Пән бойынша оқыту бағдарламасы – SYLLABUS Оқытушы туралы мәлімет

Оқу тоқсаны 15 оқу аптасынан және 2 сынақ аптасынан тұрады.

Аптасына 3 кредит-сағат жоспарланады, оның әрбір кредит-сағат бір байланыс сағатынан ( дәріс, практика) және оқытушының басқарумен жүретін студенттердің өзіндік жұмысынан (ОЖСӨЖ, СӨЖ)

Сабақтар	Өткізілу уақыты	Сабақтар	Өткізілу уақыты	Сабақтар	Өткізілу уақыты	Сабақтар	Өткізілу уақыты
Байланыс сағаты 1 (дәріс 1)	50 мин.	Практикалық сабақ 1 сағат	50 мин.	ОЖСӨЖ 1 сағат	50 мин.	СӨЖ 1 сағат	50+50 мин.

Оқу жоспарынан көшірме:

Курс	Семестр	Кредит саны	Дәрістер	Семинарлар	ОЖСӨЖ	СӨЖ	Барлығы	Бақылау түрі
2	3	3	30	15	45	45	135	емтихан

Кіріспе.
«Құжаттану» курсы – негізгі оқу курстарының бірі. Жаңа ғасыр ақпарат, ақпараттық индустрия ғасыры. Жаңа кезеңде экономиканың, мәдениеттің және қоғамның дамуына байланысты баспасөз бен басқада бұқаралық ақпарат құралдарының қоғамдағы ролі өсуде. Кітап – қоғамның ең басты ақпарат қоры. Осыған байланысты кітап туралы құрылымның методикалық, теориялық, тарихи мәселелерін зерттеу, білу үлкен маңызға ие болуда.

Кітаптану, кітапханатану, библиографиятану, информатика пәндерінің негізінде барлық қол жеткізген құндылықтарды қамтитын құжаттану. «Құжаттану» студентті басқа арнаулы пәндердің мазмұнын түсінуге көмектеседі, негізгі курстар «Құжатты аналитикалық – синтетикалық өңдеу», «Кітапханалық қор», «Құжаттық ресурстар».

Курстың негізгі міндеті – студенттерге құжаттық коммуникация негізін құрайтын құжаттардың міндеті, құрылымы, қасиеттері туралы түсінік беру. Сонымен қатар, студенттерді құжаттарды құрастыруға, өңдеуге, сақтау үрдісімен таныстыру.

Курстың зерттеу объектісі – кеңістіктегі арнайы сақталған ақпаратты жеткізудегі құжаттар болып табылады.