Ақши ауылының орталығында салынған жаңа үй (коттедж)

1. 
   Кіріспе
   

Шығыс Қазақстан облысы, Аягөз ауданы, Ақши ауылдық округінің 2018-2020 жылдарға арналған кешенді даму жоспары онда тұратын және оған жақын тұрған ауылдардың тұрғындарына қолайлы жағдайлар туғызуды қамтамасыз ету мақсатында жасалды. Ақши ауылдық округі Қарағанды-Боғас тас жолы бойында солтүстікке қарай 2 км жерде орналасқан.

Ақши ауылдық округі аудан орталығынан 50 км, облыс орталығынан 360 км қашықтықта орналасқан. Ақши ауылдық округі екі елді мекеннен тұрады: Ақши ауылы және Ақтүбек елді мекені. Жалпы халық саны – 829 адам. Акқши ауылының орталығында – 735 адам, Ақтүбек елді мекенінде – 94 адам тұрады.

Ауылдық округтің негізгі бағыты: мал шаруашылығы, дала шаруашылығы және ауылшаруашылық өнімдерін өндірумен айналысады.

Ақши ауылдық округінің маңайында 18 км қашықтықта Ақтүбек елді мекені 94 тұрғынымен орналасқан. Ақтүбек елді мекені Ақши ауылымен экономикалық тығыз байланыста. Құнарлы егістік жерлер мен жайылымдық жердің болуы ауыл экономикасының өсуіне септігін тигізеді. Ауыл экономикасының негізгі саласы ауылшаруашылық бағыттағы ұсақ шаруа қожалықтар, оның ішінде мал шаруашылығы мен егін шаруашылығының дамуы болып есептеледі.

Ауылдық округінің транспорттық кешенінің дамуы автомобильдік жол қатынасы арқылы дамиды.

Ауыл округінің даму потенциалы әлеуметтік-экономикалық дамудың нақты секторы ретінде және де әлеуметтік шеңбері және инфрақұрылымдық кешені ретінде салмақты серпінділігімен сипатталады.

КДЖ инженерлік және әлеуметтік инфрақұрылымды дамыту, өнімдерді өткізу рыноктары мен елді мекендерге көлік қатынасын жақсарту, мемлекеттік және коммерциялық қызмет көрсету орталықтарын құру, халықты жұмыспен қамту және жаңа жұмыс орындарын құруға бағытталған шараларды іске асыруды көздейді.

Округтің жалпы ауданы – 90320 га жерді қамтиды.

Жұмыс істеп тұрған мекемелер мен кәсіпорындар саны - 9 (Ақши ауылдық округінің аппараты, орта мектеп, ауылдық клуб, кітапхана, дәрігерлік амбулатория, пошта бөлімшесі, «ШҚ АЭК» АҚ электригі, «Аягөз ауданының ветеринариялық қызметі» КМК-ы, АТС.)

Әлеуметтік сала бойынша Ақши ауылдық округінде Ақши ауыл орталығында жаңа үлгідегі 180 орындық мектеп ғимараты, осының ішінен 70 орындық интернат пен шағын орталық жұмыс істейді. Дәрігерлік амбулатория, ауылдық клуб және кітапхана жұмыс істейді.

Қызмет көрсету сала бойынша пошта бөлімшесі, АТС, 2– азық-түлік дүкені, 3-киім-кешек дүкені, 2–наубайхана, тойхана, қоғамдық монша, мал сою алаңы ауыл тұрғындарына қызмет көрсетеді.

Инфрақұрылым кешені бойынша Ақши ауылдық округінің Ақши ауыл орталығына орталық су құбыр жүйесі тартылған. Жалпы ұзындығы – 8 км.

Ауылдық округ аумағында электр, ұялы байланыс және сандық, спутникті байланыс жүйесімен қамтамасыз етілген.

