1994 ж. 29 наурызда Н.Назарбаев Ресейге жасалған алғашқы сапарында Мәскеу мемлекеттік университеттерінің профессор-оқытушыларымен келісуінде ТМД қатысушы елдердің жаңа бірлестігі ретінде Еуразия одағын (ЕАО) құруды ұсынды. Бұл құжатта жаңа құрылым тәуелсіз мемлекеттердің тең құқықты одағы екендігі айтылды, оның қызметі әрбір қатысушы елдің ұлттық-мемлекеттік мүдделерін жүзеге асыруға бағытталды. Азияға өзара қарым-қатынас және сенім шаралары жөніндегі Кеңес (СВМДА) ұйымына 16 Азиялық мемлекет мүше болды: Қазақстан, Әзірбайжан, Ауғанстан, Египет, Үндістан, Иран, Израиль, Қытай, Қырғызстан, Монғолия, Палестина, Пәкстан, Ресей, Тәжікстан, Түркия және Өзбекстан. Процесте байқаушы ретінде АҚШ, Австралия, Таиланд, Индонезия, Вьетнам, Лтван, Жапония, Оңтүстік Корея, Малайзия және Украина, сондай-ақ төрт халықаралық ұйым – БҰҰ, Еуропалық өзара біріккен көмек кеңесі (ОБСЕ), Араб мемлекеттерінің лигасы және Қазақстанның, Қырғызстанның, Тәжікстан мен Өзбекстанның Мемлекетаралық кеңесі қатысады.
1994ж. 29 наурызда Н.Назарбаев Ресейге барған сапарында 23 құжатқа қол қойды: “Байқоңыр” ғарыш айлағын пайдаланудың негізгі принциптері мен шарттары туралы Келісім, Қазақстан мен Ресей азаматтарының азаматтығы мен құқықтық мәртебесіне қатысты мәселелерді шешудің негізгі принциптері туралы Меморандум, Қазақстанға тұрақты тұру үшін келген Ресей азаматтарына және Ресейге тұрақты тұру үшін барған Қазақстан азаматтарына азаматтық берудің ықшамдалған тәртібі туралы Келісім, Еркін сауда режимін енгізу туралы Хаттама. 2000ж. Н.Назарбаев Ресейге сапармен барса, қазан айында В.Путин қазақстанға келді. Осы сапарларында екі жақты келісімге келді.
9 бет
Қазақстан еуропалық мемлекеттермен байланысты жүйелі жолға қойды. 1993ж. 16-17 қыркүйекте Француз республикасының Президенті Француа Миттеран Қазақстан Республикасына ресми сапармен келді. Онда екі елдің арасындағы мәдениет пен өнер саласында, екі үкіметтің әуе қатынасы туралы декларациясына, екі елдің сыртқы істер министрліктерінің арсындағы ынтымақтастыққа қол қойылды.
1994 ж. 20-23 наурызда Қазақстан Республикасы президентінің Ұлыбританияға ресми сапарында Қазақстан Республикасы мен Біріккен Корольдік үкіметтері арасында көптеген құжаттарға қол қойылды.
Қазақстандық дипломатия азиялық бағытта айтарлықтай нәтижелерге қол жеткізді. 1993ж. 22-26 мамырда Үндістанның премьер-министрі Наросимха Рао Қазақстанға ресми сапармен келді.
ҚР мен Қытай Халық Республикасы арасындағы ресми дипломатиялық қатынас 1992 жылдың 3 қаңтарынан орнығып, екі ел арасындағы достық және ынтымақтастық қарым-қатынас жыл санап беки түсті. Алайда екі елдің арасында шешімі қиын шекара мәселесі тұрды. 1994 жылы сәуірде Қытай үкіметі төрағасының Қазақстанға сапары кезінде Н. Назарбаев пен ЛИ ПЭН қазақ-қытай шекаарсы жөніндегі келісімге қол қойды. ҚР мен ҚХР арасындағы келіссөздердің нәтижесінде Қаазқстан-Қытай шекарасы өтетін сызығы нақты анықталған және мазмұндалған 5 халықаралық келісмшарт жасалды. 1998 жылы 4 шілде де Қазақстан-Қытай шекарасы жөнінде ұзаққа созылған келіссөздер аяқталды.
1995ж. 11-13 қыркүйекте Н.Назарбаев Қытай Халық Республикасына сапарға барды. Онда Қазақстан мен Қытай Халық Республикасы арасындағы қарым-қатынастарға қол қойылды. Сонымен Қазақстан сыртқы саясатында өзінің ұлттық-мемлекеттік мүдделерін қорғай білді.
