Делбегетей ауылдық округінің әлеуметтік-экономикалық даму бағдарламасының орындалуы туралы округ әкімі Айжан Акемиеваның есепті баяндамасының тезисі

2017 жылдың 1 қаңтарындағы мәлімет бойынша округте 1 елді мекен (Қоңырбиік ауылы) бар. Халық саны 352 адам тұрады, оның ішінде қазақтар саны- 346, орыстар - 6. 2016 жыл округ бойынша 4 сәби дүниеге келді, 3 адам қайтыс болды, 10 адам басқа жақтан келді. Зейнеткерлер – 59, оның 16- сы мүгедектер, тыл ардагерлері – 7.

Округте 19 шаруа қожалығы (1 асыл тұқымды ақбас сиырларды өсіретін «Мақсат» шаруашылығы) бар, мектептер саны – 1, дәрігерлік мекеме – 1 (ауылдық медпункт), мәдени ошақтар саны - 1 (Жастар орталығы), сауда нүктелерінің саны – 2, мал сою алаңы – 1, шағын наубайхана – 1, ветеринарлық пункт – 1.

Округ бойынша 10 шаруа қожалығы ірі қараның тұқымдық түрленуі бойынша субсидия алса, 2 шаруа қожалығы («Абзал» ш/қ мен «Мақсат» ш/қ) асыл тұқымды қошқарлар сатып алу және қой санын көбейту бойынша субсидия алды. Ауыл шаруашылығын дамыту бойынша ұсақ мал саны азайса, ірі қара мал мен жылқы өсімінің көрсеткіштері артығымен орындалды. Ауылдық округте тұрғындар мен шаруа қожалықтары бойынша 2017 жылдың 1-ші қаңтарына мал саны барлығы:

Ірі қара – 2453 бас, аналығы -1367 бас. 2730 бас, аналығы – 1765 бас.

Ұсақ мал – 6754 бас, аналығы – 4632 бас. 5031 бас, аналығы – 4054 бас.

Жылқы – 602 бас, аналығы- 283 бас. 780 бас, аналығы – 357 бас.

Жоспар Орындалуы

Мүлік салығы- 9 000 теңге 9000 теңге

Жер салығы - 11600 теңге 11600 теңге

Көлік салығы - 300 000 теңге 358312 теңге
Білім беру саласы: Қоңырбиік негізгі мектебінде жалпы бала саны – 65, оның ішінде негізгі мектебімізде - 35 бала, кіші орталықта- 20 бала, мектепалды даярлық тобында- 10 бала білім алуда. Білім беру саласында 13 мұғалім, 2 тәрбиеші, 1 психолог жұмыс істейді. Оның жоғары білімдісі - 12, арнаулы орта білімдісі – 4.

Аудандық ағылшын тілінен мәнерлеп оқу сайысынан Касымжанова Л.М І орын, аудандық «Үздік информатика пәні мұғалімі» сайысы және «Әдістемелік құрал» сайысынан Кабдыгалиева Д.Е. ІІ орын, аудандық мұғалімдер арасындағы туристік жарыста «Қоңырбиік негізгі мектебі» - ІІ орын алды. Тәуелсіздіктің 25 жылдық мерей тойына орай аудан әкімінің мадақтама грамотасын бастауыш сынып мұғалімі Идрисова А.Т. алды. Аудандық білім бөлімінің алғыс хатын Отарбаева Т.М., Калиева Ж.С., Көкебаева Д.Қ. алды. Технология пәнінен аудандық көрме жарысында Абдулина В.А., Отарбаева Т.М. ІІ орын иеленді.

Биология пәнінен облыстық интеллектуалдық конкурста 6-сынып оқушысы Идрисов Мерей ІІІ орын, Бастауыш сынып оқушылары арасында өткен аудандық пәндік олимпиадада Айсанов Қазбек математикадан ІІІ орын, қазақ тілі пәнінен Киржибаева Диана ІІ орын, орыс тілі пәнінен аудандық олимпиадада Слямханова Самал ІІІ – орын, облыстық «Балапан» конкурсынан Алтай Айым ІІІ орын, Айсанова Алтынай, Ризабек Гүлзат, Жеңісқанова Наз, Ерланқызы Ару ІІ орын, Облыстық қазақ тілі пәнінен «Айналайын» конкурсынан Жұмаділова Еркежан ІІ орын, Киржибаева Диана, Алтай Ералы, Акрамов Алинур ІІІ орын алды.

«Мектепке жол» акциясы аясында 1-сынып табалдырығын аттаған 7 балаға мектепке қажетті оқу құралдары сыйға тартылды. «Туған жерге тағзым» акциясы аясында мектеп түлектері 110 мың теңге көлемінде мектепке демеушілік көрсетті.

Мәдениет саласы. Аудандық сайыстарға округ тұрғындары белсене қатысады.Астана күніне орай аудандық Жастар үйінің мамандары және аудандық «Жас Отан» жастар қанатының ұйымдастыруымен аудандық әкімшілік-аумақтық бірліктерінің 19-24 жас аралығындағы жастар арасында «Ел жүрегі – Астана» сайысында Делбегетей ауылдық округінен Досхан Балтабаев 2- орынды иеленді.

«Ақтайлақ» шаруа қожалығы лизингке «Казагрофинанс» бойынша 5 млн 400 мың теңгеге ауылшаруашылық техникасын (трактор МТЗ – 82) сатып алды.

Отбасының әлеуметтік белсенділігін арттыру келісімшарты негізінде аз қамтамасыз етілген отбасыға шартты ақшалай көмек енгізу «Өрлеу» бағдарламасы бойынша бір жанұяға көмек көрсетіліп отыр. 18 жасқа толмаған балаларға арналған жәрдемақыны 5 жанұя алды.

Жарма ауданының жұмыспен қамту және әлеуметтік бағдарламалар бөлімі арқылы әр санаттағы 11 адам 2017 жылдың І жартыжылдығына кезеңдік басылымдарға тегін жазылды. Мерзімді баспасөзге жазылу бойынша округіміз жоспарды 110 пайызға орындады.