Ауылдық округ бойынша 62–шаруа қожалығы, 3–ауылшаруашылық өндірістік кооперативі, 9–жеке кәсіпкер жұмыс істейді.

Ауылшаруашылық саласында дала шаруашылығы мен мал шаруашылығы қатар дамыған. Округтің ауылшаруашылық жерлері 90 320 га құрайды. Ауылда мал шаруашылығының дамуына осы салаға бөлініп жатқан қаржылық қолдаулар, малды асылдандыру жұмыстары септігін тигізуде.

Жыл сайын егістік алқабы ұлғаюда. Агротехникалық шаралардың толық орындалуы, жаңа техникалардың сатып алынуы, дала шаруашылығында өнімнің мол алынуына себеп болып отыр.

Ауылдық округ бойынша 5–шаруа қожалығы егін егумен және мал шаруашылығымен қоса айналысады. Мемлекеттік «Егінжай» бағдарламасының бағыты бойынша жұмыстар жүргізілуде.

Ауылдық округ бойынша 9–жеке кәсіпкер тіркеліп, 9–адам жұмыспен қамтылған. Шағын кәсіпкерлік халықты жұмыспен қамтудың айтарлықтай бөлігін құрайды. Қызмет көрсету сала бойынша 2–азық-түлік дүкені, 3–киім-кешек дүкені, 2–наубайхана, 1–тойхана, 1–қоғамдық монша ауыл тұрғындарына қызмет көрсетеді.

Шағын кәсіпкер ауыл округ тұрғындарының тұтынымын қанағаттандырып отыр.

Шаруа қожалық басшылары, жеке кәсіпкерлермен мемлекеттік бағдарламалар «Құлан», «Сыбаға», «Алтын асық», Казагро қаржы несиелендіру қоры арқылы лизингке техника алу, «Нәтижелі жұмыспен қамтуды және жаппай кәсіпкерлікті дамытудың 2017-2021 жж» арналған бағдарламасының екінші бағыты, «Егінжай» бағдарламасының бағыттары бойынша үнемі түсіндіру жұмыстары жүргізіледі және жаңадан жеке кәсіп ашамын деген азаматтарға түсіндіру, құжаттарын ресімдеуге көмек көрсетіледі.

1. Өндірілген өнімді делдалсыз өткізетін орындардың жоқтығы;

2. Ауылдық жерлерде Банк институттарының несиелендіру жүйесінің күрделілігі, кепілдікке қоятын нысандардың бағалау құнының төмендігі (кепілге алмауы).

3. Ауыл жастарының ауылдағы жұмыстарға және мал шаруашылығы саласы бойынша жұмыстарға бармауы;

1.Мал өнімдерін өндіруді дамыту;

2.Ет бағытындағы жылқы, ірі қара, қой-ешкі басын өсіру;

3. Дала шаруашылығын дамыту бойынша іс-шараларды іске асыру нәтижесінде егістік алқабы көлемінің өсуі, мол өнім алынуы күтілуде;

SWOT - талдау

Басым жақтары	Әлсіз жақтары
Жылқы, ірі қара, ұсақ малдарын өсіруге жайлы климат; Ауылшаруашылық мақсатындағы құнарлы жерлердің бар болуы; Мал бастарын асылдандыру; Мал бордақылау алаңдарын ашу; Ет өндіруді дамыту әлеуеті;	Ет, жүн, тері өткізу мәселелері, Несиелендіру жүйесінің шектеуі (кепіл және т.б) Жастардың ауылдық жерде жұмыс істеуге қызықпаушылығы,бармауы; Жеңілдетілген жанар-жағар майдың тиімсіздігі, Ауылшаруашылық техникасының жетіспеуі және жабдықталмауы;
Мүмкіншілік	Қатерлер
Экстенцивті техникалардан құтылып, Интенсивті техника алуға ұмтылу, Мемлекеттік бағдарламалардың бағыттары арқылы лизингке техника алу, техника паркін жаңарту Тұрмысты жақсарту	Ет бағасының төмендеуінен (өспеу), ет өнімінің тиімсіздігі Ауылшаруашылығын мемлекеттік бағдарламаларының қолдауының төмендігі,

2.2. Әлеуметтік инфрақұрылым және қызмет көрсету

Ақши ауылдық округ бойынша әлеуметтік инфрақұрылым қанағаттанарлық жағдайда. Ауылдың демографиялық жағдайы төмен, 2017 жылмен салыстырғанда 2018 жылы халық саны 23 %-ға төмендеді.

