«Жетімдерді, ата-анасының қамқорлығынсыз қалған балаларды әлеуметтік қамсыздандыруға арналған құжаттарды ресімдеу» мемлекеттік қызмет көрсету стандарты

2010 жылғы «26» ақпандағы

№ 140 қаулысымен

бекітілген

2. Көрсетілетін мемлекеттік қызмет нысаны автоматтандырылмаған.

3. Мемлекеттік қызмет «Неке және отбасы туралы» Қазақстан Республикасы Заңының 100 – 111-баптары, «Адамдардың бала асырап алуына, оны қамқоршылыққа (қорғаншылыққа), патронатқа алуына болмайтын аурулардың тізбесін бекіту туралы» Қазақстан Республикасы Үкіметінің 1999 жылғы 24 маусымдағы № 842 қаулысы негізінде жүзеге асырылады.

4. Мемлекеттік қызмет 1-қосымшаға сәйкес Астана қаласының білім басқармасы, қалалық және аудандық білім бөлімдері (бұдан әрі – білім бөлімдері) арқылы көрсетіледі.

5. Көрсетілетін мемлекеттік қызметтің аяқталу нысаны 3-қосымшаға сәйкес жетім балаларды, ата-анасының қамқорлығынсыз қалған балаларды әлеуметтік қамсыздандыруға арналған құжаттарды ресімдеу болып табылады.

6. Мемлекеттік қызмет жеке тұлғаға (бұдан әрі – тұтынушы) көрсетіледі.

7. Мемлекеттік қызмет көрсету кезінде уақыт бойынша шектеу мерзімі:

білім бөліміне өтініш білдірген кезде:

1) құжаттарды қарау мерзімі бес жұмыс күнін құрайды;

2) құжаттарды тапсырған кезде кезек күтудің рұқсат берілген ең ұзақ уақыты 40 минуттан аспайды;

3) құжаттарды алған кезде кезек күтудің рұқсат берілген ең ұзақ уақыты 20 минуттан аспайды.

8. Мемлекеттік қызмет тегін көрсетіледі.

9. Мемлекеттік қызмет тәртібі туралы толық ақпарат тізбесі осы Стандарттың 1-қосымшасында көрсетілген білім бөлімдері фойесінде, сондай-ақ көрсетілген ұйымдардың интернет-ресурстарында орналасады.

10. Мемлекеттік қызмет:

білім бөлімдеріне өтініш білдірген кезде:

1) белгіленген жұмыс кестесіне сәйкес сенбі, жексенбі және мереке күндерін қоспағанда, түскі үзіліспен сағат 9.00-ден 18.00-ге дейін көрсетіледі;

2) қабылдау алдын ала жазылусыз және жеделдетіп қызмет көрсетусіз кезек күту тәртібімен жүзеге асырылады.

11. Мемлекеттік қызмет тұтынушының тұрғылықты тұратын жері бойынша білім бөлімдерінің ғимараттарында көрсетіледі. Білім бөлімдерінің ғимараттарында тұтынушыларға, оның ішінде мүмкіндігі шектеулі адамдарға қызмет көрсетуге жағдай жасалған. Күту залдары толтырылған бланкілердің үлгілері бар ақпараттық стенділермен жарақталған.

жеке тұлғаның аудандық, қалалық бөлімдер, облыстық, республикалық маңызы бар қаланың білім басқармалары бастықтарының атына өзінің қорғаншы (қамқоршы) болуға ниеті туралы өтініші еркін нысанда ресімделеді;

егер қорғаншы (қамқоршы) болуға ниет білдірген адам некеде тұрған жағдайда, жұбайының (зайыбының) нотариалды расталған келісімі;

егер қорғаншы (қамқоршы), тәрбиеші болуға ниет білдірген адам некеде тұрған жағдайда өтініш берушінің және жұбайының (зайыбының) жеке куәлігінің түпнұсқасы мен көшірмесі;

осы стандарттың 3-қосымшасына сәйкес қорғаншы (қамқоршы) болуға ниет білдірген адамның денсаулық жағдайы туралы медициналық қорытынды;

егер өтініш беруші некеде тұрмаған жағдайда нотариалды расталған анықтама;

өтініш берушінің өмірбаяны еркін нысанда ресімделеді;

өтініш берушіге жұмыс орнынан берілген мінездеме;

жұмыс орнынан анықтама;

жалақысы туралы анықтама;

тұрғылықты жерінен анықтама (Тұрғын үй дапартаментінің ақпараттық анықтамасы);

үй кітабының көшірмесі;

неке туралы куәлік (көшірмесі);

өтініш беруші мен оның жұбайының (зайыбының) сотталмағаны туралы анықтама.

Аталған құжаттарды тапсырғаннан кейін баланы тәрбиелеуге үміткер адамның тұрғын үй-тұрмыстық жағдайына тексеру жүргізіледі, оның қорытындысы бойынша акт дайындалады.

