырады).

Сөздікпен жұмыс.

Мәтінді мәнерлеп түсініп оқу, сұрақтарға жауап беру арқылы түсінгендіктерін анықтау .

Менің ата-анам үйге интернет желісін қосты. Ай сайын интернет қызметін төлеп тұрамыз. Интернет  қымбат.

      Мен интернетті жиі қолданамын. Интернеттің пайдасы көп. Интернеттен өзіме қажет көп ақпарат табамын. Ақпараттарды сабаққа дайындалғанда пайдаланамын. Онда оқушыларға арналған сайттар: Энциклопедиялар, анықтамалар,  географиялық карталар, тарихи деректер жинақталған интеллектуалдық сайттар бар. Интернеттен өзімді қызықтыратын кез-келген тақырыпты табамын.

      Кейде интернеттен қызықты онлайн-ақпараттарды оқимын, кино көремін. Интернетте көп отырмаймын. Ата-анам рұқсат етпейді. Денсаулыққа зиян келтіреді. Интернетте жұмыс істегенде 40 минут отырамын.

.

 1. Мәтін бойынша тапсырма.

1. 
   Әр оқушыға мәтінді ішінен 1 рет оқу ұсынылады.
   

  IV.Тапсырмалар.   

       2. Лексикалық не грамматикалық бірліктерді игеруге бағытталған жұмыстар.

1. Мәтіннен интернетке қатысты сөздерді тап.

2. Мәтіннен пайдалы деген сөзге мағынасы қарама-қарсы сөзді тап.

3. Қазақ және орыс тілдеріне ортақ сөздерді тап.

Менің ата-анам үйге интернет желісін қосты. Ай сайын интернет қызметін төлеп тұрамыз.

       Қатар отырған оқушылар бір-біріне тақырып бойынша сұрақ-жауап арқылы диалог құрастырады.

  VІ. Тыңдалым бөлімі.

Оқушыларға бұл бөлімде мәтінді үнтаспадан тыңдатамын. Мәтінді тыңдап болған соң, әңгімені, ақпаратты түсінгенін тексеру үшін дұрыс/бұрыс деп белгілейтін тапсырмалар беріледі. Ол үшін 9 ұяшықтан құрастырылған төртбұрышты кесте беріледі. 9 ұяшықта 9 сұрақ беріледі. Дұрыс жауабын тапқан сайын сол ұяшықты бояу керек. Сонда дұрыс жауап берсе «х» деген сурет шығу керек. Өзін-өзі тексеру әдісі бойынша оқушылар өздерін тексереді.

 Интернет осыдан 25 жыл бұрын АҚШ пайда болған. Интернет әр түрлі әскери зерттеулерді қамтамасыз ету үшін құрылған. Интернет жүйесіне қосылу үшін модем қажет. Интернетті пайдаланатындардың барлығы тек бір нәрсені ғана іздейді. Ол –ақпарат. Оның негізгі қайнар көздері – адам және машина. Интернет арқылы өзің сияқты адамдармен танысуға болады. Сонымен қатар, интернет бізге дамыған мемлекеттермен тең дәрежеде болу, әлемде болып жатқан хабарды білу, хабарламаны, құжаттарды қабылдап алу, достарым, туған-туыстарыммен хабарласу, тауар сатып алуға немесе сатуға, сапар шегуге, қонақ үйге тапсырыс беруге, фото, аудио, видео материалдарды жіберу қабылдау үшін қажет.

2. Интернеттің негізгі қайнар көздері – адам және машина.

3. Интернет арқылы өзің сияқты адамдармен танысуға болады.

4. Интернет бізге дамыған мемлекеттермен тең дәрежеде болу үшін қажет.

5. Интернет жүйесіне қосылу үшін модем қажет емес.

6. Интернет осыдан 15 жыл бұрын АҚШ пайда болған.

7. Интернет жүйесіне қосылу үшін модем қажет.

8.  Интернет осыдан 25 жыл бұрын АҚШ пайда болған.

9. Интернет әр түрлі әскери зерттеулерді қамтамасыз ету үшін құрылған.

VІІ. Сабақты бекіту.

Интернет бізге не үшін керек?

Интернет қай жерде пайда болған?

VІІІ. Бағалау.

ІХ. Үй тапсырмасын беру.

      1. Үйге тапсырма. Шығармашылыққа бағытталған тапсырма. Үйде/сыныпта интернетке кіріп, қазақ тілінде Қазақстан туралы ақпарат табыңдар.

      2. Интернетке кіргенде/жұмыс істегенде қандай терминдердің қызметін көрдің, соларды жазып кел. Сыныпта сол терминдерді қазақ тіліне аударасың.

Х. Рефлексия.

Бүгінгі сабақта не білдіңдер?

Сабақ ұнады ма?

-Барлығың бүгінгі сабаққа жақсы қатыстыңдар. Жарайсыңдар!Енді балалар,сабақ аяқталғандағы көңіл-күйлерің қандай екенін суреттерден таңдап алып сабақ басындағы суреттермен салыстырып, мына тақтаға іліп қойыңдар.

-Сабақ аяқталды.Сау болыңдар!

Өткен тақырып бойынша дұрыс\бұрыс тәсілі арқылы жауап беру. 

Өткен тақырып бойынша дұрыс\бұрыс тәсілі арқылы жауап беру.