2010 жылы Ақши ауылдық округінің Ақши ауыл орталығында жаңа үлгідегі 180 орындық мектеп ғимараты пайдалануға берілді. Осының ішінен 70 орындық интернат пен 25 орындық мектепалды шағын орталық жұмыс істейді, онда 25 бала тәрбиеленеді.

«Ақши жалпы білім беретін орта мектеп жанындағы интернатпен» КММ-сінде 31 мұғалім жұмыс істейді. «Дипломмен ауылға» бағдарламасы арқылы 2 жас маман жұмыс істейді. 211 оқушы білім алуда, осының ішінде: интернатта 62 оқушы оқып тәрбиеленуде.

Мультимедия, интерактивтік тақта, 60 орындық асхана, 100 орындық мәдени шараларды өткізу залы және барлық кабинеттер қажетті құралдармен толық жабдықталған. Мектепте әртүрлі үйірмелер (спорт түрінен: баскетбол, волейбол, шахмат, қазақша күрес, теннис, би, шебер қолдар және т.б.) жұмыс істейді.

«Ақши жалпы білім беретін орта мектеп жанындағы интернаипен» КММ-міне орыс тілі пәні мұғалімі жетіспейді және күрес кілемдері қажет.

Денсаулық саласы бойынша:
Ақши ауылдық округінің орталығының дәрігерлік амбулаториясында 1 дәрігер, 4 медбике, Ақтүбек елді мекенінде 1 фельдшер халыққа қызмет етеді. Дәрігерлер Ақши ауыл орталығын, Ақтүбек елді мекенін және қыстақтарды аралап, профилактикалық қарау, егу, диспансерлік бақылау және жыл бойында қаралған науқастарды уақытында қарап, емдеу жұмыстарын жүргізеді. Жыл сайын «Саламатты Қазақстан» атты жылжымалы кешенді автомашинасы медициналық аппартымен ауыл тұрғындарын тексеруден өткізеді. 2017 жылы Аягөз аудандық аурухана есебінен (меншік қаражат) дәрігерлік амбулаторияға күрделі жөндеу жұмыстары жүргізілді.

Бала туу деңгейі 2016 жылмен салыстырғанда 2017 жылы 8 сәбиге кем болды. Дәрігерлік амбулаторияға жедел жәрдем көлігі және компьютер қосалқы құрылғыларымен қажет.

Ауылдық округте клуб үйі мен кітапхана жұмыс істейді. Клуб үйінде әр түрлі мерекелік іс-шаралар өткізіліп отырады. Ақши ауылдық кітапханасында 761 оқырман, оның ішінде балалар саны – 207. Кітап қоры - 8670, қазақ тілінде - 3466, осының ішінде балалар әдебиеті – 726, қазақ тілінде - 446. Оқырмандар оқыған кітап саны – 6564, осының ішінде балалар оқыған кітап саны – 2660.

Ауылдық округ бойынша меншік тұрғын үйлер абаттандырылмаған, пешпен жылытылады. Меншік үйлердің 3,2 %-ы абаттандырылған ( 6 тұрғын үй). Меншік тұрғын үйлерін бұзып, орнына жаңадан 3 тұрғын үй салды. (жалпы алаңы – 589,1 ш.м.). 2017 жылы 1 отбасы жаңадан меншік тұрғын үй салды.