Бұдан басқа, заңнамаға сәйкес қорғаншылыққа (қамқоршылыққа) берілетін әр бала үшін қорғаншылық (қамқоршылық) ресімдеуге ниет білдірген адам мынадай құжаттарды ұсынады:

мектеп әкімшілігі растаған баланың келісімі (егер бала 10 жастан асса);

баланың туу туралы куәлігі;

баланың денсаулық жағдайы туралы медициналық анықтама және баланың даму тарихынан үзінді көшірме;

ата-анасы туралы құжаттар (қайтыс болуы туралы куәліктің көшірмесі, сот үкімі немесе шешімі, ата-анасының ауруы немесе іздестірілуі туралы анықтама, бала некеде тумаған жағдайда № 4 нысандағы анықтама және баланың ата-ана қамқорлығын жоғалтқанын растайтын басқа да құжаттар);

баланың білімі туралы құжат;

зейнетақы алатын балаларға зейнетақы кітапшасы, алименттерді өндіріп алу туралы сот шешімінің көшірмесі;

аға-інілері мен апа-қарындастары және олардың орналасқан жерлері туралы анықтама;

тұрғын үйінің бар немесе жоқ екендігі туралы құжаттар.

Ескертпе: салыстырып тексеру үшін құжаттардың түпнұсқалары көшірмелерімен қоса беріледі, олар кейін тұтынушыға қайтарылады.

13. Өтініш бланкілері білім бөлімінің үй-жайында не білім бөлімдерінің мамандарында болады.

Орталықта өтініш бланкілері күту залындағы арнайы тағанда орналасады.

14. Құжаттарды қабылдау:

білім бөліміне өтініш білдірген кезде білім бөлімі мамандарының кабинеттерінде жүзеге асырылады.

Білім бөлімінің маманы орталықтан құжаттар пакетін алғаннан кейін құжаттардың толықтығын осы стандарттың 12-тармағына сәйкестігіне тексеруді жүзеге асырады, қорғаншылық және қамқоршылық жөнінде анықтама дайындайды және тұтынушыға беру үшін орталыққа жолдайды.

15. Қабылдау кезінде тұтынушыға барлық құжаттарды алғаны туралы қолхат беріледі.

16. Тұтынушыға дайын құжаттарды:

білім бөліміне жүгінген жағдайда – қабылданған құжаттар негізінде білім бөлімінің балалардың құқықтары мен мүдделерін қорғау жөніндегі маманы белгіленген жұмыс кестесіне сәйкес жүзеге асырады.

Анықтама тұтынушының өзі барғанда беріледі.

Егер тұтынушы құжаттарды алуға мерзімінде бармаған жағдайда, білім бөлімдері дайын анықтамалар мен қаралған құжаттардың екі ай бойы сақталуын жүзеге асырады.

17. Тұтынушы осы стандарттың 12-тармағында көрсетілген құжаттардың біреуін ұсынбаған жағдайда, білім бөлімі мемлекеттік қызмет көрсетуден бас тартуы мүмкін.

1) Қазақстан Республикасының Конституциясы мен заңдарын сақтау;

2) сыбайлас жемқорлық көріністеріне қарсы тұру;

3) мемлекеттік және еңбек тәртібін бұлжытпай сақтау;

4) көрсетілетін мемлекеттік қызмет туралы толық ақпарат беру;

5) тұтынушылардың құқықтары мен бостандықтарының бұзылуына жол бермеу;

6) өтініштерді қарау кезінде төрешілдік пен сөзбұйдалыққа салынбау;

7) тұтынушы құжаттарының мазмұны туралы ақпаратты сақтау;

8) құжаттардың құпиялылығын қамтамасыз ету;

9) белгіленген кезеңде алынбаған құжаттардың сақталуын қамтамасыз ету;

10) нақтылық және сыпайылық қағидаттарына негізделеді.

4. Жұмыс нәтижелері
19. Тұтынушыларға мемлекеттік қызмет көрсету нәтижелері осы Стандарттың -қосымшасына сәйкес сапа және қолжетімділік көрсеткіштерімен өлшенеді.

20. Мемлекеттік қызметтің сапа және қолжетімділік көрсеткіштерінің мақсатты мәнін жыл сайын білім бөлімдері басшылары қатарынан арнайы құрылған жұмыс топтары бекітеді.

22. Мемлекеттік қызмет көрсетудің сапасы бойынша наразылық болған жағдайда шағым 1-қосымшаға сәйкес мемлекеттік қызмет көрсететін орынның білім бөлімі бастығының атына немесе тиісті жергілікті атқарушы органның әкімдігіне беріледі.

23. Қабылданған шағым тұтынушының тұрғылықты жері бойынша білім бөлімінің шағымдар мен өтініштерді есепке алу журналына тіркеледі және заңнамада белгіленген мерзімде қаралады.

Заңнамада белгіленген тәртіппен берілген өтініштер міндетті түрде қабылдануы, тіркелуі, есепке алынуы және қаралуы тиіс.

25. Тұтынушы мемлекеттік қызмет көрсету мәселелері бойынша қосымша ақпаратты Қазақстан Республикасы Білім және ғылым министрлігінің Балалардың құқықтарын қорғау комитетінде 010000, Астана қ. «Министрліктер үйі» әкімшілік ғимараты, 11-кіреберіс, 939-каб. мекенжайынан, сондай-ақ комитеттің сайтынан: www.bala-kkk.kz ала алады.

_________________________

Жетімдерді, ата-анасының қамқорлығынсыз қалған балаларды әлеуметтік қамсыздандыруға

арналған құжаттарды ресімдеу»

мемлекеттік қызмет көрсету стандартына

1-қосымша