Одоб –инсонга ҳусн (8 соат)

“Одоб – инсонга ҳусн” бўлимига киритилган асарлар фахм-фаросат, ҳаё ва одоблилик, қаноат кабилар инсоннинг маънавий-аҳлоқий қиёфасини белгиловчи асосий омиллар экани юзасидан илк тушунчалар беришга мўлжалланган.

“Меҳнатнинг таги-роҳат” бўлимида меҳнат туфайли инсон бахтга эришиши, она ернинг инсонлар меҳнати туфайли бойлик манбайига айланиши ҳақидаги тушунчалари таркиб топтирилади.

Синфдан ташқари ўқиш учун 8-16 бетли кичик ҳажмдаги асарлардан тузилган болаларбоп китоблар танланади. Синфдан ташқари ўқиш дарсида 1-1,5 бетли асардан фойдаланилади. Улар билан ўқувчилар ўқитувчининг ўқиб бериши орқали таништирилади. Синфдан ташқари ўқиш дастурининг асосий вазифаси ўқиш малакаларини такомиллаштириш, билимларини бойитиш, китоб билан мустақил ишлашга ўргатишдир.

Ҳафтада охирги ўқиш дарсининг 20 дақиқаси синфдан ташқари ўқиш учун ажратилади.

Ўқиш мавзуси синфда ўқиладиган асарлар мавзуси билан уйғунлигига, таълим тарбия бирлигида, мавсумий, босқичли ва болалар қизиқишига риоя қилган ҳолда белгиланади ҳамда асарлар танланади.