ҚАЗАҚСТАННЫҢ МҰНАЙ ӨҢДЕУ
ЗАУЫТТАРЫНЫҢ МОДЕРНИЗАЦИЯСЫ
КЕЙКИНА Б. Н.
11 сынып оқушысы, Физика-математика бағытындағы
Назарбаев Зияткерлік мектебі, Астана қ.
ТУРГАНБАЕВА А. О.
тарих пәнінің мұғалімі, Физика-математика бағытындағы
Назарбаев Зияткерлік мектебі, Астана қ.
Бүгінгі таңда Қазақстанда 3 ірі мұнай өңдеу зауыттары жұмыс
істеуде. Олар: Атырау мұнай өңдеу зауыты (АМӨЗ), Павлодар
мұнай-химия зауыты (ПМХЗ) және ПетроКазақстан Ойл Продактс
(ПҚОП). Бүгінгі таңда айтылып кеткен үш зауыт модернизация,
немесе қайта жаңғырту, үрдісін жүзеге асыруда. Бұл 2015-2019
жылдарға жоспарланған «Мемлекеттік индустриялық-инновациялық
даму бағдарламасын (МИИДБ) қабылдау туралы» ҚР Президентінің
жарлығын іске асыру мақсатында қабылданған шешім. Бұл
бағдарламаның мақсаты өңдеуші өнеркәсіпте әртараптандыруды
ынталандыру және бәсекеге жарамдылығын көтеру болып табылады
[1]. Модернизация жоспары бойынша мұнай өнімдерінің сапасын
заманауи әлемдік стандарттар деңгейіне жеткізумен бірге, мемлекеттің
|
