Узуридаги олий аттестация комиссияси раёсатининг

ҚОИДАЛАРИ
(илова номи Ўзбекистон Республикаси Вазирлар Маҳкамаси ҳузуридаги Олий аттестация комиссияси раёсатининг 2017 йил 31 майдаги 239/8-сонли (рўйхат рақами 2665-1, 23.06.2017 й.) қарори таҳририда — ЎР ҚҲТ, 2017 й., 25-сон, 573-модда)
Олдинги таҳрирга қаранг.
Мазкур Қоидалар Ўзбекистон Республикаси Президентининг 2017 йил 16 февралдаги ПФ-4958-сон «Олий ўқув юртидан кейинги таълим тизимини янада такомиллаштириш тўғрисида»ги Фармони ҳамда Ўзбекистон Республикаси Вазирлар Маҳкамасининг 2012 йил 28 декабрдаги 365-сон «Олий таълимдан кейинги таълим ҳамда олий малакали илмий ва илмий-педагог кадрларни аттестациядан ўтказиш тизимини такомиллаштириш чора-тадбирлари тўғрисида»ги ва 2017 йил 22 майдаги 304-сон «Олий таълимдан кейинги таълим тизимини янада такомиллаштириш чора-тадбирлари тўғрисида»ги қарорларига мувофиқ фалсафа доктори (Doctor of Philosophy) ҳамда фан доктори (Doctor of Sciences) диссертацияси (бундан буён матнда диссертация деб юритилади) ва диссертация авторефератини расмийлаштириш қоидаларини белгилайди.
(муқаддима Ўзбекистон Республикаси Вазирлар Маҳкамаси ҳузуридаги Олий аттестация комиссияси Раёсатининг 2021 йил 31 мартдаги 295/13-сонли қарори (рўйхат рақами 2665-2, 09.04.2021 й.) таҳририда — Қонун ҳужжатлари маълумотлари миллий базаси, 09.04.2021 й., 10/21/2665-2/0310-сон)
1-боб. Умумий қоидалар
Олдинги таҳрирга қаранг.
1. Диссертацияни расмийлаштиришда қуйидаги умумий талабларга риоя қилиниши лозим:
(1-банднинг биринчи хатбошиси Ўзбекистон Республикаси Вазирлар Маҳкамаси ҳузуридаги Олий аттестация комиссияси раёсатининг 2017 йил 31 майдаги 239/8-сонли (рўйхат рақами 2665-1, 23.06.2017 й.) қарори таҳририда — ЎР ҚҲТ, 2017 й., 25-сон, 573-модда)
матн таҳририй жиҳатдан равон, хатосиз ва уни расмийлаштиришга қўйиладиган талабларга мувофиқ ҳамда мантиқий боғлиқликда бўлиши;
диссертациянинг таркибий қисмлари бир-бири билан ўзаро боғлиқлик ва алоқадорликда ҳамда тушунарли равишда мантиқий изчилликда ёритилиши;
ҳар бир бобда ишнинг мазмун-моҳияти тадқиқотнинг мақсади ва вазифаларидан келиб чиққан ҳолда тизимли равишда очиб берилиши;
ҳар бир бобнинг охирида тадқиқ қилинган муаммолар бўйича хулоса ва таклифлар берилиши;
Олдинги таҳрирга қаранг.
баён қилинган хулоса диссертация тадқиқотининг мантиқий ҳосиласи сифатида ишончли манбалар асосида аниқ ва қисқа ифодаланиши, чуқур фикр-мулоҳазалар, етарли илмий далиллар асосида исботланган бўлиши.
(1-банднинг олтинчи хатбошиси Ўзбекистон Республикаси Вазирлар Маҳкамаси ҳузуридаги Олий аттестация комиссияси раёсатининг 2017 йил 31 майдаги 239/8-сонли (рўйхат рақами 2665-1, 23.06.2017 й.) қарори таҳририда — ЎР ҚҲТ, 2017 й., 25-сон, 573-модда)
Олдинги таҳрирга қаранг.
2. Диссертацияни авторефератида тадқиқотнинг мақсади ва вазифаларидан келиб чиққан ҳолда ишнинг илмий янгилиги, амалий ва илмий натижаларининг амалиётга жорий этилганлиги ҳамда ишнинг моҳияти очиб берилганлиги, шунингдек хулосалари баён этилиши лозим.
(2-банд Ўзбекистон Республикаси Вазирлар Маҳкамаси ҳузуридаги Олий аттестация комиссияси раёсатининг 2017 йил 31 майдаги 239/8-сонли (рўйхат рақами 2665-1, 23.06.2017 й.) қарори таҳририда — ЎР ҚҲТ, 2017 й., 25-сон, 573-модда)
Олдинги таҳрирга қаранг.
