Петр сарайы (1714-1725, 1745-1755 ж.) Сәулетшілері: И. Браунштейн, Ж.-Б. Леблон, Н. Микетти, Б. Растрелли 1713 жылы Петр І сарай субұрқақтарын ашты. Олар табиғи биік
құламаға орнатылған осының есебінен 19 метрге дейін биіктікте
субұрқақтар қысымы қамтамасыз етіледі. Ғасыр басында Петр
сарайының көлдерінен субұрқаққа өтетін қыш құбырлар қойылады.
1716 жылдан бастап Растреллилер субұрқаққа мүсіндер орнату
жұмысымен көп айналысты. Әр субұрқақ – алтын жалатылған қола
фигуралар болып саналатын өнер туындысы.
1745 жылы Растрелли Петр дәуірінің құрылысын енгізе оты-
рып, оның биіктігі мен ұзындығын ұлғайтып, сарайды қайта құрды.
Ол сарайға төменгі террасаларда орналасқан аспалы бақтар жалғай
салып, оның бір жағын шіркеумен, екінші жағын павильонмен
аяқтайды. Жаңа имарат үш бөліктен – ортаңғы корпус пен бүйір
жақ қосалқы үйден, оған қосылған бір қабатты галереядан тұрады.
Осылайша, сарай бүкіл саябақ ансамблінің орталығына айналады.
Есіктің ортада емес, павильон жақта орналастырылуы сарайға тән
белгі болып табылады. Сарай ұзындығы 300 м-ге жетеді.
В. В. Растреллидің ең атақты сарай имараттарының бірі - Қысқы
сарай жобасы.