Округ бойынша тұрғындардың 31,2 %-ы - жалдамалы жұмысшылар, 8,2%-ы жеке негізде өзін-өзі жұмыспен қамтығандар, ауыл тұрғындарының 3 %-ы сыртта жұмыс істейтіндер, 11%-ы - жеке қосалқы шаруашылықпен айналысатындар. Аягөз аудандық Жұмыспен қамту орталығы арқылы қайта оқыту, мамандандыруға 5 (аспазшы, газбен дәнекерлеуші, автомеханик) адам оқуға жіберіліп, 5 адам ақылы қоғамдық жұмысқа тартылды. Басты мәселе: ауыл тұрғындарының жұмысқа жұмысшы болып тіркелмей отырғандығы немесе ең төменгі еңбек ақымен ресімделеді.

«Аягөз ауданы Ақши ауылдық округі әкімінің аппараты» ММ-сі бойынша көрсетілетін қызметтер саны – 1.

1. 
   «Жеке қосалық шаруашылықтың бар екендігі туралы анықтама беру».
   

Сонымен қатар ауылдық округте нотариаттық іс-әрекеттер жасаудың 4 түрі (сенімхатты куәландыру, өсиеттерді куәландыру, құжаттар көшірмелерінің және олардан алынған үзінділердің дұрыстығын куәландыру, өтініштерге қойылған қолдың түпнұсқалығын куәландыру) бойынша нотариалдық іс-әрекеттер жасауды жүргізеді.

Ауылдық округ бойынша зейнеткерлер -107, соғыс жылдарында тылда еңбек еткендер-4, дербес зейнеткер - 1. 2017 жылы 24 отбасына ( он сегіз жасқа дейінгі балалы отбасыға) 1 708 600 теңге жәрдемақы төленді. 2018 жылы жаңа форматтағы атаулы әлеуметтік көмектің шартты түріне 3 отбасы құжат өткізді.

1. 
   Ауылдық жерде жастардың тұрақтамауы, еңбекақының төмендігі,
   
2. 
   Мүмкіндігі шектеулі азаматтардың жұмысқа орналасу қиындықтары;
   
3. 
   Әлеуметтік сала бойынша қажетті маманның жетіспеуі (орыс тілі пәні
   

4. 
   Мәдени-спорт саласы бойынша материалдық-техникалық базаның нашарлығы;
   

1. Жастардың ауылға тұрақты тұруына жағдайлар жасау;

2. «Дипломмен ауылға» бағдарламасы бойынша жас мамандарды ауылға тарту, ауылға тұрақтандыру;

3. Қолма-қол ақша бақылау шоты арқылы мәдени-спорт саласының материалдық-техникалық базасын жаңарту;

4. Дәрігерлік амбулаторияны компьютер құрылғысымен жабдықтау;

SWOT – талдау

Ақши ауылдық округінің Ақши ауыл орталығы орталықтандырылған су құбыры жүйесі тартылған. Жалпы ұзындығы – 8 км. Су жүйесінің қызметін ауылдағы 121 тұрғын үй тұтынады. Су жүйесі – «Ақши ауылдық округі әкімінің аппараты» мемлекеттік мекемесінің теңгеріміне алынған, сенімділік басқаруға «Су» коммуналдық мемлекеттік кәсіпорынға берілді. Ауыл тұрғындарын сумен қамтамасыз ету күнделікті 2 сағат беріледі. 2011 жылы облыстық «Жол картасы» бағдарламасы негізінде 34,7 мың теңгеге су құбыр жүйесі жөнделді. 2012 жылы жергілікті бюджеттен 2,0 млн. теңгеге 410 метр су құбыр жүйесінің құбырлары ауыстырылып және бір колонка қойылды. 2013 жылы жергілікті бюджеттен 11655,0 мың теңге бөлініп, 1815 метр су жүйесінің құбырлары ауыстырылды. Ақтүбек елді мекен тұрғындары ауыз суды ашық өзеннен пайдаланады. Келешекте су жүйесіне ағымдағы жөндеу жұмыстарын жүргізу, су соратын насостарды ауыстыру, 1-скважина, 27- колонканың 20 - ғана істеп тұр. Ақтүбек елді мекеніне су жүйесінің іздеу жұмыстарын жүргізу керек.

