Ылғалдылық дәрежесі Ылғалдылық — қатты денедегі, ұнтақ заттағы, газдағы ылғал мөлшері. Абсолюттік ылғалдылық — материалдардың құрғақ бөлегі массасының өлшем бірлігіне сәйкес келетін ылғал мөлшері. Салыстырмалы ылғалдық материал массасының бір өлшем бірлігіне сәйкес келетін ылғал мөлшері. Кеннің ылғалдылығы байыту фабрикаларындағы жұмыс процестеріне елеулі әсер етеді. Магнитті және электрлі байытуда ылғалдық белгілі мөлшерден аспауы қажет. Металлургиялық зауыттарға жөнелтілетін концентраттардың ылғалдығы тиісті талаптарға сай болуға тиіс.
Ылғалдылық заттың табиғатына, ал қатты заттарда, сонымен қатар, ұсақтық немесе кеуектілік дәрежесіне байланысты. Химиялық байланысқан, конституциялық деп аталатын судың, мысалы, химиялық ыдырау кезінде ғана бөлінетін гидроксидтердің, сондай-ақ кристаллогидратты судың құрамы ылғал ұғымына кірмейді.