2-боб. Диссертацияни расмийлаштириш
(2-боб номи Ўзбекистон Республикаси Вазирлар Маҳкамаси ҳузуридаги Олий аттестация комиссияси раёсатининг 2017 йил 31 майдаги 239/8-сонли (рўйхат рақами 2665-1, 23.06.2017 й.) қарори таҳририда — ЎР ҚҲТ, 2017 й., 25-сон, 573-модда)
Олдинги таҳрирга қаранг.
1-§. Диссертацияга қўйиладиган талаблар
(биринчи параграф Ўзбекистон Республикаси Вазирлар Маҳкамаси ҳузуридаги Олий аттестация комиссияси раёсатининг 2017 йил 31 майдаги 239/8-сонли (рўйхат рақами 2665-1, 23.06.2017 й.) қарори таҳририда — ЎР ҚҲТ, 2017 й., 25-сон, 573-модда)
Олдинги таҳрирга қаранг.
3. Диссертацияни расмийлаштириш докторант ёки мустақил изланувчининг хоҳишига кўра ўзбек, рус, қорақалпоқ ва инглиз тилларида ёхуд Ўзбекистон Республикаси Вазирлар Маҳкамаси ҳузуридаги Олий аттестация комиссияси билан келишган ҳолда бошқа тилда амалга оширилади.
(3-банд Ўзбекистон Республикаси Вазирлар Маҳкамаси ҳузуридаги Олий аттестация комиссияси раёсатининг 2017 йил 31 майдаги 239/8-сонли (рўйхат рақами 2665-1, 23.06.2017 й.) қарори таҳририда — ЎР ҚҲТ, 2017 й., 25-сон, 573-модда)
Олдинги таҳрирга қаранг.
4. Диссертациянинг титул варағи мазкур Қоидаларнинг 1 ва 1а-иловаларига мувофиқ шаклда расмийлаштирилади.
(4-банд Ўзбекистон Республикаси Вазирлар Маҳкамаси ҳузуридаги Олий аттестация комиссияси раёсатининг 2017 йил 31 майдаги 239/8-сонли (рўйхат рақами 2665-1, 23.06.2017 й.) қарори таҳририда — ЎР ҚҲТ, 2017 й., 25-сон, 573-модда)
5. Диссертация қуйидаги таркибий қисмлардан иборат бўлиши лозим:
мундарижа;
Олдинги таҳрирга қаранг.
кириш (диссертация аннотацияси);
(5-банднинг учинчи хатбошиси Ўзбекистон Республикаси Вазирлар Маҳкамаси ҳузуридаги Олий аттестация комиссияси раёсатининг 2017 йил 31 майдаги 239/8-сонли (рўйхат рақами 2665-1, 23.06.2017 й.) қарори таҳририда — ЎР ҚҲТ, 2017 й., 25-сон, 573-модда)
асосий қисм;
хулоса;
фойдаланилган адабиётлар рўйхати;
шартли белгилар ва атамалар рўйхати (мавжуд бўлса);
иловалар (мавжуд бўлса).
6. Диссертациянинг мундарижасида боблар ва параграфларнинг номланиши ҳамда уларнинг бети кўрсатилади.
7. Диссертациянинг кириш қисми тадқиқотнинг моҳияти тўғрисида қисқа, лекин яхлит тасаввур ҳосил қилишга имкон бериши керак. Мазкур қисмда диссертация тадқиқоти моҳиятини тавсифлайдиган асосий маълумотлар пухта таҳрир қилинган, қисқа, аниқ ва равон бўлиши керак.
Олдинги таҳрирга қаранг.
8. Диссертациянинг кириш қисмида қуйидагилар ёритиб берилиши керак:
диссертация мавзусининг долзарблиги ва зарурати;
тадқиқотнинг республика фан ва технологиялари ривожланишининг устувор йўналишларига мослиги;
диссертация мавзуси бўйича хорижий илмий тадқиқотлар шарҳи (фақат фан доктори (Doctor of Science) диссертацияси учун);
муаммонинг ўрганилганлик даражаси;
Олдинги таҳрирга қаранг.
