Студенттер мен жас ғалымдардың «фараби әлемі» атты халықаралық ғылыми конференциясы
ПОЛИЭТИЛЕНТЕРЕФТАЛАТ ТАЛШЫҒЫМЕН МҰНАЙ
жүктеу/скачать 2,6 Mb. Pdf көрінісі
|
Сборник конф Фараби Әлемі 2023 химфак-печать
| ПОЛИЭТИЛЕНТЕРЕФТАЛАТ ТАЛШЫҒЫМЕН МҰНАЙ
ӨНІМДЕРІНІҢ СОРБЦИЯСЫН Мәнсүр А.Ж. Ғылыми жетекшісі: х.ғ.д., проф. Курманалиев М.К. Алматы Технологиялық Университеті , mansur.azhargul@bk.ru Синтетикалық талшықты сорбциялық материалдарды пайдалану мұнай өнімдерін тиімді сіңіруге мүмкіндік береді, оларды өз көлемінде сақтайды, содан кейін регенерация және қайта пайдалану мүмкіндігі бар. Сондықтан мұнай өнімдерін талшықты сорбенттермен сорбциялау процестерін теориялық және эксперименттік зерттеу өзекті болып табылады. Жұмыстың мақсаты – талшықты полиэтилентерефталат талшығын қолдану арқылы мұнай-химия өнеркәсібінде мұнай төгілулерінің салдарын жою процесінің тиімділігін арттыру. Су беттерінен мұнай жинау кезінде сорбенттердің тиімділігін бағалау кезінде әдетте үш негізгі критерий басшылыққа алынды: мұнай сыйымдылығы - сорбент сіңірген мұнай массасының сорбент массасына қатынасы, ылғал сыйымдылығы - сорбент сіңірген су массасының сорбент массасына қатынасы және қалқымалылық -сорбенттің мұнаймен қаныққанға дейін және одан кейін су бетінде белгілі бір уақыт аралығында қалу қабілеті. Су бетінен мұнайды сорбциялау процесін зерттеу статикалық әдіспен жүргізілді. Жұмыста пайдаланылған мұнай өнімдері ретінде дизельдік отын және қозғалтқыш майы алынды. Осы мұнай өнімдерінен модельдік ерітінділер дайындалды. Сіңірілген мұнай концентрациясы массалық және оптикалық әдістермен анықталды. Ерітілген мұнай өнімдері үшін талшықты сорбенттердің дизельдік отын және қозғалтқыш майы бойынша максималды сыйымдылығы сәйкесінше 13,3 г/г және 12,1 г/г құрайды. Модельдік ерітіндідегі еріген мұнай өнімдерінің концентрациясы 0,034–0,036 моль/дм 3 (7,0–7,2 мг/дм 3 ). Оңтайлы рН мәндері мен сорбция уақытында ерітілген (дизельдік отын) және эмульсияланған (дизельдік отын және қозғалтқыш майы) мұнай өнімдерінің талшықты сорбенттердегі сорбция изотермалары өзгермелі салмақтар мен тұрақты концентрациялар әдісімен алынды. Сорбенттердің массасы 0,025-0,25 г. Алынған еріген мұнай өнімдерінің сорбциялық изотермалары, Гильс классификациясы бойынша, Лэнгмюр изотермаларына (L- тип) жатады. L класс изотермалары (Лэнгмюр класы) концентрация осіне қатысты бастапқы кесіндісінде ойыс болады, концентрация артқан сайын адсорбция қанығуға жетеді және плато түзілуіне әкеледі. Ленгмюр теңдеуін қолдана отырып сорбция процесінің екі маңызды параметрі анықталды. Сонымен ұсынылып отырған талшықты сорбент мұнай өнідерін сорбциялау қасиетінің жоғары екенін көрсетті және талшық қалдықтарын кәдеге асыру мүмкіндігі анықталды. «Фараби Әлемі» атты студенттер мен жас ғалымдардың халықаралық конференциясы 155 жүктеу/скачать 2,6 Mb. Достарыңызбен бөлісу:
|