Септеулік шылаулар
Септеулік шылаулар – белгілі бір септік тұлғадағы толық мағыналы сөздермен тіркесіп келіп, оған қосымша (мезгілдік, мекендік, шектік, себептік, мақсаттық, т.б.) мән үстеп, оны екінші сөзбен сабақтастыра (бағындыра) байланыстыратын шылау түрлері. Септеулік шылаулар септеуліктер деп те аталады.
Сонымен септеуліктер төмендегі септік тұлғадағы сөздердің шылауында айтылады: 1. Атау септіктегі сөзбен тіркесетін септеуліктер: арқылы, жайында (жөнінде, туралы), үшін, сайын, тәрізді, сияқты (секілді, сықылды). 2. Барыс септіктегі сөздермен тіркесетін септеуліктер: дейін, шейін, таман, қарай, салым, жуық, тарта, қарай. 3. Шығыс септіктегі сөздермен тіркесетін септеуліктер: кейін, соң, гөрі, бері, бұрын, әрі. 4. Көмектес септіктегі сөздермен тіркесетін септеуліктер: қатар, қабат, бірге, қоса.
Достарыңызбен бөлісу: |
