| Олтин куз (6 соат)
Олтин фасл сифатида эъзозланадиган кузнинг инсон ва табиат ҳаётида тутган ўрни тўғрисида ҳикоя қилинган асарлар. Табиат қучоғига саёҳат. «Ўлкамиз (қишлоғимиз, шаҳримиз) табиати» мавзусида ижодий матн яратиш.
Маънавият — қалб қуёши (11 соат)
Инсон маънавиятини юксалтиришга, айниқса, болаларни эзгуликка муҳаббат руҳида тарбиялашга қаратилган, аҳлоқ-одоб меъзонлари хусусида баҳс юритилган асарлар, уларда аҳлоқ-одоб, гўзал инсоний фазилатлар тўғрисида муайян тасаввур тушунча бериш.
Халқ оғзаки ижоди (28 соат)
Халқимизнинг минг йиллар мобайнида яратган сеҳрли-фантастик эртаклари, халқ дарди, истак-хоҳиши, орзу-умидлари ифодаланган қўшиқлар, болаларнинг қувноқ ўйин-қўшиқлари, ҳозиржавоблик, топқирликни тақозо этадиган топишмоқлар, халқнинг ҳаётий хулосаси тарзида юзага келган пурҳикмат мақоллар, сеҳр-жозибага йўғрилган ривоятларни ўқиш.
Ватанимиз ўтмишидан (9 соат)
Ҳикоя, ривоят, шеър ва ҳикматларда Ватанимиз тарихи, унинг муқад-даслиги, Абу Али ибн Сино, Паҳлавон Маҳмуд, Алишер Навоий каби буюк аждодларимиз ҳаёти, халқимиз босиб ўтган машаққатли йўл тўғрисида ҳикоя қилиш.
Достарыңызбен бөлісу: |
