Алдияр Даниярұлы : «Негізі, жалқау адаммын. Бір кітап
оқып бастасам, созып алатыным бар. Осы кітапты да 16 күн
ішінде оқыдым. Бірақ көп көмегі болды. Мысалы, ағылшын
курсына бара алмай жүргенмін. Осы кітапты оқи отыра құдды
артта қалғандай сезіндім. Бақытжан ағаны Сұлтанмахмұтқа
ұқсастырдым, өйткені өз өлеңінде: «Қараңғы қазақ көгіне
өрмелеп шығып Күн болам» дейді. Сондықтан Бақытжан
ағамның істеген істері, халқына деген жанашырлығына қарап
айтқаным».
Перизат Мырзахмет : «Бақытжан мырза шағын ғана
кітап арқылы біраз мәселені қамтыған. Түйер ми болса, кітапты
не үшін жақсы көруге, қалай жақсы көруге және сол арқылы
айналаңа өзгеріс әкелуге жөн сілтейді. Жалаң сөз емес, сан
қилы авторлардың ойларымен негізделіп отырған. Өзінің
тәжірибесі мен қателіктерінен қорытынды шығарған. «Ішкі
сүзгі» туралы ойлары қатты ойлантты. Жеке өз басымды тек
оқуға ғана емес, көрген-түйгенімді батыл жазуға ынталандыр-
ды. Автор «адамзатпен бөлісе алатындай ең үлкен жетістігім»
деген тізімді өзіме үлгі ретінде алдым. Іске асырып, нәтижесін
күтуге тұратын дүние екен».