диссертация тадқиқотининг диссертация бажарилган илмий ташкилот ёки таълим муассасасининг илмий-тадқиқот ишлари режалари билан боғлиқлиги;
(8-банднинг олтинчи хатбошиси Ўзбекистон Республикаси Вазирлар Маҳкамаси ҳузуридаги Олий аттестация комиссияси Раёсатининг 2021 йил 31 мартдаги 295/13-сонли қарори (рўйхат рақами 2665-2, 09.04.2021 й.) таҳририда — Қонун ҳужжатлари маълумотлари миллий базаси, 09.04.2021 й., 10/21/2665-2/0310-сон)
тадқиқотнинг мақсади;
тадқиқотнинг вазифалари;
тадқиқотнинг объекти;
тадқиқотнинг предмети;
тадқиқотнинг усуллари;
тадқиқотнинг илмий янгилиги;
тадқиқотнинг амалий натижалари;
тадқиқот натижаларининг ишончлилиги;
тадқиқот натижаларининг илмий ва амалий аҳамияти;
тадқиқот натижаларининг жорий қилиниши;
тадқиқот натижаларининг апробацияси;
тадқиқот натижаларининг эълон қилинганлиги;
диссертациянинг тузилиши ва ҳажми.
(8-банд Ўзбекистон Республикаси Вазирлар Маҳкамаси ҳузуридаги Олий аттестация комиссияси раёсатининг 2017 йил 31 майдаги 239/8-сонли (рўйхат рақами 2665-1, 23.06.2017 й.) қарори таҳририда — ЎР ҚҲТ, 2017 й., 25-сон, 573-модда)
9. Диссертациянинг асосий қисмида ишнинг мазмун-моҳияти баён қилинади. Асосий қисм — боблар ва параграфлардан ташкил топади.
Олдинги таҳрирга қаранг.
10. Фалсафа доктори (Doctor of Philosophy) диссертациясининг асосий қисми камида учта бобдан, фан доктори (Doctor of Science) диссертациясининг асосий қисми эса, камида тўртта бобдан иборат бўлиши лозим.
(10-банд Ўзбекистон Республикаси Вазирлар Маҳкамаси ҳузуридаги Олий аттестация комиссияси раёсатининг 2017 йил 31 майдаги 239/8-сонли (рўйхат рақами 2665-1, 23.06.2017 й.) қарори таҳририда — ЎР ҚҲТ, 2017 й., 25-сон, 573-модда)
11. Диссертация хулосасида диссертация тадқиқоти бўйича умумлаштирилган хулоса, фикр, таклиф ҳамда тавсиялар қисқа ва аниқ келтирилади. Хулоса таҳририй жиҳатдан пухта, қисқа, аниқ ва равшан ифодаланиб, бандланган (рақамланган) ҳолда расмийлаштирилади.
12. Фойдаланилган адабиётлар рўйхати диссертация матнида ҳавола қилинган барча илмий ва бошқа нашрлар рўйхатидан иборат бўлиши керак.
13. Фойдаланилган адабиётлар рўйхати қуйидаги уч қисмдан иборат бўлади:
норматив-ҳуқуқий ҳужжатлар ва методологик аҳамиятга молик нашрлар;
монография, илмий мақола, патент, илмий тўпламлар;
фойдаланилган бошқа адабиётлар.
Фойдаланилган адабиётлар рўйхати алифбо, систематик ёки матнда ҳавола қилиниши кетма-кетлиги тарзида келтирилади.
Диссертацияда фойдаланилмаган ва ҳавола қилинмаган адабиётларни рўйхатга киритишга йўл қўйилмайди.
14. Диссертацияда фойдаланган материаллар манбаи, унинг муаллифи ва номи тўлиқ кўрсатилиши лозим. Диссертацияда илмий иш ёзишда иштирок этган ҳаммуаллифларнинг ғоя ёки ишланмаларидан фойдаланилган тақдирда, улар диссертация ва диссертация авторефератида қайд этилиши шарт.
15. Диссертациянинг шартли белгилар ва атамалар рўйхати қисмида диссертация матнида нисбатан кўп учрайдиган махсус белгилар ва қисқартма сўзларга изоҳ берилиши керак.
16. Диссертациянинг иловалари диссертациянинг асосий матни билан бирга битта жилдга жамланган ёки алоҳида жилд шаклида расмийлаштирилиши мумкин. Иловаларга диссертация матнини тўлдирадиган ва тасвирлайдиган ёрдамчи материаллар киритилиши мумкин.
Иловаларнинг кетма-кетлиги диссертация матнида уларга ҳавола қилиш тартибига мос келиши керак.
Олдинги таҳрирга қаранг.
2-§. Диссертация матнининг расмийлаштирилишига қўйиладиган талаблар
(иккинчи параграф Ўзбекистон Республикаси Вазирлар Маҳкамаси ҳузуридаги Олий аттестация комиссияси раёсатининг 2017 йил 31 майдаги 239/8-сонли (рўйхат рақами 2665-1, 23.06.2017 й.) қарори таҳририда — ЎР ҚҲТ, 2017 й., 25-сон, 573-модда)
Олдинги таҳрирга қаранг.
