Шымкент көлік, коммуникация

Кітапхана ҚР мерекелері, белгілі қоғам қайраткерлері, ақын-жазушылар мерейлеріне арнап ақпарат беріп, іс-шаралар өткізіді . Оқу залында оқу-тәрбие процессіне арналған «Қазақстан-менің Отаным» атты үлкен кітапханалық көрме ұйымдастырылған. Көрмеде Ата заң, ҚР-ның рәміздері, Елбасының Жолдаулары, «Қазақ Елі –Мәңгілік», 1 желтоқсан ҚР Тұңғыш Президенті күні, Ел ертеңі бүгіннен басталады, Астананың өркендеуі-Қазақстанның өркендеуі, «Жалпыға Ортақ Еңбек Қоғамына қарай 20 қадам», «Назарбаев Университетінде» оқыған лекциясы, Ана тілі, Мәдени мұра-ұлттық қазына, «Білім қуған озар», «Еңбек етсең ерінбей»,» « Қазақстан құқығы- білу міндет», «Имандылық», «Отбасы- Отанның отауы», «Отанның қасиетті ұлдары», « Оңтүстік туған- өлкем», « Қоршаған ортаны аялайық», «Салауатты өмір-салтымыз», «Қазақстан-2050» Стратегиясы – қалыптасқан мемлекеттің жаңа саяси бағыты », «Адам-Жол-Көлік», «Экология және қоғам», «Салауатты Қазақстан» - деген айдарлар бар. Кітапханалық көрме Елбасының Жолдауларынан, лекцияларынан, даналардың, белгілі ақын-жазушылардың қанатты сөздерімен безендірілген. «Қазақстан жолы – 2050: бір мақсат, бір мүдде, бір болашақ» (17.01.14) және «Нұрлы жол – болашаққа бастар жол» (12.11.2014ж) атты ҚР-сы Президенті Н.Ә. Назарбаевтың Қазақстан халқына Жолдауларына арналған кітапханалық көрме, тақырыптық топтамалар жинағы, Жолдаудан алынған маңызды үзінділер жинағы бар. Осы шаралар мұғалімдер мен оқушыларға оқу-тәрбие процесінде көмекші құрал болуға бағытталған. Қазақстан Мұсылмандары діни басқармасы 2014 жылды «Дін мен дәстүр» жылы деп жариялады, соған орай кітапханада кітапханалық көрме, тақырыптық топтамалар жинағы ұйымдастырылған.

Кітапхана оқушыларды кітап оқуға, кітаппен жұмыс істеуге тәрбиелеу мақсатында жоспарлы шаралар ұйымдастырылып, өткізді. Жоспар бойынша кітапханалық көрмелер, библиографиялық шолулар, оқырман конференциялары, кездесулер, ПЦК-лар апталығына арналған оқу-әдістемелік көрмелер ұйымдастырылды. ПЦК-ларға арналған оқу-әдістемелік әдебиеттермен қамтамасыз ету картасы жүргізілді және кафедра төрағаларына тапсырылды.

Колледж директоры Г.Ү.Искакованың бастамасымен «Кітапхана күні» атты іс-шара белгіленіп, 1-3 курстар арасына енгізілді және тілдер ПЦК айына бір рет әдебиет пәнін оқу залында өткізу жүктелді.

Мақсаты: студенттерді кітап оқуға тәрбиелеу, кітапхана қорын оқу-тәрбие процесіне тиімді пайдалануға бағыттау, кітапхананың белсенділігін арттыру, сонымен қатар жалпы оқушылырдың білімділігін, тәрбиесін көтеру.

«Кітапхана күнін» ұйымдастырып, жүргізу тәртібі белгіленіп, жоспары жасалынып директордың оқу ісі жөніндегі орынбасары М.А.Елекеев бекітті.

Кітапхана пайдаланушыларға анықтамалық-библиографиялық қызмет көрсетті, «брейн-ринг» ойындарын өткізді. Кітапхана дәстүрлі ретінде «Абайға оралу», М.Әуезов оқулары, ақпан айында М.Мақатаев оқулары, «Бір ел-бір кітап» акциясы, міндетті түрде 1 курс студенттерімен, жалпы оқырмандар үшін өлкеміздің белгілі жазушысы М.Байғұтпен кездесу өткізілді. Бұл шаралар патриоттық, кітап оқуды насихаттау, өлкетану тәрбиесіне бағытталған.

Директордың бұйрығымен кітапхана жұмысының көкейтесті мәселелерін қарастыруда нақты көмек көрсету мақсатында кеңесші орган құқығымен кітапхана кеңесі құрылған, төрағасы директордың оқу ісі жөніндегі орынбасары М.А.Елекеев, мүшелері директордың тәрбие жөніндегі орынбасары,барлық ПЦК-төрағалары, әдіскер, бөлім меңгерушілері, белсенді, кітапқұмар оқушылар. Кеңес жұмыс жоспары бекітілген, мәжілісі оқу жылында 4 рет өткізілді.

Кітапхана жұмысын одан әрі жандандыру үшін төмендегідей ұсыныстар беріп отырмыз:

Колледж кітапханасы кафедра меңгерушілерімен келісе отырып келесі оқу жылына «Фолиант» баспасынан және «Академия-Медия» білім беру-баспа орталығынан шыққан кітаптарға тапсырыс дайындады. Тапсырыс саны жалпы білім беру пәндері бойынша 700 дана, ал арнайы пәндер бойынша 800 дана кітаптарды құрайды және жаңадан ашылғалы тұрған 1206000–«Жол қозғалысын ұйымдастыру» мамандығына байланысты жеткіліксіз кітаптарымызды, осы 2015-2016 оқу жылында колледж ақша бөліп тапсырысымызды алып берсе. Кітапханаға ғаламтор желісін қосып, құжаттар кітап сөрелерінде тұрғандықтан, құжаттарға арналған шкаф берілсе.

Колледж директоры Г.Ү. Искакова