Теориялық механика

ТЕОРИЯЛЫҚ МЕХАНИКА
көлемі 3 кредит (135 сағат)
Авторлары:
физика-математика ғылымдарының кандидаты, доцент Елгондина М.Б.
физика-математика ғылымдарының кандидаты, доцент Рақышева З.Б.
физика-математика ғылымдарының кандидаты, доцент Садықова Ә.Т.
Пікір жазғандар:
физика-математика ғылымдарының докторы, профессор Уалиев Ғ.У.,
техника ғылымдарының кандидаты, Доцент Қыдырбекұлы А.Б.
АЛҒЫ СӨЗ
Заттар қозғалыстарын зерттейтін ғылымдар жаратылыстану деп
аталатыны белгілі десек, теориялық механиканы жаратылыстану
ғылымдарының саласына жатқызуға болады. Өйткені, ол механикалық
қозғалыстың ең жалпы заңдылықтарын зерттеп, анықтайды.
Бұл пәннің негізгі міндеті студенттерге табиғат заңын, табиғаттағы
және техникадағы құбылыстардың математикалық моделдерді құруды,
табылған шешімдерді анализдік талдауды, келешек мамандық иелерін
ғылыми ой қабілетін өрістетіп, ерікті дағдыларын дамытуға үйретеді.
Бұл пәнді оқып үйрену үшін алдында өткен математикалық анализ,
дифференциалдық теңдеулер, жоғарғы алгебра, аналитикалық және
дифференциалдық геометрия пәндерін білу керек. 
Теориялық механика көптеген шектес пәндермен тығыз байланысты.
Атап айтқанда математика, тұтас орта механикасы, кванттық механика,
салыстырмалық теориясы, машиналар мен механизмдер теориясы. Қазіргі
математикалық әдістерді пайдаланып, механиканың есебін шешуде және
математикалық есептердің мағынасын, қолдануын түсіндіруде механика
таусылмайтын көзі болады, машиналар мен механизмдер теориясы,
теориялық механиканы жетістіктерін өз есептерін шешуге пайдаланылады.
Теориялық механиканың бұл бағдарламасында негізгі бөлімдер мен
бағыттар көрсетілген.