17. Фалсафа доктори (Doctor of Philosophy) диссертациясининг ҳажми 60 варақдан, фан доктори (Doctor of Science) диссертациясининг ҳажми эса, 100 варақдан ошмаслиги керак (матн варақнинг олд ва орқа томонига ёзилади). Ижтимоий-гуманитар фанлар йўналишидаги диссертация ҳажми кўпи билан 30 фоизга оширилиши мумкин. Мундарижа, фойдаланилган адабиётлар рўйхати, шартли белгилар ва атамалар рўйхати ҳамда иловалар кўрсатилган ҳажмга киритилмайди.
(17-банд Ўзбекистон Республикаси Вазирлар Маҳкамаси ҳузуридаги Олий аттестация комиссияси раёсатининг 2017 йил 31 майдаги 239/8-сонли (рўйхат рақами 2665-1, 23.06.2017 й.) қарори таҳририда — ЎР ҚҲТ, 2017 й., 25-сон, 573-модда)
Олдинги таҳрирга қаранг.
18. Диссертация матни А4 форматдаги стандарт қоғоз варағининг икки томонида жойлашиши ва қоида тариқасида, 1,5 қатор оралиғида («полуторный») ёзилиши лозим. Ҳар бир бет: юқоридан ва пастдан 2 см; чапдан 3 см; ўнгдан 1,5 см ҳошияга эга; хатбоши 1,27 см га тенг ва бир хилда бўлиши лозим.
(18-банднинг биринчи хатбошиси Ўзбекистон Республикаси Вазирлар Маҳкамаси ҳузуридаги Олий аттестация комиссияси раёсатининг 2017 йил 31 майдаги 239/8-сонли (рўйхат рақами 2665-1, 23.06.2017 й.) қарори таҳририда — ЎР ҚҲТ, 2017 й., 25-сон, 573-модда)
Матнни компьютер воситасида босиб чиқаришда «Тimеs Nеw Rоmаn» 14 ўлчамли шрифтда «Мiсrоsоft Wоrd» матн редакторидан фойдаланиш тавсия қилинади.
19. Бетлар титул варағидан бошлаб охирги варақгача изчил кетма-кетликда рақамланади. Бетнинг тартиб рақами варақнинг пастки ўнг бурчагида 2 рақамидан бошлаб ёзилади. Титул варағига 1 рақами қўйилмайди.
20. Диссертациянинг мундарижаси, кириш қисми, ҳар бир боби, хулоса, фойдаланилган адабиётлар рўйхати ва бошқа таркибий қисмлари янги бетдан расмийлаштирилади.
21. Диссертация таркибий қисмларининг бош сарлавҳалари («Мундарижа», «Кириш», «Хулоса», «Фойдаланилган адабиётлар рўйхати» ва бошқалар) бош ҳарфларда ёзилади.
22. Боблар рим рақамлари билан рақамланади ва сарлавҳаларга эга бўлади. Параграфла𠫧» белгиси билан белгиланади, араб рақамлари билан рақамланади ва сарлавҳаларга эга бўлади.
Боблар ва параграфлар сарлавҳаларининг юқори ва пастки қисмидан 12 ўлчамли («пт») оралиқ қолдирилиши керак.
Олдинги таҳрирга қаранг.
23. Диссертация матнида фойдаланилган адабиётлардан олинган материалга ҳавола сатр ости эслатмаларда келтирилади ёки унинг фойдаланилган адабиётлар рўйхатидаги тартиб рақами ва шу адабиётга иқтибос материал жойлашган бет қавс ичида, диссертация матнининг ўзида алоҳида кўрсатилади (масалан: [1; 25 — 26-б.]).
(23-банд Ўзбекистон Республикаси Вазирлар Маҳкамаси ҳузуридаги Олий аттестация комиссияси раёсатининг 2017 йил 31 майдаги 239/8-сонли (рўйхат рақами 2665-1, 23.06.2017 й.) қарори таҳририда — ЎР ҚҲТ, 2017 й., 25-сон, 573-модда)
24. Сурат, фотосурат, график, чизма, диаграмма ва шу кабилар «расм» сўзи билан ифодаланиб, улар варақда кўриш учун қулай тарзда жойлаштирилиши керак.
25. Расмлар улар жойлашган боблар тартиб рақами кўрсатилган ҳолда, изчил кетма-кетликда, расмнинг пастида ўрта қисмида рақамланади (масалан: «1.1-расм.»), иловаларда келтирилган расмлар бундан мустасно.
Ҳар бир расм номланиши керак. Расмнинг номи унинг остига ёзилади.