Округте «ШҚ АЭК» АҚ қарайтын электр желілері учаскесі жұмыс істейді. Ауылдық округтің елді мекені түгелдей электр желілерімен қамтылған. Электр желілерінің техникалық жағдайы қанағаттанарлық.

Ақши ауылдық округін күл-қоқыстан тазарту және абаттандыру айлығы бойынша әр сенбі күндері сенбіліктер өткізіліп, 1420 м³ күл-қоқыс шаруа қожалықтарының және ауыл тұрғындарының жеке меншік техникаларымен шығарылды. Мектеп ауласына, әкімшілік алдындағы гүлзарларға гүлдер отырғызылды.

Ауыл әкімшілік ғимаратында «Қазпочта» АҚ ШҚО филиалы Аягөз аудандық почта байланыс торабының бөлімшесі орналасқан. Ауылдық округте 48 телефон нүктесі бар, оның ішінде Ақши ауыл орталығы бойынша сандық байланыс торабы орнатылған, нүкте саны - 33, Ақтүбек елді мекенінде спутникті байланыс торабы, нүкте саны -15, онымен қоса Актив KCELL, Билайн ұялы байланыс тарату торабтары орнатылған. Ауыл тұрғындарының ұялы байланыс жүйесін пайдаланушылардың көбеюіне байланысты жоғарғы жылдамдықта істейтін 3G интернет жүйесі қажет. Ақтүбек елді мекенінде ұялы байланыс жүйесі жоқ.

Ақши ауылдық округі Қарағанды-Боғас тас жолы бойында солтүстікке қарай 2 км жерде орналасқандықтан ауыл тұрғындарына жолсапарға шығуға өте ыңғайлы.

«Жұмыспен қамту жол картасы - 2020» бағдарламасы шеңберінде Ә.Тәңірбергенов атындағы көшені құм, қиыршық тас қоспасынан жол жамылғысымен ағымдағы жөндеу жұмыстары жүргізілген.

Ауыл жолдарының жалпы ұзындығы – 6,8 шақырым болады. Жолдың сапасы – қанағаттанарлық. Округ ішіндегі жолдарға жөндеу жұмыстары қажет. Осы жолдардың 3 шақырымын күтіп ұстауға «Аягөз жолдары» ҚМК бекітілген.

Ауыл тұрғындары қалаға барып-қайту үшін жеке меншік көліктер (такси) қызметін пайдаланады.Аягөз қаласына қоғамдық автобус жүрмейді.
Жарықтандыру.

Ақтүбек елді мекенінде 5 жерден, Ақши ауыл орталығында 77 жерден жарық орнатылған. 2018 жылы Ә.Тәңірбергенов көшесіне 11 жерден жарық орнату жұмыстары жүргізіледі. (1 087,0 мын теңге).

Экологиялық қауіпті өндірістердің болмауынан ауылдық округтің экологиялық жағдайы қалыпты.Экологиялық тұрмыстық қатты қалдықтарды төгу полигоны ауылдың сыртында орналасқан. Полигон қоршалмаған.

1.Су құбыры жүйесіне жөндеу жұмыстарын жүргізу;

2. Ақтүбек елді мекен тұрғындарының ауыз суды ашық өзеннен пайдалануы;

3. Жоғары жылдамдықтағы интернеттің болмауы;

4.Ақтүбек елді мекенінде ұялы байланыс жүйесінің жоқтығы;

5. Тұрмыстық қатты қалдықтар полигонының ашық жатуы;

1.Таза, сапалы сумен қамтамасыз ету, жеке тұрғын үйлерге су құбырын тарту;

2. Жоғары жылдамдықтағы интернетке қол жеткізу;

3.Ақтүбек елді мекеніне ұялы байланыс жүйесін орнату;

4. Ауыл ішіндегі жолдарды жөндеу.

