Асқазан-ішек жолынан тез сіңеді. Қаннан қалқанша безге, асқазанның шырышты қабығына, бүйрекке, сілекей бездеріне түседі. Аздаған мөлшері май тіндерінде жинақталады. Сілекейде, асқазан сөлінде және ана сүтінде йодтың қанығу деңгейі қан плазмасындағы қанығу деңгейінен 30 есе жоғары. Қабылданған йодтың 80%-ға жуығы организмнен бүйрек арқылы несеппен бірге шығарылады. Нәжіспен бірге 10-15%-ы шығарылады.
Фармакодинамикасы
Антиструмин-дарница таблеткасының әсер етуші заты - калий йодиді организмде йод иондарының тапшылығынынң орнын толтырады, қалқанша без гормондарының синтезіне қатысады. Кері байланысу түрімен тиреотропты гормонның синтезін тежейді, соның салдарынан жемсаудың өсуі тоқтайды, йодтың жетіспеушілігінен бұзылған қалқанша без гормондарының өндірілуі қалыпқа келеді.
Қолданылуы
- эндемиялық жемсаудың алдын алуға және емдеуге
Қолдану тәсілдері
Антиструмин-Дарницаны ересектер аурудың алдын алу мақсатында тамақтан кейін 1 таблеткадан 7 күнде бір рет қабылдайды. Жемсаудың жайылған түрін емдеген кезде күндік доза 1-2 таблеткаға (1-2 мг калий йодиді) тең, әрі препаратты аптасына 2-3 рет қабылдайды. 3 жастан 12 жасқа дейінгі балаларға алдын алу мақсатында ½-1 таблетка (0,5-1 мг) аптасына бір рет тағайындайды, мұнда алдын алу ұзақтығы бірнеше жылға созылуы мүмкін. Ас қорыту жолының шырышты қабығының тітіркенуін алдын алу үшін препаратты сүтпен, киселмен немесе тәтті шаймен ішеді.