Зарур ҳолларда расмга изоҳ берилиши мумкин ва у ҳам расмнинг остига қўйилади.
Олдинги таҳрирга қаранг.
26. Рақамли материаллар жадвал кўринишида расмийлаштирилиши мумкин. Жадваллар улар жойлашган боблар тартиб рақами кўрсатилган ҳолда, изчил кетма-кетликда, жадвалнинг тепа ўнг бурчак қисмида рақамланади (масалан: «1.1-жадвал.»).
(26-банд Ўзбекистон Республикаси Вазирлар Маҳкамаси ҳузуридаги Олий аттестация комиссияси раёсатининг 2017 йил 31 майдаги 239/8-сонли (рўйхат рақами 2665-1, 23.06.2017 й.) қарори таҳририда — ЎР ҚҲТ, 2017 й., 25-сон, 573-модда)
Ҳар бир жадвал номланиши керак. Жадвалнинг номи унинг устига ёзилади.
27. Диссертация матнида бериладиган формулалар (тенгламалар) «Мiсrоsоft Wоrd» матн редакторининг «Формула» функцияси ёрдамида аниқ ёзилган бўлиши шарт. Катта ва кичик ҳарфлар, юқори ва пастки индекслар формулада аниқ берилиши керак.
Формула учун белгиларнинг ўлчами қуйидагича ифодаланиши тавсия этилади:
катта ҳарфлар ва рақамлар 5-6 мм;
кичик ҳарфлар 3 мм дан кам бўлмаган;
даража кўрсаткичлари ва индекслари 2 мм дан кам бўлмаган ҳажмда.
Формула ва тегишли материал «LaTeX» форматида берилиши мумкин.
Белгиларнинг маънолари бевосита формула остида уларнинг формуладаги кетма-кетлиги бўйича берилади. Ҳар бир белгининг маъноси янги қатордан берилиши лозим. Берилган маъноларнинг биринчи қатори «бунда» деган сўз билан икки нуқтасиз бошланади.
Формулалар матндан алоҳида бўш қаторлар билан ажратиб ёзилади. Ҳар бир формуланинг юқори ва пастки томонларидан 12 ўлчамли («пт») оралиқ қолдирилиши керак.
Агар тенглама битта қаторга сиғмаса, сиғмаган қисм тенглик белгиси «=» ёки қўшиш «+», айириш «–», кўпайтириш «х» ва бўлиш «:» белгиларидан кейин кўчирилиши керак.
Ҳар бир формула у жойлашган боб тартиб рақами кўрсатилган ҳолда, изчил кетма-кетликда, формуланинг ўнг томонида қавс ичида рақамланади (масалан: «(1.1)»).
28. Диссертация матнида кўрсатилган расм, жадвал ёки формулага ҳавола қилинганда, қавс ичида тегишли расм, жадвал ёки формуланинг рақами (белгиси) келтирилиб, «қаранг» деган сўз қўлланилади (масалан: («1.3-жадвалга қаранг»).
29. Диссертация матнида бериладиган изоҳлар изчил кетма-кетликда рақамланади (масалан: «Изоҳ 1.:»).
30. Диссертация матнида кўрсатилган шахсларнинг Ф.И.О. ҳамда ташкилот ва маҳсулотларнинг номлари ва бошқа атоқли отлар ўзгартирилиб ёзилишига йўл қўйилмайди.
31. Диссертациянинг иловалари алоҳида бетларда расмийлаштирилиб, изчил кетма-кетликда рақамланади ва «илова» деган сўз билан ифодаланади (масалан: «1-илова»). Илова тегишли сарлавҳага эга бўлади.
Иловалар диссертациядан алоҳида жилдда расмийлаштирилганда, жилднинг титул варағида диссертация мавзусининг номи ва унинг остида бош ҳарфлар билан «Иловалар» деган сўз ёзилади.
Олдинги таҳрирга қаранг.
3-боб. Диссертация авторефератини расмийлаштириш
(3-боб номи Ўзбекистон Республикаси Вазирлар Маҳкамаси ҳузуридаги Олий аттестация комиссияси раёсатининг 2017 йил 31 майдаги 239/8-сонли (рўйхат рақами 2665-1, 23.06.2017 й.) қарори таҳририда — ЎР ҚҲТ, 2017 й., 25-сон, 573-модда)
Олдинги таҳрирга қаранг.
1-§. Диссертация авторефератига қўйиладиган талаблар
(биринчи параграф Ўзбекистон Республикаси Вазирлар Маҳкамаси ҳузуридаги Олий аттестация комиссияси раёсатининг 2017 йил 31 майдаги 239/8-сонли (рўйхат рақами 2665-1, 23.06.2017 й.) қарори таҳририда — ЎР ҚҲТ, 2017 й., 25-сон, 573-модда)
Олдинги таҳрирга қаранг.