5. Тұрмыстық қатты қалдықтар полигонын қоршау.

6. Ақтүбек елді мекеніне су жүйесінің іздеу жұмыстарын жүргізу;
SWOT-талдау

Күшті жақтары	Әлсіз жақтары
Сумен қамтамасыз ету
Ақши ауылы орталығы орталықтандырылған су құбыры жүйесімен қамтамасыз етілгендігі.	Су құбыры жүйесінің жеке тұрғын үйлерге тартылмауы Ақтүбек елді мекені ауыз суды ашық өзеннен пайдалануы.
Электр жүйесі
Аумақта «ШҚ РЭК» АҚ қарайтын торабтық телім жұмыс істеп тұр.
Ауылдық округтің көшелерін жарықтандыру 50 пайызға орындалғандығы.	Ауылдық округтің көшелерінің 50 пайызы жарықтандырылмаған.
Байланыс торабы
Ақши ауылы бойынша сандық байланыс торабы, Ақтүбек елді мекенінде спутникті байланыс торабы, онымен қоса Актив, KCELL, Билайн ұялы байланыс тарату торабтары орнатылғандығы	Ауыл тұрғындарының ұялы байланыс жүйесін пайдаланушылардың көбеюіне байланысты жоғарғы жылдамдықта істейтін 3G интернет жүйесінің жоқтығы. Ақтүбек елді мекенінде ұялы байланыс жүйесінің жоқтығы;
Ауыл жолдары
Ақши ауылдық округі Қарағанды-Боғас тас жолы бойында орналасқандығы.	Ауыл ішіндегі жолдарының қанағаттанарлықсыз жағдайда болуы.
Экология
Қалыпты экология жағдайы
Мүмкіндіктер	Қатерлер
Инженерлік инфроқұрылымды әртүрлі мемлекетік бағдарламалар арқылы жаңғырту мүмкіндіктері

3.Стратегиялық бағыт

3.1 Көрініс

Ауыл тұрғындары өндірілген өнімдерін аудан орталығы Аягөз қаласындағы сауда нүктелерінде, жәрмеңкелерінде сапалы ауыл шаруашылық өнімдерін апарады.

Елді мекеннің тұрғындары әлеуметтік инфрақұрылымның қызметтерімен қамтылған. Балаларды мектепке дейінгі мекемелер қызметтерімен және клуб үйіндегі үйірмелермен, спорт секция қызметтерімен қамтамасыз етілген. Ауыл балалары жаңа типтегі жабдықталған жайлы мектептерде оқуға мүмкіндігі бар.

Ауылдың халқы заманауи жабдықпен қамтылған медициналық мекемелерге бару қол жетімділігіне ие, балалар ойын алаңы бар. Ақши ауылы Қарағанды-Боғас тас жолына жақын орналасқан. Көшелері жарықтандырылған.

1-ші стратегиялық бағытқа жету ауылдың қолда бар экономикалық базасына, сонымен қатар пайдаланылмаған экономикалық әлеуетке негізделетін болады.

Шағын бизнес бірінші кезекте қызметтер нарығы. Бұл тұрмыстық және сервистік қызметтер, сонымен қатар бөлшек сауда саласы. Әкімдіктің шағын бизнесті қолдаудың мәні мемлекеттік қолдау шараларына ие болуға жәрдемдесу, ауыл халқын шағын бизнес негіздеріне оқытуға жәрдемдесу болып табылады.
1-ші мақсатты бағыт: Ауылдық округте агроөнеркәсіп кешенін және ауылшаруашылығын дамыту

• 
  инвестициялық жобаларды іске асыру арқылы мал шаруашылығын, мал өнімдерін өндіруді дамыту
  
• 
  казіргі уақыттағы ауыл шаруашылық және алдағы уакытта салынатын мал өнімдерін өндейтін шаруашылықтарға жан жақты көмек көрсету
  
• 
  Жана технологиялармен заман талабына сай қондырғылар, жоғары өнімді техникалармен жабдықтау.
  
