Түркістан облысы Сарыағаш ауданы №7 Төле би атындағы жалпы орта мектебінің тарих пәні мұғалімі Жасузакова Ажар Сайлауовна
Тақырып: Білім беру жүйесінде өскелең ұрпаққа патриоттық тәрбие берудің маңыздылығы «Ұлттық рухсыз ұлт тәуелсіздігінің
болуы мүмкін емес»
Мұстафа Шоқай
Тәрбие мен білім саласының ең негізгі міндеттерінің бірі - ұрпаққа патриоттық тәрбие беру. Елбасымыз Нұрсұлтан Назарбаев: «Еркін елде өскен ұрпақтың рухы әрдайым биік болуы тиіс. Жастары жалын жүректі, өршіл намысты, биік рухты болса , ол елдің еңсесі де биік..», деп патриоттық тәрбиенің қаншалықты маңызға ие екендігін атап өтті . Қай заманда болсын намысқой, ұлтжанды тұлғалар елдің болашағын айқындауға атсалысқан . Қазақ халқының қанында бар тектілік, намысқойлық пен ұлтжандылық өз дәуірлерінде жау талай батырлардың жауырынын жерге тигізіп, басқа елдерді мойындатқан . «Орағың өткір болса,қарың талмайды,Отаның берік болса, жауың алмайды»,- деп халық даналығы айтқандай, еліміздің еркіндігін, тұтастығын елім деп еңіреген азаматтар сақтап қалған. Жауларының сағын сындырып , саны жағынан аз халық болғандығына қарамастан, көлемі бойынша әлемде тоғызыншы орынды иеленіп тұрған жерімізді қорғап алған. Ал бүгінгі жаһандану заманында патриоттық тәрбиенің маңызы одан сайын артып отыр десем қателеспеймін. Еліміздің керегесі берік , еңсесі биік, болашағы айқын болғанын қаласақ, ұлтжанды ұрпақ пен нағыз патриоттарды тәрбиелеуіміз керек . «Ешкім іштен батыр болып тумайды: батырлық та, мінез секілді өскен орта, көрген тәрбиеге байланысты қалыптасады » , -деген Бауыржан Момышұлы - «Патриотизм дегеніміз – әке-шешеңді құрметтей білуің, ауыл-аймағыңды ардақтай білуің, өз ұлтыңды сүюің, ана тіліңді ардақтауың, өз халқыңның өткен жолы мен тарихын құрметтеп, оған тіл тигізбеуің мен өз Отаныңды жаудан қорғауың