32. Диссертация автореферати рисола кўринишида тайёрланиб, унинг муқоваси мазкур Қоидаларнинг 2 ва 2а-иловаларига мувофиқ шаклда расмийлаштирилади. Бунда асосий муқоваси оқ-ялтироқ қоғозда ва ички муқовалари (ўзбек, рус ва инглиз тилларида алоҳида) оқ қоғозда расмийлаштирилади.
(32-банд Ўзбекистон Республикаси Вазирлар Маҳкамаси ҳузуридаги Олий аттестация комиссияси раёсатининг 2017 йил 31 майдаги 239/8-сонли (рўйхат рақами 2665-1, 23.06.2017 й.) қарори таҳририда — ЎР ҚҲТ, 2017 й., 25-сон, 573-модда)
33. Диссертация автореферати асосий муқовасининг орқа томонида диссертация авторефератининг мундарижаси кўрсатилади.
Олдинги таҳрирга қаранг.
34. Ички муқоваларнинг орқа томони мазкур Қоидаларнинг 3 ва 3а-иловаларига мувофиқ шаклда, тегишлича рус ва инглиз тилларига таржима қилинган ҳолда расмийлаштирилади.
(34-банд Ўзбекистон Республикаси Вазирлар Маҳкамаси ҳузуридаги Олий аттестация комиссияси раёсатининг 2017 йил 31 майдаги 239/8-сонли (рўйхат рақами 2665-1, 23.06.2017 й.) қарори таҳририда — ЎР ҚҲТ, 2017 й., 25-сон, 573-модда)
35. Диссертация автореферати қуйидаги таркибий қисмлардан иборат бўлиши лозим:
Олдинги таҳрирга қаранг.
кириш (диссертация аннотацияси);
(35-банднинг иккинчи хатбошиси Ўзбекистон Республикаси Вазирлар Маҳкамаси ҳузуридаги Олий аттестация комиссияси раёсатининг 2017 йил 31 майдаги 239/8-сонли (рўйхат рақами 2665-1, 23.06.2017 й.) қарори таҳририда — ЎР ҚҲТ, 2017 й., 25-сон, 573-модда)
диссертациянинг асосий мазмуни;
хулоса;
эълон қилинган ишлар рўйхати.
36. Диссертация авторефератининг кириш қисми диссертациянинг кириш қисми билан айнан бир хил бўлиши лозим.
37. Диссертациянинг асосий мазмуни қисмида диссертациянинг моҳияти қисқача баён қилиниб, тадқиқот мақсадига эришилганлиги ва вазифаларининг бажарилганлиги кўрсатиб берилиши керак.
38. Хулоса қисмида диссертация тадқиқоти бўйича хулосалар, таклиф ва тавсиялар ҳамда амалиётга жорий этилиши мумкин бўлган натижалар келтирилади.
39. Эълон қилинган ишлар рўйхатида диссертация мавзуси бўйича чоп этилган илмий ишлар рўйхати кўрсатилади. Улар қуйидаги хронологик тартибда келтирилиб изчил кетма-кетликда рақамланади:
монография;
патент;
илмий мақола;
илмий тўпламлар ва бошқа нашр ишлари.
40. Нашр қилинган илмий ишлар рўйхати қуйидаги икки бўлимдан иборат бўлиши лозим:
Олдинги таҳрирга қаранг.
биринчи бўлимда — тегишли илмий нашрларда чиқарилган илмий ишлар ва олинган патентлар кўрсатилади;
(40-банднинг иккинчи хатбошиси Ўзбекистон Республикаси Вазирлар Маҳкамаси ҳузуридаги Олий аттестация комиссияси Раёсатининг 2021 йил 31 мартдаги 295/13-сонли қарори (рўйхат рақами 2665-2, 09.04.2021 й.) таҳририда — Қонун ҳужжатлари маълумотлари миллий базаси, 09.04.2021 й., 10/21/2665-2/0310-сон)
иккинчи бўлимда — бошқа илмий нашрлар.
41. Зарур ҳолларда, авторефератда муҳим бўлган расм, жадвал ҳамда формулалар ва шу кабилар кўрсатилиши мумкин. Улар бутун автореферат бўйича изчил кетма-кетликда рақамланади.
Олдинги таҳрирга қаранг.