• 
  малдәрігерлік жұмыстарды және мал ауруларының алдын алу жұмыстарын жандандыру
  

• 
  Мал өнімдерін өндіру
  
• 
  Ауыл шаруашылық техникаларын жаңарту
  

Міндеттер:

• 
  Кәсіпкерлерді және орта бизнесті колдау
  
• 
  қызмет көрсетудің түрлерін жетілдіру: техникалық көмек көрсету орталықтары, сауда орындары
  
• 
  шағын бизнес өнімдерін өндіруге ықпал ету
  
• 
  жанадан және бұрынғы кәсіпкерлерді окыту
  

• 
  Кызмет алатын адамдардың артуы
  
• 
  Кіші және орта бизнестін дамуы және оған тартылатын адамдардың санынын артуы
  

Ауылдың әлеуметтік жағдайына жасалған сараптама бойынша, негізгі проблемалар ауылдық жердегі халықтың тұрмыстық жағдайы, халықтың қалаға көшуі, спорт және мәдениет саласындағы материалдық-техникалық базаның төменгі дәрежеде болуы, мамандардың жетіспеуі.

Бұл ретте әлеуметтік саланы жетілдіру үшін халықтың тұрмыстық жағдайын жақсартуға көңіл бөлу және жастарды ауылға тұрақтандыру қажет.

Білім саласында аса үлкен проблемалар жоқ болсада, білім стандарттарына сай білім сапасын, материалдық-техникалық базасын дамыта отырып кажетті жобаларды қолдау арқылы жас мамандарды тарту қажет.

Денсаулық сақтау саласы бойынша- материалдық - техникалық базасын жақсарту, осы саланы қаржыландыру жөнінде жобаларды мемлекет тарапынан және ауылдық округтің өз қолда бар құралдарымен / средств/ қолдау керек.

Мәдениет, спорт саласы бойынша материалдық-техникалық базасын жақсартуға мемлекеттік қолдаумен қатар меценаттардың көмегін қалыптастыру қажет.

Ауылдағы жастарды, әйел адамдарды, зейнеткерлерді әлеуметтік жағынан қолдау.
Мақсатты бағыттар 1.Ауылдық мектептегі білім берудің қолжетімдігі мен сапасын көтеру.
Міндеттер:

• 
  Білім саласын заман талабына сай жандандыру
  
• 
  Білім саласының материалдық- техникалық базасын нығайту
  
• 
  Мамандар жетіспеушілігінің алдын алу
  
• 
  Білім сапасын көтеру
  

• 
  Білім сапасын көтеру арқылы жоғары сапалы білімді оқушыларды дайындап шығару
  
• 
  Білім беру сапасын жақсарту
  
• 
  «Дипломмен ауылға» бағдарламасы арқылы жас мамандарды ауылға тарту, тұрғын үймен қамтамасыз ету.
  

• 
  Халыққа сапалы медициналық көмек көрсету
  
• 
  Салауатты өмір салтын қалыптастыру
  
• 
  Сыртқы қауіптерден қорғау
  
• 
  Дәрігер мамандардың білім сапасын көтеру
  
• 
  Халықты дәрі дәрмекпен қамтамасыз етуді ұйымдастыру
  
• 
  Профилактикалық жұмыстар жүргізу
  
• 
  Міндетті медициналық сақтандыруды ұйымдастыру жұмыстары
  

• 
  Дәрігерлік амбулатория білікті мамандармен қамтылған;
  
• 
  Жедел жәрдем қызметі ауыл тұрғындарына қолжетімділігі;
  

