Шудың адам денсаулығына зияны

Шудың адам денсаулығына зияны

• Шудың адам ағзасына тигізетін әсері өзге өндірістік факторлармен үйлеседі: қанағатсыз микроклимат, улы заттар, ультродыбыстар, әсіресе, вибрациямен үйлесіп отырып шудың зиянды әсері: көру және есту секілді қабілеттердің нашарлауына, қан қысымының көтерілуіне, жүйке жүйесіне, жүрек тамыр жүйесіне және т.б. жүйелерге кері әсер етеді. Шу зерттеулер бойынша, адамның жұмысқа деген қабілеттілігін 50% төмендеуіне және де өндірістік ақауларға алып келеді.
• Транспорттағы немесе кәсіп орындағы шу адамды шаршатады, басады, ойын жүйеге келтіруге бөгет жасайды, ашушаңдылықты жоғарытылады.
• Күшті шу деңгейлері орталық жүйке жүйесіне жарақаттық әсер етуі мүмкін және естен тану жағдайларын, эпилепсиялық ұстамаларды, психикалық бұзылыстарды шақыруы мүмкін.
• Қарқынды шу жағдайларында ұзақ уақыт жұмыс істейтін адамдарда тітіркендіргіштік, жылауықтық, ұйқысының бұзылулары (жиі үзікті ұйқы, ұйқысыздық, сирек ұйқысының келуі), жоғары шаршағыштық, жүрек айсағындағы ауырсыну, басының айналуы( денесін басқа жағдайға ауыстырған кезде көзінің қарауытуы), есте сақтау қабілетінің төмендеуі, тершеңдік байқалады. Ер адамдарға қарағанда әйелдер шуға бейім болып келеді.
• Шумен байланысты еңбек процесі кезінде, адам денесі мәжбүрлі қалыпта болатынын, белгілі бір бұлшық еттер тобының кернелікте болуын, нервтік-эмоционалдық кернеулікті және осыған қоса дірілдің, шаңның, улы заттардың, қолайсыз метеорологиялық жағдайлардың әсерін ұмытпау керек. Бұның барлығы аурудың клиникасын қиындататын факторларға жатады.