Сабақтың тақырыбы: Мектеп басшысының қызметі, оған қойылатын талаптар

Мектеп қоғамның әлеуметтік ұясы. Онда демократияландыру, ізгелендіру, жариялылық принциптердің негізінде педагогикалық ұжым нығаяды, қалыптасады, идея жағынан шынығады. Осыған орай мектеп басшысы жаңа ойлармен, жаңа идеялармен қаруланады, оқу-тәрбие жұмысына заман талабына сай жаңа көзқарастармен қарайды, басқарудың жаңа демократиялық стилі пайда болады. Жаңашыл директор мұғалімнің шығармашылық ынтасын, құзіретін, дербестігін, ынтымақтастығы мен жауапкершілігін бағалайды.

Ізгелдендіру барлық мектеп өмірін демократияландыру жағдайында жүзеге асырылады. Ізгелендіру – бұл балаға деген зор қамқорлық, қайырымдылық, оның мақсатын, тілегін, мүддесін қабылдау, баланы қоғамның белсенді, саналы, теориялық және практикалық білім негізімен қаруланған мүшесі етіп дайындау.

Күрделі және жауапты мәселелерді шешуде мектеп директорының оқу-тәрбие жұмысын басқарудағы деңгейін сипаттайтын көрсеткіштер: шығармашылық, педагогикалық шеберлік, білімдарлық, жоғары идеялық ұжымшылдық. Сонымен бірге оның бойындағы құзіреттілік, тапқырлық сияқты қасиеттер де болуы тиіс. Сапалы қаситеттердің негізінде мектеп басшыларына кәсіби және адамгершілік-психологиялық (өнегелік) талаптар қойылады.