2-§. Диссертация автореферати матнининг расмийлаштирилишига қўйиладиган талаблар
(иккинчи параграф Ўзбекистон Республикаси Вазирлар Маҳкамаси ҳузуридаги Олий аттестация комиссияси раёсатининг 2017 йил 31 майдаги 239/8-сонли (рўйхат рақами 2665-1, 23.06.2017 й.) қарори таҳририда — ЎР ҚҲТ, 2017 й., 25-сон, 573-модда)
Олдинги таҳрирга қаранг.
42. Фалсафа доктори (Doctor of Philosophy) диссертацияси автореферати ўзбек ва рус ёки инглиз тилларида 2 босма табоқ, ҳар бир тилда 1 босма табоқ ҳажмда тайёрланиб, унинг учинчи тилдаги (рус ёки инглиз) қисқача мазмуни ҳам берилади.
Фан доктори (Doctor of Science) диссертацияси автореферати ўзбек ва рус ёки инглиз тилларида 3 босма табоқ (ҳар бир тилда 1,5 босма табоқ) ҳажмда тайёрланиб, унинг учинчи тилдаги (рус ёки инглиз) қисқача мазмуни ҳам берилади.
Ижтимоий-гуманитар фанлар соҳасидаги диссертация авторефератининг ҳажми кўпи билан 30 фоизга оширилиши мумкин.
(42-банд Ўзбекистон Республикаси Вазирлар Маҳкамаси ҳузуридаги Олий аттестация комиссияси раёсатининг 2017 йил 31 майдаги 239/8-сонли (рўйхат рақами 2665-1, 23.06.2017 й.) қарори таҳририда — ЎР ҚҲТ, 2017 й., 25-сон, 573-модда)
Олдинги таҳрирга қаранг.
43. Диссертация автореферати қуйидаги техник талабларга мувофиқ тайёрланади ва рисола шаклида чоп этилади:
матн А4 форматдаги стандарт қоғоз варағининг бир томонида жойлаштирилади;
матн 1 қатор оралиғида («одинарный») ёзилиши лозим. Ҳар бир бет: юқоридан ва пастдан 2 см; чапдан 3 см; ўнгдан 1,5 см ҳошияга эга; хатбоши 1 см га тенг ва бир хилда бўлади;
рисоланинг ўлчами 21 х 14,5 см бўлади.
(43-банд Ўзбекистон Республикаси Вазирлар Маҳкамаси ҳузуридаги Олий аттестация комиссияси раёсатининг 2017 йил 31 майдаги 239/8-сонли (рўйхат рақами 2665-1, 23.06.2017 й.) қарори таҳририда — ЎР ҚҲТ, 2017 й., 25-сон, 573-модда)
44. Бетлар асосий муқовадан бошлаб охирги варақгача изчил кетма-кетликда рақамланади. Бетнинг тартиб рақами варақнинг пастки ўнг бурчагида «5» рақамидан бошлаб ёзилади. Асосий муқова ва унинг орқа томони ҳамда ички муқовалар ва уларнинг орқа томонларига тегишли бетнинг рақами қўйилмайди.
45. Диссертация автореферати таркибий қисмларининг бош сарлавҳалари («Мундарижа», «Кириш (Докторлик диссертацияси аннотацияси)», «Диссертациянинг асосий мазмуни», «Хулоса», «Эълон қилинган ишлар рўйхати») бош ҳарфларда ёзилади. Уларнинг тагидан 12 ўлчамли («пт») оралиқ қолдирилиши керак.
46. Мазкур Қоидалар Ўзбекистон Республикаси Маданият ва спорт ишлари вазирлиги, Олий ва ўрта махсус таълим вазирлиги, Соғлиқни сақлаш вазирлиги, Халқ таълими вазирлиги, Қишлоқ ва сув хўжалиги вазирлиги, Ташқи ишлар вазирлиги, Фанлар академияси, Вазирлар Маҳкамаси ҳузуридаги Фан ва технологияларни ривожлантиришни мувофиқлаштириш қўмитаси билан келишилган.
Келишилган:
Маданият ва спорт ишлари вазири в. в. б Б. АХМЕДОВ
2015 йил 16 март
Олий ва ўрта махсус таълим вазири А. ВАҲАБОВ
2015 йил 16 март
Соғлиқни сақлаш вазири А. АЛИМОВ
2015 йил 16 март
Халқ таълими вазири У. ИНОЯТОВ
2015 йил 17 март
Қишлоқ ва сув хўжалиги вазири Ш. ТЕШАЕВ
2015 йил 17 март
Ташқи ишлар вазири А. КАМИЛОВ
2015 йил 17 март
Фанлар академияси президенти Ш. САЛИХОВ
2015 йил 18 март
Вазирлар Маҳкамаси ҳузуридаги Фан ва технологияларни ривожлантиришни мувофиқлаштириш қўмитаси раиси Ш. САЛИХОВ
2015 йил 18 март
Вазирлар Маҳкамаси ҳузуридаги Фан ва технологияларни ривожлантиришни мувофиқлаштириш қўмитаси ижро аппарати раҳбари О. ПАРПИЕВ
2015 йил 18 март
Олдинги таҳрирга қаранг.
