Студенттер мен жас ғалымдардың «фараби әлемі» атты халықаралық ғылыми конференциясы
ЕРІТІНДІДЕГІ ЖАНУ ӘДІСІМЕН ДАЙЫНДАЛҒАН МАРГАНЕЦ НЕГІЗІНДЕГІ
жүктеу/скачать 2,6 Mb. Pdf көрінісі
|
Сборник конф Фараби Әлемі 2023 химфак-печать
| ЕРІТІНДІДЕГІ ЖАНУ ӘДІСІМЕН ДАЙЫНДАЛҒАН МАРГАНЕЦ НЕГІЗІНДЕГІ
КАТАЛИЗАТОРЛАРДА МЕТАННЫҢ СИНТЕЗ-ГАЗҒА ДЕЙІН ПАРЦИАЛДЫ ТОТЫҒУЫ Таласбаева Н.С. 1 , Байжуманова Т.С. 1,2 , Xanthopoulou G.G. 3 Ғылыми жетекші: х.ғ.к., қауымд. профессор Байжуманова Т.С. 1 Әл - Фараби атындағы Қазақ Ұлттық университеті 2 Д . В . Сокольский атындағы жанармай , катализ және электрохимия институты 3 Демокрит ұлттық зерттеу орталығының наноғылым мен нанотехнология институты , Афины , Греция naztalasbaeva@mail.ru Үздіксіз өндіру мен оны ең заманауи технологияларды пайдалана отырып өңдеудің арқасында әлемдік мұнай қоры күн сайын азайып келеді. Дүние жүзінің ғалымдары шикізаттың алуан түрін және мұнайдың орнын толтыратын табиғи газдың мол ресурстарын пайдаланудың жолдарын іздестіруде. Табиғи және ілеспе мұнай газдарын тиімді кәдеге жарату және оларды алауларда жағуды тоқтату мәселесі өзекті және шешілмеген экологиялық мәселелердің бірі болып табылады. Осыған байланысты мұнай-химия өнеркәсібі үшін балама шикізат көзі ретінде табиғи және ілеспе газдарға үлкен көңіл бөлінуде. Синтез-газ – кең таралған және экологиялық таза отындардың бірі. Қазіргі уақытта метаннан синтез-газды өндірудің негізгі үш әдісі белгілі, олар: метанның булы конверсиясы (МБК), метанның парциалды тотығуы (МПТ) және метанның көмірқышқылды конверсиясы (МКК). МПТ-ның басты артықшылығының бірі синтез-газды H 2 : CO = 2 : 1 қатынасында алу, себебі бұл жағдайда алынған өнімдер Фишер-Тропш синтезіне және метанол мен синтетикалық отын өндірісінде кеңінен қолданылады. Марганец негізіндегі әртүрлі катализаторлар дайындалды. Ерітіндіде жану әдісі бойынша 600 - 900ºС температура аралығында газдардың келесі қоспасы CH 4 : O 2 : Ar = (2 : 1 : 3) және 1500– 6500 сағ -1 көлемдік жылдамдық аралығында катализаторлардың белсенділігі зерттелді. Осы жұмыста МПТ әдісімен метаннан синтез-газ алу үшін ерітіндіде жану әдісімен ең белсенді Co - Mn - Mg- Al / карбамид катализаторы анықталды. Дайындалған катализаторлар 900°C-та, W = 4500 сағ -1 көлемдік жылдамдықта CH 4 конверсиясы 60,5%, мақсатты өнімдердің жоғары селективтілігі H 2 - 94,4% және СО - 85,1% қол жеткізуге мүмкіндік берді. Дайындалған катализаторлардың қасиеттері СЭМ, РФТ және БЭТ әдістерімен зерттелді. Жүргізілген физика-химиялық зерттеулердің нәтижесінде жай және күрделі құрамды оксидтердің, металл алюминаттарының және шпинель түріндегі құрылымның болатындығы зерттелді. Бұл қосылыстар метанның тотығу конверсиясы үрдісінде катализаторлардың белсенді жұмыс жасауына әсер ететіні анықталды. жүктеу/скачать 2,6 Mb. Достарыңызбен бөлісу:
|