Қаланың түйінді мәселелері — депутаттар назарында
«Қазақстан Республикасындағы жергілікті мемлекеттік басқару және өзін-өзі басқару туралы» Заңының 9 бабына сәйкес мәслихат пен депутаттар жылына кемінде бір рет атқарған жұмыстары туралы есеп беруі тиіс.
Өткен жұмада Ақтөбе қалалық мәслихатының есепті мерзім ішінде атқарған жұмыстары туралы есебі болды.
Отырысқа қала әкімі Бекбол Сағын, Ақтөбе қалалық мәслихатының депутаттары, саяси партиялар, қоғамдық бірлестіктер, қала ұйымдарының, БАҚ өкілдері қатысты.
Атқарған жұмыстары туралы есебінің тезистерімен қалалық мәслихат хатшысы Сұлупан Шынтасова шығып сөйледі. Іс-шараға дейін қатысушылар есеп мазмұнымен таныса алды, себебі есеп қарсаңында «Ақтөбе» және «Актюбинский вестник» облыстық газеттерінде жарияланды.
Достарыңызбен бөлісу: |
