Жоғары жетістікке жетуге бағыттау. Волейболды жарыссыз елестету қиын. Демек, спорттық жарыстарда жоғары нәтижелерге қол жеткізу мен қарсыласын жеңуге ұмтылу да заңдылық болып табылады. Ал бұл бүкіл оқу-жаттығу барысында өз таңбасын қалдырады, яғни барынша тиімді әдістер мен құралдар, жалпы және жеке ойын қызметі бойынша терең мамандану, жылайналымдық және көпжылдық сабақтар мен басқа да бірқатар факторлар пайдаланылады.
Жалпы және арнайы дайындықтың бірлігі. Волейболдан арнайы білім беру 10-12 жастан басталады. Ойынға тереңдетілген мамандандыру алдында жан-жақты, яғни дене, әдістік, тәсілдік дайындық жүргізілуі тиіс. 15-16 жасқа дейінгі жас волейболшылармен жұмыста әмбебаптандыру принципі, 15-16 жастағы ойыншылардың сабақтарына мамандану элементтері басым болады, тек 17-18 жастағы спортшылардың жаттықтыруында мамандану айқын көрінетін ойын қызметі мен ерекшеліктеріне қарай оқу-жаттықтыру барысын тұлғаландыруға көп көңіл бөлінеді. Бұл дене, әдістік, тәсілдік дайындыққа да қатысты. Жан-жақты дайындық бүкіл көпжылдық сабақтар бойында тереңдетілген мамандану міндеттерін табысты шешу үшін қолайлы алғышарттар құруға арнайы көмектеседі.
Достарыңызбен бөлісу: |