Диссертация ва диссертация авторефератини расмийлаштириш қоидаларига
1-ИЛОВА
Фалсафа доктори (Doctor of Philosophy) диссертацияси титул варағининг
ШАКЛИ

(1-илова Ўзбекистон Республикаси Вазирлар Маҳкамаси ҳузуридаги Олий аттестация комиссияси раёсатининг 2017 йил 31 майдаги 239/8-сонли (рўйхат рақами 2665-1, 23.06.2017 й.) қарори таҳририда — ЎР ҚҲТ, 2017 й., 25-сон, 573-модда)
Олдинги таҳрирга қаранг.
Диссертация ва диссертация авторефератини расмийлаштириш қоидаларига
1а-ИЛОВА
Фан доктори (Doctor of Science) диссертацияси титул варағининг
ШАКЛИ

(1а-илова Ўзбекистон Республикаси Вазирлар Маҳкамаси ҳузуридаги Олий аттестация комиссияси раёсатининг 2017 йил 31 майдаги 239/8-сонли (рўйхат рақами 2665-1, 23.06.2017 й.) қарорига асосан киритилган — ЎР ҚҲТ, 2017 й., 25-сон, 573-модда)
Олдинги таҳрирга қаранг.
Диссертация ва диссертация авторефератини расмийлаштириш қоидаларига
2-ИЛОВА
Фалсафа доктори (Doctor of Philosophy) диссертацияси автореферати муқовасининг
ШАКЛИ

(2-илова Ўзбекистон Республикаси Вазирлар Маҳкамаси ҳузуридаги Олий аттестация комиссияси раёсатининг 2017 йил 31 майдаги 239/8-сонли (рўйхат рақами 2665-1, 23.06.2017 й.) қарори таҳририда — ЎР ҚҲТ, 2017 й., 25-сон, 573-модда)
Олдинги таҳрирга қаранг.
Диссертация ва диссертация авторефератини расмийлаштириш қоидаларига
2а-ИЛОВА
Фан доктори (Doctor of Science) диссертацияси автореферати муқовасининг
ШАКЛИ

(2а-илова Ўзбекистон Республикаси Вазирлар Маҳкамаси ҳузуридаги Олий аттестация комиссияси раёсатининг 2017 йил 31 майдаги 239/8-сонли (рўйхат рақами 2665-1, 23.06.2017 й.) қарорига асосан киритилган — ЎР ҚҲТ, 2017 й., 25-сон, 573-модда)
Олдинги таҳрирга қаранг.
Диссертация ва диссертация авторефератини расмийлаштириш қоидаларига
3-ИЛОВА
Фалсафа доктори (Doctor of Philosophy) диссертацияси автореферати муқоваси орқа томонининг
ШАКЛИ

Изоҳ: мазкур Шакл «Times New Roman» матн редакторининг 11 ўлчамли шрифтда расмийлаштирилади.
(3-илова Ўзбекистон Республикаси Вазирлар Маҳкамаси ҳузуридаги Олий аттестация комиссияси раёсатининг 2017 йил 31 майдаги 239/8-сонли (рўйхат рақами 2665-1, 23.06.2017 й.) қарори таҳририда — ЎР ҚҲТ, 2017 й., 25-сон, 573-модда)
Олдинги таҳрирга қаранг.
Диссертация ва диссертация авторефератини расмийлаштириш қоидаларига
3а-ИЛОВА
Фан доктори (Doctor of Science) диссертацияси автореферати муқоваси орқа томонининг
ШАКЛИ

Изоҳ: мазкур Шакл «Times New Roman» матн редакторининг 11 ўлчамли шрифтда расмийлаштирилади.
(3а-илова Ўзбекистон Республикаси Вазирлар Маҳкамаси ҳузуридаги Олий аттестация комиссияси раёсатининг 2017 йил 31 майдаги 239/8-сонли (рўйхат рақами 2665-1, 23.06.2017 й.) қарорига асосан киритилган — ЎР ҚҲТ, 2017 й., 25-сон, 573-модда)


(Ўзбекистон Республикаси қонун ҳужжатлари тўплами, 2015 й., 15-сон, 185-модда; 2017 й. 25-сон, 573-модда; Қонун ҳужжатлари маълумотлари миллий базаси, 09.04.2021 й., 10/21/2665-2/0310-сон)