Қолда бар мүмкіндіктерді қолдану арқылы:

• 
  Ауыл халқының демалыс уақытын тиімді пайдалануға жағдайлар жасау;
  
• 
  Кітапхана жұмысын жандандыру;
  
• 
  Ауыл халқының денешынықтыру және спортпен айналысуына жағдай жасау;
  
• 
  Жастармен жұмыс жасаудың әдістерін жандандыру;
  

• 
  Кітапханадағы кітап қорын көбейту, оқырмандарды тарту;
  
• 
  Мәдени іс шараларға ауыл тұрғындарын көптеп тарту;
  

• 
  Жұмыспен қамтуды, әлеуметтік көмектің және әлеуметтік қызметтер көрсетудің сапасын арттыру.
  

• 
  Жұмыссыздық деңгейі төмендейді;
  
• 
  Әлеуметтік қызметтер көрсетіледі;
  

Ауыл халқының өмір сүру сапасын жаксарту және коомерциялық бағытын іске асыру.

3 стратегиялық мақсатты дамыту ауылдық округ халқының сапалы ауыз сумен яғни, су құбыры жұмыстарының жаксы жағдайда болуына және тұрғын үйлерге су құбырын тартуда, ауылдың ішкі жолдарының жөнделуіне, ауылды абаттандыру, көркейту, елді мекен халқының тұрмыстық жағдайларының дұрысталуына байланысты. Бұл жұмыстар кәсіпкерлер, қожалық басшылары жергілікті басқарушы органдардың, халықтың белсенді топтарының қатысуымен орындалады.

Әкімшілік өз тарапынан және мемлекеттік қолдаулар арқылы көмектер жасайтын болады. Бұл бағытта ауылды жарықтандыру, су құбырынын жұмысын реттеу, жоғары жылдамдықтағы интернет желісін орнату, жол көлік қатынасын дұрыстау мәселесі тұр.

• 
  Су құбырлар жүйесіне жөндеу жұмыстарын жүргізу
  
• 
  Ауыз суды үнемдеу мақсатында ауыл тұрғындарына су жүйесі құбырын үйге кіргізу жөнінде жұмыстар жүргізу.
  

• 
  Ауылдық округте таза ауыз сумен қамтамасыз ету;
  
• 
  Жеке тұрғын үйлерге су жүйесі құбырын тарту;
  

• 
  Ауылдық округтің тұрмыстық қатты қалдықтарын жинату
  
• 
  Қатты қалдықтар полигонын қоршау
  
• 
  Ауыл халқына тұрмыстық жағдайларын жақсарту, тұрғын үй жайларын күтіп ұстау, ремонттар жасауын міндеттеу
  
• 
  Көшелерге көше аттарын, үй,пәтер номерлерін жаңалап жазуды ұйымдастыру
  
• 
  Ауыл аумағын көгалдандыру
  
• 
  Ауылдың жарықтанбаған көшелерін жарықтандыру
  
• 
  Тазалық айларын ұйымдастырып, сенбіліктер өткізіп отыру
  
• 
  3 мақсатты бағыттарға қол жеткізу көрсеткіштері:
  
• 
  Жарықтандырылған көшелердің мөлшері
  
• 
  Көгалдандырылған көшелер саны
  
• 
  Елді мекеннің экологиялық жағдайын жақсарту
  
• 
  Ауыл тұрғындарының көше тазалау жұмыстарына атсалысуы,
  

• 
  Ауылдық округтің ішкі жолдарын жөндеу
  

• 
  Жергілікті жердегі автожолдардың сапасын жақсарту
  
• 
  Жолаушылардың жол қатынасы кезінде жолдың сапасын көтеру арқылы қауіпсіздігін нығайту
  

• 
  Ауыл халқының арасында экологияны сақтау, энергия көздерін, суды пайдалануды үнемдеу туралы жұмыстар жүргізу
  

• 
  Қатты қалдықтар мөлшерін азайту.